(劇透+解析) 從全裸監督2，細數日本AV業界變化。

大家好我係平時多數喺成人台出沒既新東寶翻譯製作請各位影視台既巴絲打多多指教

話說最近全裸監督第二季終於都喺Netflix上架，相信都有唔少朋友已經睇咗，小弟作為對日本AV非常熱愛既其中一員，當然都唔能夠錯過，早兩日就花咗少少時間將8集全部一口氣睇哂。

睇完之後都有幾多唔同既感受，除咗睇到日本AV界由九十年代到而家既各種變化，AV女優呢個職業喺日本受到既歧視同偏見，另外仲睇到一啲呢套片向舊時AV界致敬既元素，以上既種種都想同大家分享一下

所以今次就過嚟影視台打擾下出篇短評，用一個AV Fans既角度出發，去評論同解構一下呢套題材敏感既劇集，分享啲大家可能冇乜點留意到既細節，亦都以今諷古，等大家了解下現今AV業界同以前有咩大分別

當然以下少不免會有唔少既劇透，所以如果你未睇，打算睇，又或者未睇哂，就唔好睇落去喇睇完返嚟我地再慢慢討論都唔遲

小弟當然都會識做，喺啲有需要既地方會留返啲番號俾大家，等大家有啲彩蛋可以補充下亦都麻煩Admin唔好搬呢個po入成人台，我會遮哂點先貼圖

事不宣遲，著返條褲，我地開始全裸監督2既分析點評

唔講咁多 留名支持左新東寶先

第一集：性愛將從天而降

承接上一季既劇情，村西透成功打造黑木香成為新一代AV女皇，村西透破格而大膽既題材同拍攝手法，衝擊著日本既裹裹外外，亦都令佢喺各個媒體層面上面開始成為注目人物。

村西透同黑木香喺鬧市宣傳，揚言要將AV帶入普羅大眾既電視頻道，甚至要加入政府。

一直留意著村西同一直都有收黑錢既警官，就同村西講要拘捕佢，理由係佢拍攝既作品有未成年少女。




當時應該仲未流行有AV女優事務所呢樣野，普遍片商都係向女優本人招手，又或者透過各種招募既渠道嚟搵女優入行。

喺現今既AV界，AV女優基本上都會有自己既事務所同經理人，佢地除咗做星探發掘新人之外，仲會同女優安排工作，並且帶女優去各個片商面試。由於女優係隸屬於事務所既關係，事務所喺搵人同揀人既時候都要好小心，避免自己惹上麻煩，因為出咗事都好，片商都係會搵事務所賠償。

所以喺而家嚟講，事務所簽人都一定會確認過夠秤先俾入行，免不過都唔想奶屎上身，犯法既野大家都唔好做

然後我地睇到村西透、警察、同埋做租借錄影帶既店鋪老闆，一齊食飯傾生意。



呢一幕除咗睇到大家互相收受利益之外，仲睇到店鋪老闆對村西佢地拍攝既題材俾意見。




喺現代嚟講，做出租業既碟鋪又好，做賣碟既碟鋪都好，基本上佢地只係會負責銷售呢一part，片商拍啲乜野，並唔係佢地既控制範圍。

但相反，片商會留意著當月既出品喺店鋪賣成點，嚟決定將來賣片既方向同計劃

好似近年呢套出張相部屋既題材，因為大受歡迎既關係，就成為咗幾間大片商既主要企劃，著名片商Ideapocket旗下既專屬女優基本上每一個都拍過，劇本不變，男優不變，搵唔同女優拍又可以賣多一個月，已經係業界既慣常技倆。


(相沢みなみ既IPX-358）


(桜空もも既IPX-367)

村西透經由銀行介紹，打算將AV帶入衛星電視市場。

呢一幕用咗一個好好既場景嚟演繹，村西透FF自己喺人造衛星上面，身邊漂浮著唔同既AV，㩒幾個制就將AV投放到全世界




呢一幕令我諗起過去呢十幾年智能電話同網絡既普及，改變咗我地既日常生活。十幾年前我地睇AV要搵咸碟鋪買老翻，而家我地可以搭幾個鐘飛機去日本買碟，可以喺網上面搵資源，呢啲都係以前我地覺得匪夷所思既事。

以當時嚟講，衛星電視係一樣破格同創新既科技，又有幾多人有信心夠膽投資落去？就好似電動車咁，幾年前大家都仲笑緊on9，而家周街都見到，要跟上時代既發展需要既係眼光同膽識，又有幾多人有呢個勇氣？

唔講咁遠，過多幾年，我地又會用一個咩方式嚟睇AV？而家越嚟越多人玩VR AV，未來又會發展成點？都係一個值得探討既問題

第二集：更多、更多、更多

第二集既Title相信鐘意睇AV既朋友都唔會陌生，女優常用既對白嚟

一開場村西既partner川田就去錄影帶鋪睇下啲銷售情況，拎起咗一盒新人既錄影帶，後面片商位置寫著宇宙企劃。




根據Wiki所寫，宇宙企劃係日本第一間AV片商，1981年創立，1983年就出品主打美少女題材既片種，曾經成為業界既一時佳話。

時至今日，宇宙企劃都仲有出片，規模同銷售量當然唔能夠同而家既一線片商相提並論，但都有唔少出名女優曾經喺佢地旗下出過片，例如有成瀨心美、波木はるか(波木遙)、遠啲就有金沢文子、夕樹舞子等等。

呢度就留低一套我自己幾鐘意既波木はるか既作品MDTM-276，係一套制服題材既作品嚟

鏡頭接落去就有一啲AV拍攝既場景，我地見到男優清水健老實講，佢換咗個髮型我差啲認唔出

清水健唔會有人要我俾番號卦



— —

下一幕又係一個拍攝現場既場景，有小弟我既本命，葵つかさ(葵司)



葵司喺呢套劇入面係飾演葉山麗子，都係現實中存在過既一位AV女優，1986年以歌手身份出道，1988年下海，當時藝能人下海都係轟動一時既大新聞嚟。時至今日，撈唔掂又或者有醜聞既藝能人下海，好似已經變咗常態

葵司我就梗係大把番號俾到出嚟啦驚大家J到虛脫，俾著套早期作品DV-1682大家睇著先封面同佢喺劇入面個look一樣

跟著一幕係村西要拍下一個場景，但負責既男優射完未回氣，於是村西就臨時叫一個Staff落場拍。




以前我就唔敢講，因為聽講當年加藤鷹未入行之前都係做片場staff，當時都係俾導演臨時拉伕落場做男優。但近呢幾年基本上所有要落場既男優女優都要先做定期既性病檢查，拍攝前會要求佢地拎著張醫生證明影相，以證明佢地白白淨淨冇性病，先至可以開始拍攝。畢竟呢行涉及大量既體液交換，一個奶野就可能惹到俾好多人，比起武漢肺炎傳播得更勁

所以好似劇入面呢類臨時搵現場既人落場拍，而家應該係冇可能發生，同埋而家現場既男優都唔會只係得一個，通常會有啲汁男男優stand by，眼利既觀眾唔難睇得出有時屌緊既男優，同最後射精既男優唔係同一個人嚟。再加上而家一套AV四五個場景，都會分成一至兩日拍攝，男優係有足夠既時間回氣，唔會要你精盡人亡咁嚴重。

之但係如果你作為主角男優，一日射幾次你都做唔到既話，咁就可能下次人地唔會再搵你喇

村西透意外地發現咗顏射呢個新賣點，時至今日，顏射依然係一個大熱既AV題材，女優精緻既臉蛋被一股股既精液濺上，除咗視覺效果誇啦啦之外，亦係男性心理上對於成功征服一名女性既展現。

但顏射有一點需要注意既地方，就係精液流入眼睛後果可大可少，間唔時都會見到啲女優話拍完顏射場景幾日之後雙眼發紅甚至發炎，都係因為顏射完之後處理得唔好而導致，所以女優通常喺拍顏射鏡頭既時候都會閤埋雙眼，保護自己

呢度就擺低一套橋本ありな既顏射題材作品SSNI-326，唔會閪面兼且希望你顏射佢，希望大家鐘意

村西透想女優奈緒子再拍一次顏射，甚至加錢都在所不惜，奈緒子最後受唔著金錢既引誘應承。




一套AV喺正式拍攝之前，女優、經理人、導演、片商，都會開一個meeting，大家一齊由頭go through一次個劇本，睇下有冇啲咩需要刪改，女優有冇特別既要求等等。

所以喺開拍之前，女優係已經了解清楚每一個場景要做同會做既野，劇本會寫明對白、體位、發射位置等等既細節，大家agree好哂所有野先開拍。拍攝當日事務所亦都會有人喺現場睇著女優同拍攝既情況，所以現場臨時加戲基本上係唔存在的

村西透既藍寶石影業喺顏射片推出之後名氣更響，川田喺貨倉執貨既時候，我地可以睇到片既番號。



呢度既「DV！」既番號有可能係致敬Alice Japan既DV番號。

— —

村西透同成班藍寶石影業既員工去慶功，川田對於村西大額投資衛星電視非常不滿，最後村西帶埋其他員工離開公司自立門戶。

呢度我暫時淨係見到小倉由菜，如果各位眼利搵到其他女優既麻煩話我知


(右手邊數過嚟第三個，著住紅色連身裙嗰個就係佢喇)

番號就俾個STAR-886大家，我比較鐘意佢初出道嗰段時期既作品

第三集：未經雕琢

村西透另起爐灶，成立新片商，呢度我地見到村西透出糧俾女優係俾現金。




嚟到今時今日，其實AV界都係用現金出糧，主要係因為AV女優同男優喺日本銀行業心目中都唔係穩定職業，日本銀行唔會輕易同佢地開戶口，所以女優又好男優又好，大部份都係現金出糧。

而女優男優平時就只可以將錢放喺屋企夾萬，上年里美ゆりあ就俾幾個歹徒入屋行劫，搶走咗六百萬日圓，相當於四十幾萬港紙，都咪話唔肉赤

留名

同場我地仲見到另一位而家Moodyz專屬既女優，八木奈々。

係係，講緊右邊唔戴眼鏡嗰個，左邊嗰個似乎係外星人嚟。



八木奈々真心唔熟俾唔到番號但聽講MIDE-852呢套口碑唔錯既

呢度我地第一次見到專屬演員呢個terms，意思即係呢批女優只會喺呢間片商出片，除咗特別企劃之外唔會去其他片商，呢啲女優我地就會稱為片商既專屬女優，通常呢類女優既片酬都會係最高最好。以前我就唔清楚，但而家既專屬女優都係一個月出一套，每個月只係需要開幾日工

而另一種就叫企劃女優，意思就係好似Freelance咁，周圍接job接片，唔會限死喺一間片商，多勞多得，你捱得著既可以一個月拍足三十日，勤力既話人工多過專屬女優都有可能

呢半塊面我一望就已經知係葵司嚟俾多個番號大家SSNI-207，睇得開心啲



— —

黑木香一直等村西透同佢拍下一套作品，但等極都冇回應，同時佢亦都以AV女優既身份接到一份產品廣告。




近呢幾年其實都有唔少AV女優走入時裝界，最威水當然係要講明日花キララ，由AV女優搖身一變而家成為日本既潮流教主，佢旗下既時裝品牌產品唔止女性，連男性都有出，認真犀利。

最近甚至連片商都叉隻腳入時裝界，片商Prestige早排就出咗啲自己品牌既時裝，仲搵埋自家皇牌女優涼森れむ嚟做Model，睇相都覺得涼森著得靚

劇情繼續落去，黑木香返到公司見到本身係化妝師既順子，落場做埋AV監督。




如果講到女性既AV監督，近呢幾年最紅最多人熟悉既係真咲南朋，一位35歲既AV女導演。





真咲南朋喺入行之前其實都係一位AV女優，當時既藝名係安藤なつ妃，2006年出道，拍咗兩年就引退，改名轉職成為AV導演。

據講真咲南朋本身係真係想入行做AV導演，但片商同佢講「喺你成為導演之前你應該先做演員。」，於是佢就先以AV女優既身份誰入AV界。

真咲南朋既作品好識得點樣拍攝到女優既媚態，同普遍男性導演由男性角度出發唔同，女性導演有時更加能夠捕捉到女優鏡頭內少見啲既一面。我特別鐘意真咲南朋拍既痴女作品，唔係一味睇女優噴完又噴噴完又噴，而係同時又展現到由女性角度出發既痴女係點演譯，喺拍攝主觀鏡頭既時候更加有感覺，同平時睇開既男性導演作品有唔同。

擺低兩套俾大家，一套係坂道みる既SSIS-005，另一套係楓カレン既IPX-383。

俾大家消化下出住咁多先多人睇既今晚再出多啲

高質到

呢個post要留名

Lm

想問幾時開始，女優要加拿大無毛？

全裸1有冇解析過Lm 支持

新師兄