［鋼筆撚］有冇人仲用緊鋼筆寫字 （10）【首頁資料整合】

係唔係得我覺得首頁資料好勸退，入門叫做有介紹到最平已經係日廠14k金尖，反而有啲收藏攻略(which買到嗰個價位玩收藏既人應該一早自己有preference)
Suppose俾新手睇既整合咁樣真係好咩
定係其實香港玩鋼筆得我一個係窮撚

kakuno/muji/國產鋼筆
尼到可以介紹得詳細少少既

其實鋼尖真係好多可以介紹嚟推坑，就算唔提堆國產，淨係講香港容易搵既都有
三文堂 ECO/580入門活塞
Pilot Kakuno/MR2/MR3
Platinum preppy
對於新手應該最出名既Lamy Safari

我都係窮撚。。。。

我都係伸手。。。。。等你地寫教學

關於三文堂個人覺得新手入門都係用converter比較好、加上入門黎講580價錢都唔算平、好似唔太岩推薦比新手做第一支鋼筆
Pilot mr2,mr3換個殻就貴咁多、仲要用唔到con70我覺得不如Kakuno算…
Preppy同safari就都係好野黎

墨水同紙就真係要睇個人口味…

無限財力既玩家一律推薦高砂プレミアム

你玩得多緊係覺得換殼鋼尖無意思
但係除咗寫感，外觀俾人既感覺都係一個大既考慮點，喺新手唔會買啲貴筆既情況下，想搵支外型好似認真啲既筆係要靠換殼，唔通拎住支kakuno做啲認真啲既野咩
至於三文堂嗰樣野，我覺得嚟啲單純俾建議人既野，俾多啲建議實無壞，你覺得佢用converter好，咁其實真係新手甚至可能係用一支支用完就換下一支既墨水仲好考慮到ECO 200出頭既價錢其實真係唔係啲咩難負擔既價錢。其實一個老手睇翻啲平筆同埋一個新手望住堆“平筆”(which其實啱啱入坑既人一定咩都覺得貴)既睇法係可以完全唔同。
再何況其實新手係一個光譜嚟，玩限量筆既可能覺得玩普通頂級款既係新手，普通頂級金尖既可能覺得玩14k金尖嗰啲係新手，玩14k金尖既可能覺得玩鋼尖既係新手，就算當你講新手用converter係好過活塞上墨都好，咁起碼三文堂都可以算係活塞上墨嚟個特別類型既入門掛

然後講紙同墨先，個人口味還個人口味，但新手遇到既問題大多係連關鍵字都唔知係咩，就算要試其實都好難去試，起碼列啲名出嚟都叫方便新手自己search，尤其係墨既可以用高低流動性，對紙要求高低，防水程度，乾既速度，係普通藍/黑墨水定係想試好多唔同顏色，俾個初步方向又係俾啲牌子佢自己做資料收集都好

利申翻超新手，所以真係會考慮MR2/MR3之類，雖然明知佢個尖同Kakuno一樣，但係始終MR2/MR3個樣比較似認真做緊野，會考慮買翻嚟日常用。當然玩得耐既一定係capless，甚至覺得Pelican/Montblanc先比較似認真既筆。
Well講到最後其實可能係我窮，正常新手多數一嚟就上金尖掛

一係睇吓夾手夾腳update下個資料整合囉，一人寫啲咁

留名 新手

有無人指點下應該點寫 寫極都係好樣衰

揸筆係咪唔應該用力 放輕去寫？ 因為我握到支筆好實

同埋唔知點解寫極個字都係唔正 會向左歪 哭能咗

ching 練咗幾耐 點解啲字可以控制到一樣size 又好正 唔會歪

拎住個帖，照copy book 咁寫
係呢個方法架za...
至於揸筆，都係要放鬆d，咁樣你先做到輕重效果

鋼尖、紙、墨真係要等其他熟既巴打寫少少

點解名筆館會叫死亡灣？

至於點解會推converter比新手、係因為零整比低、易清洗壞左易換得黎、可以試到唔同種類既墨、可以係玩筆既樂趣同埋難點之間取到個平衡、而活塞上墨一黎難洗二黎壞左好麻煩，所以有所保留
關於三文堂、我覺得eco係推薦得過既、但580既話考慮埋佢既價錢我會建議拎d錢買紙&墨更好

紙既話我覺得真係好難概括地講、墨既話會推下最大路易買既4001、色彩雫比新手作為一個參照點

尼到好似冇咩巴打係熟鋼尖既

因為呢度巴打都係大戶，建議直上

其實我打咁多野只係想表達，整合係提供info而唔係個人意見，你覺得好/重要既人人地未必care，同樣你唔care既野可能對某啲人好重要

其實我純粹只係提供緊個人意見

同意，就算我周不時去死亡灣，
其實見啲人真係入門都係買三文堂/Fabre castell幾百蚊嗰啲，
我都同意嗰啲就真係專業地入門。

但我相信更多人係可能行過文具舖，
見到kakuno/preppy幾十蚊買嚟玩下都無妨而入手。

如果真係想人入坑，可能都要有個comparison係每一個唔同嘅階段，大概可以expect到有咩唔同