講京都﹕日式美學【物哀】【幽玄】【侘寂】平安朝至昭和文學

第一次去京都，硬係覺得古蹟太多，節日豐富，唔知邊度開始好。
川端康成既《古都》，故事圍繞住京都，算係一個線索啦。故事本身講一間傳統和服店既興衰。川端嘛，諾貝爾文學獎作家，佢一炮而紅既作品係《雪國》﹗
《雪國》其實係一個大學生grad trip 去浸溫泉溝女既故事 但川端有本事寫得非常唯美，呢種對自然環境既唯美描述，投射內心既感情，繼承日本傳統美學——「物哀」（物の哀れ／もののあはれ）。

美學之前，少不免少少城市歷史
京都，古代稱為「平安京」，794年桓武天皇開始建立。相對應唐朝既唐代宗、憲宗咁上下時候，唐朝已開始衰落。不過平安朝同唐朝有交流，所以參考長安建立「平安京」。

簡單黎講係四方棋盤格局，中間有條叫「朱雀大路」通去皇宮，類似貫穿住港島既皇后大道。其中一道城門，係大家成日聽既「羅生門」（Rashōmon）。



由戰國時代（打機成日見到織田信長、豐臣秀吉果陣），以至明治維新，京都既經濟圈分為「上京」、「下京」。

-
「和服店林立的西陣，位於京都上京區，以生產綢緞織錦而出名。」——川端康成
今時今日，「西陣」依然係京都傳統和服店既集散地。


西陣和服體驗——
https://bonjour-travel.com/archives/87

-
「愈有歷史既城市，面對現代化就愈有壓力。」
依家既京都保留住高度限制，好似係31米，同另一個歷史城市華盛頓市好似。作為千幾年既「古都」，川端寫作果陣，1962年，由明治維新以來近代工業化，二戰後重上軌道，傳統既京面臨既衝擊可想而知呢﹗

作為遊客都鍾意著和服打卡，不過川端個年代，和服店好多仲係手工藝，用傳統經營管理，慢慢抵受唔住壓力結業，所以《古都》入面描述「西陣紡織業工會」停工事件。

川端當年疑問（我老作）﹕如何在現代化中保留傳統產業？時至今日，都係好多城市包括香港面對既問題。

補充﹕川端係大正至昭和時期日本作家，著名作品仲有《伊豆的舞孃》、《千羽鶴》，故事純愛又有，亂倫又有。

古都既電影拍過幾次﹕





（待續）

好post,LM 支持

好Lost 留名繼續睇

Lm 追post

留名推推

留名

物哀

LM 好撚鍾意京都

留名

留名

留名

2. 【京都與物哀】

膚淺矯情既我，自不然要睇櫻花打卡，搭飛機果陣就苦惱﹕點為之打一張好卡？
好彩川端康成俾左貼士﹕「去平安神宮觀賞櫻花。再沒有什麼可以代表京都之春的了。」

佢仲話春天睇花去平安神宮，秋天就由京都御所、平安神宮見識「時代節」。


川端23歲左右就完成《雪國》小說

佢係大阪人，但後期係關東和京都生活好耐

60幾歲時創作《古都》，貼士應該可信。

-
【物哀】
小至打一張好卡，廣泛至日本既設計、飲食、建築、工藝⋯⋯各種同美感沾邊既行業，都被一個概念牽引住。
「物哀」，就好似深深植入左日本人傳統既審美意識，令佢地係世界上令人有種「一眼就知係你」既獨特性。
京都非常適合吹物哀之風，因為一年四季有風景變化同埋大量古建築物素材，呢啲就係「物」。
「哀」，就係人類主觀既情感。

-
平安神宮既櫻花有咩特別？




櫻花，植物學分類下，科（Family）係Rosaceae，屬（Genus）叫Prunus，有數以十計既種（Species）。
「物哀」要有物，平安神宮就種植左超過300株櫻花，種類繁多，有八重櫻、貝尼垂櫻、染井吉野、彼岸櫻、山櫻、裡櫻、寒櫻等。

八重櫻（やえざくら）就屬於晚開既櫻花。染井吉野櫻就常常拎黎做開花指標。（題外話﹕昂坪、將軍澳都種左啲山櫻，不過同日本唔同種。）


《古都》入面，男角色真一咁形容平安神宮既櫻花。
「我過去從沒想到櫻花竟然會這般女性化。無論是它的色彩、風韻，還是它的嬌媚、潤澤。」

平安神宮﹕為左紀念遷都京都1100年，由明治天皇係1895年興建，所以睇落古色古香，其實以京都閒閒地幾百年歷史既建築黎講，好新淨架﹗


-
平安時代佛教傳入，潮流興「唯心論」
睇完川端既作品，就好想知佢呢個「物哀」精神係點黎，知道佢繼承住古代日本物哀潮流。呢個潮流由唐朝傳入平安時代，主要係佛教既「天台宗」同「禪宗」。天台宗有兩個概念﹕「一心三觀」& 「一念三千」（咩黎架，嚇我唔到既），其實就係世上一切都係因和緣，世事無常，三千個空間都係一個心念引起姐。信唔信見仁見智，不過傳到去平安貴族，就好多人信。

「心」咁重要，就出現「心之豔」既追求⋯⋯講白啲即係「修心」。
一切美麗既自然景物，都反映住我既內心狀態。相反，我既內心感受，亦呈現出景物上。

-
日本人點樣「物哀」？
《古都》第一節「春花」，女主係庭院望住紫花地丁，聯想起自己係一個棄養既孩子，感傷自己既身世。

「千重子時而在廊道上眺望，時而在樹根旁仰視，不時被樹上那株紫花地丁的「生命」所打動，或者勾起「孤單」的傷感情緒。」
紫花地丁 （Viola philippica）

一花一世界，一草一精神。
我講就矯情造作，平安貴族出自真心地用黎⋯⋯溝女，下次介紹《源氏物語》既溝女方式﹗

重點係和歌。

（待續

京都係暫時最想去既地方
快啲開關啦

lm

物哀

P牌高質

日本呢個民族真係高質

自己寫？

正皮留明

第一次去京都就覺得要再去多幾次

有內涵, 留名

留名