日本人搞console競爭,大魚食細魚,造就出SONY同NINTENDO兩隻巨無霸,美國佬見搵到錢又差隻腳埋嚟。
搞到呢個世界嘅遊戲主機種類極其複雜,PS、SWITCH、XBOX三間大廠出自己嘅獨佔驚,玩家希望體驗隻驚就要被迫買埋部可能用得一陣嘅機翻屋企,買哂三部最後可能常用嘅得一部甚至全部封塵。
就好似芒亨咁,剩係次世代嘅MHW同MHR都要分PS同SWITCH兩個平台,然後買完過一年就可以喺PC玩到。
最反智嘅係PC擁有最好嘅畫質、流暢度,插隻驚pad落去就已經享受到極其豐富嘅遊戲體驗,2021年MHR喺SWITCH仍然係得60 frame,特效花少少已經drop到得翻30零。
雖然隻驚喺PC同Console嘅selling price相差無幾,但Console個體驗就硬係特別衰。然後如果隻驚係多人玩,例如動森、FF7嗰啲,你又想享受高畫質、流暢嘅遊戲體驗?Sorry,到你PC出嘅時候,隻驚已經畀console玩家撚完一輪,周街都係劇透、朋友已經玩厭,甚至唔會喺PC出(如P5、仆街芒)。
而原因就係出自於驚廠為咗賺錢而同兩位皇帝簽約,玩家想體驗隻驚就要焗住食console嘅低效能,尤其係SWITCH,如果冇獨佔驚直頭係電子垃圾嚟,Even任地獄自家隻BOTW都係有機會frame drop(唔係唔好玩)。
賺錢,唔係問題,問題出自於啲廠賺到盡,直頭係良心缺失(好聽啲講叫在商言商),硬件畀唔足、舊驚支援又衰,例如仆街芒斷代問題畀人插到入肺,全部都係錢作怪。
所以本人決定,要對呢個病入膏肓嘅電子遊戲體系作出微弱嘅反抗,淨係出喺一個平台嘅驚一律拒買。雖然影響微乎其微,但至少可以選擇自己鍾意嘅平台,鍾意PS嘅可以喺PS度打機,鍾意SWITCH嘅唔使買其他。
利:曾經有過哂上述所有Console+PC,已經唔想再對住堆低效能嘅電子垃圾