一如以往，係睇依個post之前，奉勸準備選讀埋土機械工程嘅各位，停一停，諗一諗，有得揀其他U就其他U，有得揀其他科就揀其他，唔好晒咗依四年，唔好睇工程fg出嚟好似收入唔錯，當水泡就揀工程工程，晒完銀之後仲晒埋四年精力，真係想揀工程嘅都唔好揀機械，香港冇機械工程！！！就算真係好想喺香港讀機械工程，記得唔好揀埋土，有HKU, UST, CU, CITY揀或者試吓去外國讀見識吓
眼見太多身邊嘅人揀科時冇了解個科讀咩而喺之後選擇重練，或者渾渾噩噩過咗4年或5年，小弟都係其中之一。揀前都係睇清楚先啦
4年嘅課程可以喺polyu me個網站搵到，第一年個課程同其他工程學院嘅學生都一樣，第三年之後你可以揀機械工程同產品分析及工程設計。機械工程再之後可以揀唔同elective，今年又有改動主要，分為Aerospace Engineering, robotics and Autonomous Systems, Environmental and Energy Engineering, Mechanics and Material四個範疇
咁即係讀咩？讀完基礎嘢，基本上就睇你自己想揀咩，有興趣可以睇咗每一科讀咩同上網睇吓片關於咩
讀完之後做咩？，6-7成做bs相關工作，但你讀嘅嘢同bs無咩直接關係，其他U未必係，不過大學唔係職訓所，雖然poly有啲例外，但都唔好抱太大期望
無論如何，祝各位揀到自己想揀嘅科，走到想走嘅路，做個正直有良心嘅人，做個清醒嘅人。
有咩同mechanical engineering相關嘅問題隨便問，盡答
DSE雞真係要睇路，我由考完dse讀asso開始見樓主開post，睇到今年grad
