由細湊到我大嘅阿嫲中咗風，然後政府醫院話佢冇中風(2)

而加呢個年代，chronic cough我都會同病人傾去私家做low dose HRCT，佢哋多數都制，因為有限錢買個安心都好。

最好就係私家做investigation 拎報告返嚟比公家搞
在私家大製作長貧難顧

去私家做第一嘢學識嘅，就係病人面前踩低HA嘅同行，個病人即時覺得你有料
「之前個公立醫院醫生水尻你架，係我應該一睇就睇到」
大佬，我同你三九唔識七，我唔做得pro啲，分分鐘轉頭你投訴我冇料到，我仲有生意嘅？

我都覺得對大部份人嚟呢個選擇係最好

不過公立真係因為人手問題而冇辦法去takecare全部嘅人

要屌就只可以屌政府啲錢點都唔俾醫療

我係以我自己個人經歷去講呢啲嘢,事實擺係眼前,佢之前成日去公立,但就話佢乜事都冇

而我係私家就話已經去到第4期,可能你會話公立就一定少資源,少啲嘢可以驗,但佢哋有冇俾過提議我哋自己出去私家驗得清楚啲?佢哋冇

可能有好多私家醫生馬後炮,最終選擇係你自己果度,因為醫療呢啲嘢係人命嚟,我只係唔想再見到我屋企人呢啲情況再發生係任何人身上啫

當然,我由頭到尾想屌嘅都係政府,啲錢寧願拎去起噴水池都唔俾醫護同醫療,資源錯配係政府嘅問題

所以我話病人求醫既時間好重要
i.e. 你咳左幾耐去睇醫生
因為太早期未係chronic個時未必會offer做ct

update下先
尋日同左顧問醫生同埋副顧問醫生開左個會
喺將軍澳醫院主動想我過去聽佢哋解釋

佢地拎返排版 物理治療同職業治療講過既野
但講完 我都係追究返點解佢係中風 你話佢唔係中風
佢又話check緊係咪中風 不過尿道炎緊要啲 又話佢可能係急性譫妄症 又可能係腦膜炎

我話主診醫生都已經排除左佢唔係中風
又無同佢做到鬥力
點會treat佢係中風

呢個時候顧問醫生就岀聲
話成件事既處理係唔理想
佢地成班senior醫生傾過
主診醫生既做法都係唔理想
會再開會傾下 再覆我

你問下佢個ct brain 有無由radiologist form 出既report
會唔會無report, 係主診自己睇完ct miss 左？

留返下次再問
我都去咗申請CT嘅report

個主診醫生龜縮左
我話如果有下次 要叫埋佢黎解釋

想同樓主再clarify 下, 太長追唔晒d post.

本身病人有冇咩病 (e.g. 高血壓, 糖尿, 膽固醇高, 心律不正)?
有冇長期覆診?
需唔需要長期食藥? 如有, 食緊咩藥? 服用準唔準時?
平時控制得好唔好?

本身神智狀況如何? 出入行唔行得定係長期輪椅/ 卧床?
有冇腦退化? 跟唔跟倒command? 可唔可以跟倒鬥力?

本身有高血壓 無其他
要覆診 但係太大年紀冇去到
但係食得行得走得 好精靈

有腦退化
中左風 即係入院既第一日佢已經跟唔到command
醫生話佢唔記得咗有無同佢鬥力 但物理治療師話佢兩邊身都有啲力

跟唔倒command其實好難試power
好多老人家入黎decrease gc, 可以係delirium/ 感染/ 中風/ 電解質失調 etc...好多時只係可以睇有冇spontaneous limb movements

如果你話症狀發生係入院前10個鐘, 1st ctb 又睇唔倒有野, 係未有好大疑點去懷疑佢中風 or 有其他原因解釋得倒佢當刻既狀況, 真係未必會再repeat ctb (枉論係公立係e d情況係唔會book倒mri)

同埋唔好意思都要講句
病人有高血壓唔醫, 某程度上都要自己負番d責任
高血壓唔醫其實已經會容易好多中風
與其怪醫生診斷唔倒, 不如怪病人冇覆診食藥好好控制.

記住醫護唔係神, 佢地唔係可以永遠make倒一個正確既診斷. 佢地只係係有限既資料底下 - 症狀, 抽血, imaging, 去gen一堆differential diagnosis, 再去醫最有可能既野. 希望你明白我講咩.

無覆診係一件事 佢診斷唔到中風又係另一件事
當然無去覆診係要負責任 但如果因為無去覆診 而令到個醫生診斷唔到係中風 就講唔過去

點解一去到聖保祿A&E嗰醫生 話唔使再睇 都好肯定係中風….

明你好意 但兩位顧問醫生已經承認左 成件事 由醫生診症到離院係唔理想

從來都唔覺得佢地好心
只係打份工

冇必要抬到佢地咁高

私家自己比錢，d野真係靚好多。
管理上有咩問題，基本上亦會去解決。
公立真係理得你死

不過我諗樓主要諗下自己最終目的係咩...
即係想要返個解釋鴉...
想要佢道歉鴉
定點樣，我諗要定清楚個目標，再去諗下應該點樣問佢地。

講真....
我覺得radiology的野，永遠都係有圖有真相，好難文字討論。
喂，即係你倒返轉頭話CXR有shadow，10cm又shadow, 5mm又shadow，咁你10cm都miss就抵死啦....
咁你個shadow嚮邊先....咁你有時嚮d hilar位，就咁睇可能個樣真係似d en on vessel來架炸喎大佬，咁你倒返轉頭馬後炮實中架喎....
但相反，如果你舊野嚮個心後面，圓碌碌咁，你自己冇卒到相睇唔到，咁又係睇plain film果個抵死喎...

即係......冇圖，冇得講架喎

老實講, 公立醫院好多野都係唔理想...
我地好多野都跟唔上西方社會, 而家係講緊台灣, 韓國好多已經過晒我地.
而家我地平時cord compression, cauda equina都唔係即刻有得做urgent mri, 何況係stroke...

記住, 行運醫生醫病尾, st paul aed醫生係遲睇個個, symptoms同signs可能已經清晰好多
況且佢有得做mri, 時間上同配套上已經令佢容易好多去下診斷...

冇食藥冇覆診e 一點都好重要, 我唔知你之前有冇提及過
因為之前一路營造既畫面係全部都係醫護既錯

我舉個例, 不過唔知咁講岩唔岩...
比如一個人知道自己有hiv, ha冇record, 平時唔去醫病唔食藥, 到最後入院嚴重肺炎比人插左喉又講唔倒野, 肺片好花, 醫生當左社區肺炎(cap) 黎醫, 冇開septrin, 跟住病人之後差左成世需要依賴呼吸機.
醫生頭個幾日一路都諗唔倒要check hiv, 亦都冇做一d special tests去睇個隻特別既菌. 過左幾日, 一個比較有經驗既醫生行過, 就話 e d一睇就係hiv associated pneumonia啦!
咁我想問, 你覺得醫生頭個幾日冇check 個病人hiv係唔係錯? 個醫生需要食晒成個責任? 病人需要承擔幾多?

我希望你諗清楚你而家係想點...
你係想個醫生/ 醫院道歉? 拎賠償? 定係煮死個醫生?
如果每一個醫生做錯一個診斷就要咁樣鞠躬, 咁我驚每間醫院每日都有50個要出黎道歉...因為馬後炮永遠都可以搵倒d野出黎煮死人.
久而久之咁樣落去, 好快香港冇人會做醫生...到時你就得番國內同胞.

希望你明白我想表達d咩. 亦希望你嫲嫲慢慢好d.

其實我一開始已經話佢中風….
只係個醫生話唔係 咁我信佢
佢如果係有能力 判斷到佢係中風 咁我就唔會轉私家再睇
佢再打比我解釋 都斬釘截鐵話嫲嫲 係將軍澳醫院係冇中風
再去到st paul 未見腦科醫生 A&E一接手已經話佢係中風 隔一日先再照MRI

如果醫生係有失職 一定要承擔返個責任 道歉當然需要 唔通下一個中左風既人 去到佢手 又變左無中風？

個point係，你係將軍澳醫院同係St Paul睇A&E已經係兩個不同的condition，其實無得咁樣做比較。

不過樓主你都係為咗啖氣，都係叫將軍澳醫院醫生快啲同你道個歉，咁就可以完咗件事

你想表達嘅野，行內人會明
但係呢種情況同屋企人解釋係無用的
因為conflict已經出現咗
事實層面上，家屬覺得醫院有錯失
我地作為不相關人士，唔會判斷到呢樣係咪事實

而另一方面，診斷嘅野永遠唔會100%確定
亦係一個客觀事實
於是問題就回歸於當時嘅臨床情況係點
及後嘅臨床決定是否合理
呢方面應該留返醫院同家屬討論
因為我地唔清楚實際情況
係到講咩都唔會說服到人
何況係已經有咗自己判斷嘅人

論責任方面嘅問題亦然
人有病，醫院都係盡量幫
不過唔知幾時開始，生病嘅責任去咗醫院到
結局唔好，就會有人覺得係醫院嘅錯
但唔會太多人先去考慮病人自身嘅責任
好自然係覺得醫院做得唔好
然後，當然事後一定可以搵到D位，話事前可以做好D
就算係醫療以外，都係咁嘅情況，只可以話係人嘅本性

人地已經拎住鎗，搵緊子彈
此刻講責任誰屬嘅問題已經無咩意義
因為人地想追究嘅，唔係自已/病人嘅責任
而係醫院/醫生嘅責任
所以都係等返醫院同家屬，基於事實去討論啦

希望你明我想講乜

好多人聽到醫生當神咁拜得啖笑

即係咁，本身我都想9啲唔做嘢嘅舊同事，想睇到樓主幫啲唔識出聲嘅人9個HA，班pk唔做嘢，其實做同事都好難頂

但依家你同我哋講，婆婆本身有老人癡呆，患尿道炎入院，照左電腦掃描個腦冇嘢睇，醫生、姑娘、連物理治療師同佢做運動都唔發現佢單邊身冇力

咁樓主你憑乜嘢肯定你呀嫲當初已經係中風，唔係短暫性缺血？唔係發炎搞到冇力？

你呀嫲本身又感染又失智症，佢唔合作嘅話，根本就診斷唔到，最多有懷疑咪送多次電腦掃描，比在我係HA做盡都係咁乍喎，仲可以點？單憑樓主嘅資料，我就唔覺個主診疏忽，除非你接呀嫲出院個刻已經係一邊身冇力啦，咁真係要揾返比佢出院啲人黎問

我依家反而好想知班高級醫生覺得邊方面唔理想，可以諗到咩方法再做好啲，係咪叫佢哋班高級醫生自己幫手睇？

一開始呀嫲唔係尿道炎入院
佢係去到醫院唔肯屙尿 先話佢排尿有困難 懷疑佢尿道炎 走去種菌 種唔到菌

送院當日 佢已經半邊身歪哂 左邊身明顯係無力 好明顯已經係中風徵兆 缺血性中風 有經驗既醫生都會知CT唔會照到乜野

再到我接佢既時候 佢左邊身已經係無哂力 我都想知啲物理治療師係做緊乜

我諗兩個顧問醫生都認為呀嫲其實好明顯係中風 而主診醫生都診斷唔到佢係 只係話佢高血壓 排尿困難 老人癡呆