當然
資產尤其是帶嚟更多資產嘅資產好重要
但都想睇呢塊係咪負資產嚟㗎嘛
你計好數,租層港樓俾人住,每個月租金收入高過按揭,咁你咪買囉。就算真係封關鎖錢我大不了舊首期套住咗炸嘛,我個人自由身無壓力,搵機會走人
但你唔係有咁多錢,死慳死抵左借右借抬一二百萬上車,每個月月供皮幾兩皮自己搵得3皮(仲好興奮咁加埋女朋友啱啱過到壓力測試),住得嗰350呎(你覺得自己好叻因為你個350同人哋330一樣價錢),日日驚俾老細炒搭個巴士都就住就住唔遲到,成世困住咗喺香港(嚴格啲嚟講,你邊日賣樓邊日重獲自由,不過你唔會賣樓因為你覺得上到車好威威),咁咪由你囉