舊年食左半年避孕藥之後 就開始左幾個月反反覆覆嘅念珠菌 後尾斷左尾 我自己嘅經驗係咁做的
1. 如果係急性期 姐係好痕留緊豆腐渣嘅時候 一定要去睇醫生攞藥塞 等佢殺左菌好翻先
2.好左啲之後換哂所有底褲 我手洗底褲用緊威潔內衣專用潔衣液 話可以殺念珠菌 我唔係係咪真 但我個人來講換哂新底褲又用呢隻野洗乾淨 真係好好多
3. 如果有食避孕藥 可以考慮下停食 乖乖地全程用套 一黎乾淨啲 二黎避孕藥對發念珠菌有啲關係
4. 好重要 糖份 同升糖指數高嘅食物同飲品 可免則免 最好就戒咗佢 我睇過幾個醫生都係咁講 念珠菌好鍾意糖份
5. 保持乾爽 由舊年開始我已經好少着貼身褲同牛仔褲 成日都着裙 減少up住同磨擦
而且沖完涼之後一定要抹乾 我唔用毛巾 因為毛巾唔係日日洗好多菌 我會用廚房紙抹 辦開啲陰唇一定要抹乾
有個醫生同我講話如果真係好多分泌物 可以搵啲純棉嘅面片墊住底褲 護墊太焗 但我自己就完全冇用護墊
6. 至於用女性潔膚液嗰度 好多醫生都係話最好就唔好用 但係如果你用開OK嘅話就可以繼續用 但我個人好大汗覺得用清水洗唔乾淨 我自己一路用緊betadine嘅女性潔膚液都覺得OK同埋舒服 最緊要沖乾淨 同埋一定唔好伸入陰道洗 亦都唔好用熱水沖下面
7. 抵抗力 瞓覺差 忙 情緒差 一定有啲影響 我每晚飯後凍水食益生菌同維他命b雜都覺得有啲用 b雜可以令你瞓得好啲情緒好啲同埋幫助黏膜健康 你都可以試吓做吓運動
8. 蔓越莓汁都可以試吓 但每個人都唔同
念珠菌陰道炎係持久戰黎 同埋其實本個人本身都有念珠菌 只係你嗰排身體唔好 令本身霸住你陰道嘅益菌打輸左 令到念珠菌過分繁殖 菌叢失衡
我依家有時都會有少少痕 但已經唔會好似舊年發念珠菌嗰排咁痕咁辛苦又咁多豆腐渣 希望幫到你哋

乖乖地顧好自己身體好快就冇事!