求念珠菌斷尾方法

最後我係用洗閪水好返
已經暫時4個月冇復發
牌子係施巴ph3.8女性清潔液
早晚使用

我係用哂所有正規方法都醫唔好
所以先用洗閪水
我知醫生係唔建議人用洗閪水
所以你地自己再考慮一下應唔應該用


試過以下方法，均為無效
1. 食一個月fluconazole 150mg（醫生處方）
2. 食益生菌
3. 戒糖
4. 即棄底褲 /唔著底褲
5. 睇西醫專科醫生（睇左幾皮野都冇用）
6. 塞益生菌入陰道（醫生處方）
7. 中醫

Iherb d supplement 會唔會有用？
邊隻有絲打食左唔會返發？

你用邊隻陰道健康嘅supplement

呢隻益生菌對我最有用 而家都有keep住日日食
呢隻係50億菌株
同牌子有少啲菌株會平啲
或者搵下其他應該都有用
Gr1同rc14都係專門針對陰道健康嘅菌 揀返就可以了

我都用緊呢個！ 堅有用
用左兩盒 就斷尾啦
有折買 平均$170一盒

七月中左 一開始以為尿道炎
點知原來因為陰道炎所以急
終於出左report係念珠菌
醫生開左抗生素
其實無咩分泌物流出 但會急同入面痕
點算玩到8月 就黎死

推

絲打你最近點呀有冇番發？

冇，我置頂左個comment la,
keep住用洗閪水就冇事

洗唔洗反開個唇嚟洗？

咩叫反開個唇

唔洗洗陰道，
就是洗大小陰唇+屎眼位囉

唔知絲打你仲會唔會睇呢個post
我都搞左半年都未斷尾 月經後又好易復發
想問絲打你用施巴keep到嗎
我今日睇完你講都買左
想問下一開頭你用幾耐見效

因為呢個唔舒服成日唔開心呢個世界有冇人會因為念珠菌自殺

到依家我都冇復發過啊

我以前係除左月經後會痕，以前直頭係連性行為後都會發炎腫起哂（我估係我本身個閪既抵抗力都好差下）。但依家早晚用+性行為前後用，就乜事都冇啦。

我當年嚴重發炎時都有睇醫生，有去塞藥，都係塞左一星期藥。除了塞藥，我同時都有用早晚用施巴洗。

我覺得係點都要睇醫生塞藥殺左d菌先，施巴會令個閪ph長期低d, 等d念珠菌生唔到。

直到現在，我到依家都仲係日日早晚用施巴洗，同著即棄底褲
完全唔敢唔用，覺得好似一唔用就好似有少少發炎咁
我以前發起炎上黎，真係好似成個閪爛左咁，依家最多只係痕痕地，但都好快冇事

我當年因為呢個病，半年由60kg瘦到52kg，我係非常明白你有幾咁絕望，我明你點解會想自殺。

當年的醫生對我態度是極差，果堆醫生仲係名醫，睇一次都要幾千蚊。可能因為我唔係孕婦/重病，又唔洗開刀，冇乜錢比佢地賺，所以就對我態度極差。

當年我是非常絕望，因為好驚一世都係咁，又痕又痛。明明自己又唔係亂搞關係，又潔身自愛。仲要比左好多錢去醫，試左好多藥都唔得。
呢個病又令你死唔去，但又會一直好唔舒服。

果陣我仲成日請假睇醫生，睇到我老細都介紹醫生比我都醫唔好

用洗閪水呢招都係我女老細教我，不過佢係叫我用lactacyd，其實用完有好d, 但都未好哂，我覺得係ph值唔夠低，見施巴ph值係3.8就試下。跟住就好返了。

可能好多人都覺得用洗閪水唔好，又話乜野影響ph值，又乜又柒，唔好長期用之類。但我覺得當你病起上黎，就乜鳩野方法都會想試下。我當年本身係打算洗閪水唔work，就直接塞棚酸入去個閪到，咁最後因為好返左就冇試棚酸。（樽棚酸依家仲擺係我屋企

森下好似當中成份無for女性陰道的

多謝絲打你覆得咁快同咁詳盡

我有睇過兩個醫生 都係開clotrimazole (搽+塞）
我唔算太嚴重但永遠都差少少好唔返 所以好易反反覆覆
前兩日黎完m又惡化左 超痕 想喊
琴日開始用返塞藥同學你用施巴 睇下會點

聽你講施巴令到陰唇附近ph值低令念珠菌生存唔到
但又可以咁神奇殺埋陰道入面啲菌嘅？
同埋用水沖完都keep到3.8ph值？都係好神奇

希望有用啦
又唔係真係要自殺嘅 始終呢個病都好common又唔係咩大病
但真係好唔開心同好影響生活

我頭先google發現原來月經期間ph level會升到接近7
所以黎完m好易因為陰道唔夠酸而念珠菌復發
同埋m緊塞唔到藥架嘛 冇理由塞啲硼酸入去
真係哭撚左女人個閪真係好煩