所以我都講咗呢兩個visa係新嘢,如果無資源新增人手去搞,呢兩單一夾埋就會做爆佢個系統
至於公務員就唔好諗住佢好勤力做嘢,唔通開OT同你做?做得慢俾人照肺?我話你知啲老海鮮求之不得,聽一輪當唱歌又做少幾隻
我越嚟越覺得佢哋真係行緊實體文件咁批,依家爆煲嘅做法同我以前啲工作經驗一模一樣!不過當年我做嘅係私人公司,係每日派目標數量,放工時間做唔晒就OT到做晒為止。如果係公營機構,做咗長工嘅係唔會同你搏,集體官僚下唔會以增加自己工作量為原則,所以我見到HO唔同部門啲幫緊你幫緊你回應,只感會心微笑
咁新team做快咗?其實幻覺嚟,不過cut off日子後交落嚟,相對好似快啲,做爆咗一樣會慢。舊team就更加唔會快,日日做唔停手,點會同你快,做10隻同30隻都係收咁多人工,做多咗唔會有人讚,但佢同事可能抱怨做壞晒規矩!加上佢哋講明WFH,同埋英國IT其實唔算先進,咁就真係唔樂觀了,我好相信佢哋喺屋企唔會掂機密嘢,俾我係公務員實話屋企部電腦唔掂做唔到
如果真係實體文件咁低能,更加唔會有人將啲嘢搬返屋企,唔見咗邊個負責任?咁好明顯一日WFH,一日個批核速度都未必追上申請速度
佢哋有心做好個IT嘅話,搞好個排隊系統,好似舊年我哋上網排隊搶口罩咁,知道隊頭爭幾多,預計排幾耐,呢套嘢係香港啲網上cs 已經係基本嘢,相信如果批核文件數碼化時,應該唔難搞,但究竟大英有冇錢投落去係一個問題,同埋實體轉數碼係一大阻力嚟,我以前亦領教過,老海鮮鬼同你進步,剩係講加大個mon定加多個mon已經拗一餐了,未講部機唔夠快,做嘢梗係慢啲啦