日前有網民於Facebook分享,朝早搭車返工時,除了前排兩個關愛座之外就坐滿人。後來有個背住書包的學生上車,樓主指:「眼見書包重量唔輕,可能佢只坐幾個站,而當時又無有需要嘅人要坐,佢就坐在關愛座外面的位置。」
樓主稱巴士駛到下個站,有幾名乘客同中年男人上車,學生哥即時起身企在近落車門口,點知中年男人依然唔放過個學生,大聲話:「你坐㗎咩!呢個係關愛座,唔係畀你坐,你有無我咁大年紀啊?」
樓主續指中年男人繼續鬧個學生時,車長突然講:「個位人人都可以坐。」點知男人話:「呢個係關愛座。」車長又再回應:「關愛座係優先讓畀有需要嘅人,無寫你個名,唔一定係你坐。」最終男人無聲出。