連登絲打真係好難理解
樓主呢種人咁大男人主義既人其實就係屌女人係貪錢臭雞果種
你試下如果樓主係窮又唔識tum女朋友開心，我就想睇你有幾man
真正好男人錫女朋友錫老婆，肯為家庭放棄自己既夢想，放棄自己既自由返工搵錢養家，其實好多麻甩佬，食飯頹食M記燒味飯不知幾開心，又唔洗花錢買花妝品，用得幾多錢，放假留係屋企打機開開心心，又無人煩住。
但係點解要放棄單身咁多好處去識個女朋友黎結婚？係愛啊，係愛啊樓主，點解要結婚呢個問題你問好多男人都無咩答案，你以為真係會為左稅制福利，兩個人生活費平ｄ就走去應下一生既承諾咩？好多男人心入面個答案都係＂無啊，老婆想結／一齊咁多年都要負責任＂ 你估男人就真係為左自己？ 只係男人已經係現實中迷失左自己姐。
屌，哈利呀，我知係愛呀
你有無睇po呀？隔離果的麻甩佬等緊你陪佢地實現夢想呀！但係原來一齊左你先係佢地實現夢想既阻力呀！
咁點算呀？原來佢地靠自己係唔會實現到夢想架，無女無夢想，有女阻住個夢想，人生十大矛盾呀哈利！
每個人既夢想有大有細，人人都唔同
有夢想的確係無論我幾努力，有家庭之後就做唔到架啦
如果我夢想係做一個巴士司機，但係我有能力讀醫，年薪過百萬，我可以帶比我屋企人，老婆／女朋友，將來仔女好好既生活
我要做出對佢地負責任既決定，我唔可以咁自私走去做巴士司機
或者你會話，我做醫生搵夠咪去做巴士司機囉，Sorry, 你唔可以，全屋經濟靠你，啊仔啊女想出國讀書又係等你出錢，重有朋友親戚間既輿論壓力，斷估你都唔想你啊爸啊媽老婆仔女比人笑你有醫生唔做走去做巴士司機掛，當然，你可以做一個咁有夢想既決定，累全家成為家族既笑柄，但係你會覺得咁既男人係你心目中既男人?
我話俾你知一件事，當年我媽媽為左佢既夢想，離開我，離開家，離開所有疼愛佢既人。我係往後兩年間每一日都打電話留言俾佢掛住媽咪。十年後，佢同我講佢覺得佢既人生好有意義，無後悔過離開。
我覺得好釋懷，無錯我既成長多左好多孤寂，多左一的嘲笑，多左一的憐憫，但呢個係我既命，人生中需要克服既野。而媽媽，佢犧牲晒一切換黎佢既夢想，佢生無哀，死無憾。我認為，人追夢，可能會連帶傷害到身邊既人，但，每個人被傷害到既人都要努力咁面對自己既命。你無可能話因為我有個唔負責任既老母就放棄人生。
而你，由頭到尾都唔知我個po屌緊乜野，講埋的唔知點解要咁問我既野。答埋你，如果我既夢想係做一個巴士司機，我會選擇一個可以接受到我做巴士司機既人，無既就算，路係自己揀，仆街唔好喊。而其他人既壓力？Who fucking care?我無錢佢唔會養我，我有錢又唔關佢事，咁多閒言閒語就掌鳩佢老母個臭嘴。
如果我個仔同我講窮人生仔正仆街，我就會打到佢仆街，男人老狗唔諗點樣自強去諗點樣靠父蔭，抵屌。
有至算啦 AI要成熟仲要好多年
同你睇法唔同就中二？