講京都﹕日式美學【物哀】【幽玄】【侘寂】平安朝至昭和文學

Strong post lm

lm

留名

物哀其實係咪出自文心雕龍？

3. 源氏物語與京都

上次初步了解物哀係投放個人情緒係變化既景物上，咁同觸景生情又有咩分別呢？點解唐詩通常提到「情景交融」，但無呢個名詞既？
當佛教傳到日本時，佢地加深左對「哀」既理解，稱之為「無常觀」（impermanence）或者「徒然」。「無常」係指一樣野「存在過」，但狀態唔恆久，好像美麗既櫻花消逝。所以進一步理解，「哀」係對生命無常感到悲哀。

日本「物哀」始祖「源氏物語」
不得了，本書一千年前所寫，以平安京為背景，最後十集去左宇治（又稱宇治十帖），全文百萬字，被譽為世界第一本長篇小說。（比紅樓夢仲早）係一部上流社會溝女百科全書。


咦，2020年日劇《真不錯，光源氏君》，男主角「光源氏」穿越左去現代。


實際平安朝係咁，男女就算幾熟，都要隔住塊屏風講野。

-
源氏物語（げんじものがたり）即係虛構角色「光源氏」（Hikaru Genji）既故事，作者叫紫式部，「式部」係女官既職銜，唔係真名。中譯本比較出名既，係林文月老師既作品。


光（ひかる），日文有美麗既意思。「光源氏」既人設係桐壺天皇既細仔，一個舉世無雙美男子。源氏一表人才又醒目，長大後溝女所向披靡，對自己繼母、繼母姪女、朋友既情人、政敵個女、街邊陌生人⋯⋯都落左手。 咁當然，能夠流傳到2020年拍日劇，自然有歷史同文學價值。

又睇少少歷史﹕攝關政治 （摂関政治 せっかんせいじ）
係紫式部年代，天皇無實權，大權係外戚手上，滿朝百官都好恨生女。藤原家族既藤原道長，將三個女先後送入宮成為皇后，完美掌控朝廷。紫式部係一条天皇既皇后⋯⋯藤原彰子既導師﹗寫書其中一個目的，係比皇后做宮鬥攻略。源氏呢個角色寫得咁立體，據聞歷史原型就係藤原道長。

-
有一種曖昧叫「和歌」
當時平安京既少男少女好難見面（真係唔可以見樣），佢地需要「曖昧」去猜對方既樣貌同性情。贈送「和歌」係最常見既交往方法。
和歌係一種31個音組成既短歌，類似唐詩，按照當時天氣同自然景物，朦朧但準確地讓對方知道你鍾意佢﹗
作完歌即刻就唔得既，首先要寫落一張有香味既紙，然後揀一種時令既花卉植物配搭，之後揀一種摺紙方式將首歌送俾女神既「女房」（類似女管家、高級女傭）。

溝女要有可靠中間人
同女房打好關係，就可以八掛女神消息。但以為可以見真人又諗多左 最多能夠隔住個簾聽女神彈首曲咋，或者偷望佢和服既花紋幻想下。（高手如源氏都試過睇漏眼）
以為付出咁多，所以專心一次溝一個？咁又錯了。光源氏君一日可以作好多首歌。一本《源氏物語》出現過既和歌，超過800首。

喂講咁耐，和歌係點啊？
以葉渭渠、唐月梅中譯版舉例﹕
給初戀情人（藤壺）﹕
九重に霧やへだつる雲のうへの月をはるかに思やるかな
「九重夜霧遮明月，遙念清幽空悲切。」

給新歡明石姬﹕
秋の夜の月げの駒よわが恋ふる雲居をかけれ時の間も見ん
「逐月馬兒狂奔放，瞥見伊人又何妨。」

老公花心，正室紫之上唯有大方﹕
うらなくも思ひけるかな契りしを松より波はこえじ物ぞと
「海誓山盟心堅定，波浪豈能漫松林。」

去到平安末年、鐮倉時代，終於有人出左本《百人一首》歌集，提升戀愛效率。同時驚對方請槍，和歌變成K歌對唱咁，例如有「女房三十六歌仙」即時互相詠歌。

想聽下和歌，呢度有搞笑版
https://www.youtube.com/watch?v=vCTmpiBunb4

-
位於宇治既源氏物語博物館（源氏物語ミュージアム）
（京都府宇治市宇治東内45-26）



源氏人生既時光隧道




六條院﹕光源氏成為攝政大臣後既大宅，分為春夏秋冬四院，入住美女排名分先後，以「春」為首。

資訊參考
https://travel.ujicci.or.jp/app/public/shop/language/tw/49


-
夜晚睇女神最靚係點？估唔到，為左追求若隱若現既美，由光源氏研發既獨門技藝，竟然係拉開屏風，係衣袖大放螢火蟲﹗
呢個居然係幽玄美。

（待續）

好問題﹗文心都受佛教影響，主張心物交融。我覺得物哀源自佛學，文心作為文學評論有相似觀點，而佢提到「隱秀」，更貼近「幽玄」個概念。

鐘意書報雜誌感覺

我第一次去勁離譜，搭飛機先諗行程

希望岩睇

咁又係，
南北朝時代佛學大盛，
劉勰都係學佛

心物交融喺陸機嘅《文賦》已經有論述，差唔多時間嘅宗炳喺〈畫山水序〉都有討論呢啲問題。文心雕龍嘅論述更多係對佢哋嘅繼承同超越

雖然劉勰本人同佛教關係好密切，但佛教對《文心》一書嘅影響其實非常有限，主要嘅影響來源始終係中國傳統嘅儒、道

捻起三島嘅金閣寺

Support 京都係我最中意既城市, 好 enjoy 佢既四時變化

留名

我都好鍾意日本文學
樓主好有心機寫文，支持

lm

高質po lm

提到源氏物語就要去埋野宮神社
雖然神社地方細，不過夏季同秋季去真係好靚

留名

支持

多謝補充﹗文心作為文學評論，就要繼往開來，去蕪存菁嘛。
劉勰時期（約AD500），儒道為主體，佛教係上升期，如果話影響有直接、間接，係間接影響吧。

好癲，金閣寺放火事件，一種極端方式試圖保存消逝美。