話說小弟最近返左份新工 做野地方山旮旯 公司有架shuttle係附近接員工返工放工
一開始話有shuttle都不以為然 去到等車位先知等一架車有分兩條隊
近馬路邊既係高級職員隊 低級職員就排埋花槽邊
咁小弟係廢柴 上車規矩係班老屎忽上先就算條屎忽遲過你到站等車都係要等佢地上晒先 有位剩先到班低級上 話知你早到變遲到啦
開頭等都冇乜野 今日大熱天時30幾度 朝早等車 眼見住班老屎忽條隊冇太陽曬 我地條隊個位就曬到死真係想屌出聲
好 講埋收工啦
怪細佬我唔識規矩 準時收工走人 望住門口已經有架shuttle開住門等人上又冇人上 因為我唔知呢架車個總站係咪岩我 我就企埋一邊(低級隊)等車 等等吓愈來愈多人排我後面 我見冇人上 就問後面個姐姐架車係咪去xxx架? 佢答我係 我就一枝箭標左上車
上到車 心諗終於唔洗有排等時 望住愈黎愈多人上 之後先見個姐姐開始上車 呢個時候我先知 原來就算早過班老野收工 低級員工都要等班老野係開車時間前上晒先 有位剩先到低級上 望住個姐姐上唔到車 但我坐左係到涼冷氣早歸家 真係對唔住個姐姐
總括而言 可能小弟出城冇耐 唔知原來返工等架車都有啲咁既階級觀念 真係嬲爆爆 想知你地返工係咪都係咁 係我大驚小怪? 定話仲有其他不人道仆街規矩分享吓?