(劇透+解析) 從全裸監督2，細數日本AV業界變化。

197 回覆

483 Like 7 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁

新東寶翻譯製作 2021-07-20 00:00:05

頭先都有提到，AV女優要重新投入社會並唔係一件容易既事，特別係當身邊既同事朋友都知道你曾經係AV女優既身份之後，所受到既歧視同壓力唔係常人能夠理解得到。

再加上AV女優普遍喺學歷、工作能力、工作經驗等等都比起其他人嚟得少同低，習慣咗拍攝AV既工作模式之後，好難適應返正常人既工種，於是往往就會形成兩個方向，一係就冇一份工做得長，一係就復出再返去拍AV。

新東寶翻譯製作 2021-07-20 00:00:38

呢幕我就覺得好好笑，AV既Title越嚟越長，放喺套片既設定同元素越嚟越多，三言兩語都已經好難解釋清楚，搞到個Title都已經有幾十個字

時至今日基本上都搵唔到少過五個字既AV Title

— —

最後呢幕唔知大家認唔得認出，呢個場景都係著名既AV拍攝場景嚟，特別喺啲合拍片都經常會見到。

(可以認到後面條樓梯，另外呢套係IPX-219，非常好睇既Beauty Venus V。)

新東寶翻譯製作 2021-07-20 00:01:06

最後少少講下我個人對於全裸監督既觀後感啦

作為一個AV Fans，與其將全裸監督當成係一套人物傳記既劇集，我會更加將佢睇成係一套標誌著日本AV文化變化既紀錄片，同時亦都帶出AV女優各種各樣喺鏡頭背後，我地未必會留意到既一面。

先講AV拍攝，由初時既「擬似本番」，到後期既薄格大尺度演出，日本AV經歷咗一段又一段既時代同潮流洗禮，再形成今時今日我地睇到既AV現狀。正如我喺前面所講，十年後既AV又會係點樣；未來我地會唔會唔再睇AV，而係同性愛機械人做愛解決；AV產業又會唔會向一個我地冇諗過既方向發展。作為一個AV影迷，科技既日新月異會點樣影響呢一個娛樂產業，將會係我一個好有興趣亦會一直留意既Topic。

(拍AV其實係好辛苦架

)

AV女優喺各個時代入面都一直遭受各色各樣既歧視，我地成日講笑話大和民族好尊重AV女優，事實當然我地心知肚明；同時要應付同行間既競爭，每個月都有新鮮青春既新人，長時間拍攝對身體既損耗等等，AV女優既工作絕對唔係大家諗得咁簡單同輕鬆。

而現今網絡世界既發達亦都令入過行既女性難以擺脫以往既過去，呢一個影響有可能係終身，你喺AV女優層面上越紅越成功，他朝一日你想洗底重新出發既可能性就更低。

新東寶翻譯製作 2021-07-20 00:01:32

(真實既村西透本人)

講返套劇，村西透既出現，佢既諗法同創新，推動咗當時AV業界既發展；但同時佢個人既偏見、執著、獨斷獨行、為咗證明自己成功而不擇手段，往往都連累到身邊同佢工作既人。而村西身邊既人，正正就係崇拜佢既才華，佢既眼光同手段先至跟隨佢，可惜到最後村西只係剩返佢太太，呢樣或者就係村西既報應啦

每一個年代都有先知，喺某啲人眼中佢係狂人，喺另一啲人眼中佢係痴線佬，敢於創新行出第一步既人係需要莫大既勇氣同意志，但同時亦都要懂得承擔同評估風險，村西可惜就係久缺呢樣野，輸咗唔緊要，重點係要知道點樣輸，點解輸，爬起身之後拍一拍灰塵，機會一定會再嚟。

(自從全裸監督上咗Netflix之後，村西透多咗喺媒體出現，但平時佢都係好啲似廢老咁喺Twitter度做9upper

）

而喺真實AV女優參演方面，陣容雖然睇上去冇第一季咁豪華，但都不過不失。有人話覺得點解AV女優露得好似仲少過啲主角，咁你都識講係主角啦

AV女優既參演只係用嚟充撐下場面，要睇全相既買AV碟睇啦

最後，多謝大家有耐性睇到呢度

希望呢一個由咸濕仔角度出發既劇透分析你會鐘意

成人台再見

完

私人密件 2021-07-20 00:03:01

支持新東寶！

新東寶翻譯製作 2021-07-20 00:09:00

最後既最後就俾我幫自己賣下廣告

小弟喺成人台一直都有出一啲AV相關既資訊po

有興趣可以起我底望下

有一啲以前寫落既遊記：

(超長篇連載遊記) 過去三年，去日本參加AV女優event既甜酸苦辣。
https://lih.kg/2177018
https://lih.kg/2209118

(俾錢正傻仔?) 秋葉原買AV攻略
https://lih.kg/1185749

另外有啲同AV有關既二創故仔