。https://news.rthk.hk/rthk/ch/component/k2/1596110-20210616.htm
其回應主要有以下3點：
1. 一迴路冷卻劑的放射性比活度有上升；
2. 一號機組有約5枝燃料棒有損壞；
3. 核電廠無場外洩漏，以上現象均屬正常，Everything is under control，CNN is fake news
相信睇到呢單野，大家內心嘅憂慮一定係有增無減
。而基於上述嘅就資訊，我就上個post(https://lihkg.com/thread/2575844/page/1)稍作修正，希望為大家帶黎多一啲核電嘅小知識，唔洗人云亦云
.
.
.
要瞭解成件洩漏事件，首先我地要知道核電廠基本的結構同運作。先睇下呢一張圖：
台山核電廠係一種由法國研發叫EPR 嘅壓水式反應堆(Pressurised water reactor)，佢嘅特色就係由3組完全獨立嘅管道系統所組成。首先我地最關心嘅核反應堆就係位於系統1，裡面嘅燃料棒完全浸喺經過加壓而唔會沸騰嘅水入面，咁樣造確保水保持液態並作為反應堆中子緩衝物同將熱傳遞到系統2，而系統2就有樣野叫蒸汽產生器(Steam generator)，透過熱交換將系統1入面由核反應所產生嘅熱能轉化為蒸汽推動渦輪機發電，而系統3嘅作用就係由大海／河流所得嘅冷水將系統2嘅蒸汽冷卻成水，畀佢地可以再次同系統1進行熱交換
。眼利嘅人
可能已經留意到，系統1係完全同外界冇任何接觸，呢個就係核電廠多層防禦(defense-in-depth)嘅安全設計。今次台山當局所指“一迴路冷卻劑的放射性比活度有上升”相信就係指系統1，所以就算入面嘅放射性惰性氣體再增加，都仲有系統1嘅不銹鋼製壓力缸(Reactor pressure vessel)同外面嘅水泥安全殼(Containment structure)呢兩道防線所保護唔漏出黎造成場外洩漏，暫時可以相信CNN係fake news。(當然前題係要冇偷工減料
)而我喺上一個post已經解釋左迴路管道入面產生放射性惰性氣體嘅原因可能係內部管道出現裂痕(有興趣可以睇返https://lihkg.com/thread/2575844/page/1)，結果而家話係燃料棒出問題
，咁又睇下燃燒棒係咩構造....
.
燃料棒故名思意係存放核燃料，核電廠所用嘅係具U-235鈾同位素嘅二氧化鈾(UO2)，佢地經過加工壓制成一舊舊圓柱體(Fuel pellet)，再放入可抵受2200°C嘅鋯合金(Zircaloy)製嘅長條型密封管入面，一條管可以放到~30舊pellets
並可以防止fission products 洩漏，之後再好似扎鹹水草咁扎埋一束束(Fuel assembly)，固定係反應容器中，如下圖：
而根據大陸國家核安全局所講，台山核電廠total 有6萬枝燃料棒，當中估計有5枝出現外殼損壞，即係上面所指嘅zircaloy cladding裂左
，想像下入面嘅U-235仍好活躍咁進行核反應，釋放一啲fission products 如Xe-135，再經由水流流經成個系統1，最終令員工探測到呢啲放射性惰性氣體而得出“一迴路冷卻劑的放射性比活度有上升”嘅結果
而大陸國家核安全局所講呢啲現象仍屬正常操作
，相信亦係令大家最憂慮嘅一點。可能有人會話「哇!燃料棒都爆得，仲話可防可控？會唔會變Chernobyl 2.0??」的確，燃料棒出現洩漏如果處理不當可以有好嚴重嘅後果，我亦唔敢講係正常...而燃料棒出現破裂嘅成因亦有好多好多，e.g. 製造質量問題、運輸過程意外、高熱環境嘅損毀，水同鋯合金嘅侵蝕作用等等......事實上唔同國家嘅核電廠都經常發生燃料棒出現破裂嘅事件，而國際原子能機構(IAEA) 同經濟合作暨發展組織(OECD)，亦指出現時並無燃料棒損毀率達到咩程度就要完全停機檢查嘅國際守則
。而一般核電廠喺安全參數仍達標嘅情況下，對燃料棒出現破裂嘅處理方法都係先以安全棒(Control rod) 減慢出現破裂燃料棒區域嘅核反應，以調整整體反應堆嘅輸出功率，等待下一個檢查周期嘅時候先全面更換受損燃料棒。其實呢種做法都唔難理解，因為核電廠每秒都係錢，而且反應堆唔係好似揸車咁畀油就去，反應堆一停要再開講緊係要以月計嘅時間先會回復正常輸出，損失會以幾百億計.....至於有人話咩係大陸同法國夾埋想獲取美國技術呢啲野我就暫不在此作討論。最後多謝睇到呢道，希望呢篇長文可以令你瞭解成個台山核電廠事件係點，我認為佢地如果報得燃料棒出現洩漏好可能唔止5枝，而所洩漏嘅放射物亦可能唔止得惰性氣體
，只能寄望個容器頂得住同埋當局專家可以盡快適當處理。God bless you and God bless Hong Kong。
