認真答你
交通主要係
1. 中環船 : 22 分鐘到中環
2. 巴士四條線去荃灣,荃灣西,青衣,葵芳 車程10-20 分鐘,青衣葵芳最多車,唔使等好耐
巴士10 分鐘到青衣,去到旺角/尖沙咀 全程約35 分鐘
去九龍東最麻煩去觀塘坐331 /331s 去荃灣轉觀塘 van 最快,或者青衣葵芳轉黨鐵
的士24 小時都入得,call 的未試過,好少會坐的士,不過見一般都係有車等客
2021 年開始冇咗青馬橋費,的士出入唔使再比$30 ,所以多咗人坐的士返屋企
樓唔舊,新鴻基level ,管理費平,新鴻基管理好好,行珀麗灣一年四季睇花都有排睇,會所,一流, 有四個會所任玩,又大又多設施
剛剛投完票交通比返新鴻基做,以上交通不變,應該會加返去機場既巴士
環境一流, 大人島內沙灘行山釣魚單車跑步冇得頂, 小朋友亦都多地方玩。心情唔好就去沙灘行個圈,人都健康啲
600 百萬買到新鴻基全海景兩房五百幾呎,今時今日算好超值
缺點: 通常都係講交通,購物,飛機聲
交通係主要問題,睇你同咩地方比,上面介紹左,我覺得係你要習慣坐船坐車班次既時間,習慣左就ok,e.g 有個網可以睇到幾時有車到巴士站,睇住去坐就ok
http://eta.pitcl.com.hk/shk?site=pi&lang=zh
購物來講,有間百佳,有7-11 有OK , 有日本城 759 hktvmall ,仲有村屋果邊好多小店。
食嘢馬頭有幾間有中菜/ 茶餐廳/ 有韓國餐廳 / coffee shop/ 拉麵
沙灘有cafe 有德國/ 地中海/ 美國餐廳
仲有挪亞方舟酒店可以入去食
村果邊有pizza ,海鮮酒家,日本,尼泊爾等等
你最好自己入嚟感受下又或者坐10 分鐘巴士去青衣城,新都會,葵廣
屋企人買餸多數坐331s 去楊屋道街市
網購: hktvmall 都日日送貨到屋企,島民亦自己開好多團,e.g 嬌姐海鮮兆記牛肉個個星期都有團
飛機聲係會聽到,但又唔係嘈到訓唔到果啲,某啲座數問題會嚴重啲,你睇樓時留意吓,同埋唔好買咁高層
馬灣係一個好特別嘅地方,習慣到就平靚正,但唔係個個人適合。