未揸過自動波, 想問

我感覺上會有溜後少少，好驚後車太貼撞到，而家習慣會踩輕油鬆手制，咁就一定唔會溜後

我以前揸Jazz嗰陣直頭做埋Left-foot braking

咁即係1轉2, 2轉3 既目的係為咗加速？

4波以上為慳油because of 扭力？

唔係，正如樓上巴打講，低波會倍大扭力，正如你踩單車行一波會好易踩，因為低波比例大，但係你總冇可能踩單車行死一波摩打腳咁踩，又慢又攰

所以你會轉波，架車行順咗就唔使咁大力，轉高波隻腳可以慢慢踩，架車又行得快，變相就係慳力

你架車夠力嘅話去到6波都可以狂加速
例如718 GT4個6MT就擺明預你用波456推爆個尾速

明了 不過我冇讀理科 唔明點解細齒輪推動大齒輪會慳力啲 你地好有耐性

細齒輪可能轉三圈大齒輪先轉一圈，大齒輪轉一個圈嘅力分開到三次做，就好似你做按揭分期還錢一樣，逐少逐少還咪易還啲

我揸開吸手波，所以唔係好清楚

Ching啲比喻好易明

讀過physics的確會易理解啲不過唔緊要 用單車做example就得 你單車1波既時候會feel到好輕 因為嗰陣係細齒輪推緊大齒輪 當架單車行得越黎越快 變相你對腳會踩快左 轉快左 所以會攰左 呢個時候就要第二set齒輪令到你對腳轉少啲冇咁攰慳力啲 當你轉波轉去大齒輪推細齒輪既時候你會feel到重啲 你對腳既踩既速度慢左 但同時會maintain緊單車本身速度 從而達到慳力既效果 車都係same principle

個N波係咪臨返到考場拉手掣之後先入

利申有18，但肥左10

準備等換波 歐洲車特點

比人拖車果時用囉

明啦

最近考到1/2牌,其實自動波n波係咪等於棍波空波,D波係咪即係棍波1/2/3/4/5波?

燈位 塞車個啲
日本車 D 波走天涯 係ok 嘅
歐洲車 D 波走天涯 有機會 波箱油溫上升過熱 燒波箱電腦

N 波行車的確少用 但後波一定係D->N->R 唔會直掃入R
泊車停定就一定係 手掣－> N－> 放 Brake-> P 唔會直掃入就P

功能上，可以話係

機械上，兩隻構造完全唔同

不過自動波嘅1、2、3字唔同棍波，自動波嘅1、2、3字係解鎖波，鎖波即係波箱唔會轉上比你個設定更加高嘅波段

例如鎖3波代表波箱只會係1、2、3波之間轉換，唔會上4波，無論你行幾快，當然如果你夾硬鎖1波踩到上紅區波箱電腦係有機會為咗保護波箱而幫你轉上2波

自動波有好多奇怪字母同波段，以下我略講少少：

P波（Parking）：機械式鎖死波箱，作用同棍波泊車死火入波一樣

D波（Drive）：前進波，波箱會隨車速變化自動轉換合適波段

S波（Sport）：所謂運動模式，波箱電腦會拉高轉波轉數，等引擎可以維持較高輸出，適合上落山等對引擎轉數要求高嘅地方（落山用S波可以利用拉高嘅轉數增加Engine Brake）

L波（Low）：低波模式，傳統AT波箱一般代表鎖1波

M波（Manual）：半自動波模式，或者叫加減波，由駕駛者選擇適合波段行車，波箱電腦儘量唔介入轉波操作

有料

學車棍波係拉手制空波,咁自動波係咪都係手制n波?
學車棍波開車係一波吊極力子鬆手制,其實開車前已經畀定動力,咁自動波係咪一樣d波畀油鬆手制?

自動波平路/落斜唔需要畀定油就可以鬆手制

停燈入唔入N波睇返#35

傳統自動波箱一般係用扭力轉換器（冬菇）連接引擎同波箱，原理係用一把風扇通過波箱油吹郁另一把風扇，所以可以容許output shaft靜止嘅同時input shaft維持轉動，即係可以入住波停車而唔死火

正常情況下一架入住波嘅自動波車係平路放迫力時冬菇嘅油壓應該係足夠帶動車輛以極慢速行駛（大約2km/h），但係正如#35所講，而家新款嘅自動波車停燈係會自動甩波，會等你放迫力先會入返波，中間有時會出現大約半秒嘅空窗，平路就冇乜所謂，暗斜就會有機會溜後

至於斜路起步，怠速嘅冬菇油壓未必夠帶動車輛，咁斜路放迫力就要有機會唔識向前行甚至溜後，咁你就要比油提升冬菇油壓黎推郁架車

以上原理只適用於用扭力轉換器嘅車，有啲車用電子離合器就唔同講法

結論：

平路起步唔拉手掣就咁鬆迫力先踩油都冇所謂，反正唔會溜後

暗斜就最好起步前輕印油門等波箱入返波先起步

斜路就有兩種方法起步：
正式就跟返考試教，拉手掣比油再鬆手掣

旁門左道就左腳hold住迫力右腳比油再鬆左腳起步

如果斜路起步 鬆完brake 即刻踩油 係咪就解決到溜後情況

始終由你鬆迫力到踩油門到架車有動力之間都有一定反應時間，尤其是而家新車興用電子油門，延遲會比用鋼線油門嘅舊車更高

暗斜可能溜後少會唔覺，但係如果係大斜路，的確係有可能溜後過多導致撞到後面車