死亡嘅過程係點樣.....應該冇人知

咁出身嘅過程呢？...又有冇人記得 有冇人會記得佢係肚入邊到出世嘅嗰個畫面？

記憶中 我有一段時間係不停同外間有接觸 同時又聽倒母體講嘢嘅嗡嗡聲 又暖 我又記得要伸下手腳咁 慢慢 對外間嘅接觸同視野越黎越少 對老母嘅聲音同暖係越黎越多 開始感受倒老母開心同唔開心嘅感覺 甚至有視野係晌出面望住我老母

但去到出世 點樣晌個閪出黎 又的確乜嘢記憶都冇

認真定膠我真心想知....講真...死亡係好難理解..但比起死亡最接近就係出世....所以真心想知有冇人仲係胎盤嘅時候就已經有意識或者記得個畫面

認真 同埋死亡同出生也不是接近 之間嘅過程太多嘢要做 唔講喇


死亡就小弟試過 工作過勞加身體差暴斃過 但最尾有去到一個光點 係冇通過佢 如果行咗過去就返唔倒肉體

靈魂將脫離朋肉體時 係一個極度麻痺嘅過程 呢個過程大過肉體嘅痛苦 我明明心跳到140 一星期都瞓唔倒覺 食飯屙飯 食雞屙雞 周身痛楚 但一到果刻麻痺之後 就突然有一下極速彈出肉體 然後感到無比舒服 忽然冇晒煩惱 冇晒痛楚 仲好平靜 好安樂

你所謂靈魂脫離肉體個視覺系點樣....之前睇歐陽震華個訪問...佢都話自己見到個靈魂飄左上天花板..但其實佢處於彌留狀態

首先係 晌天花板角落 望倒自己 然後望多自己一陣 就有一道力唔知吸咗自己去邊 一片黑黑 乜都睇唔倒 隔咗一排 開始見倒有物體 有屋有山有水有河有天 但唔係現在嘅物質世界黎 個天係紫色 有好多鬼畫符嘅唔知乜字晌個天度飄 也有好多唔同嘅人晌呢個空間行 行多一陣 我後面有個藍光人同白光人晌我後面話我 佢地有對答 藍光人同白光人講嘢 並指住我 ：點解佢會晌度嘅？ 白光人答藍光人：嗯 佢未夠鐘 佢會好會離開呢度 然後我又被吸到一個黑黑嘅地方 但有一點光 唔知點解我會知道呢點光係一個通道口黎 我行到去點光前面 從點光望出去 係一個粉紅色 好暖好舒服嘅世界黎 有d雲 雲上有間透明水晶造嘅皇宮定城堡嘅物體 粉紅色天空中久唔久有d嘢飛黎飛去咁 我好想走過去 但藍白光人導我思考 令到我出現：如果我通過去 我就會死了 不再回來了的 的諗法 令到我猶疑 然後我諗返起 我仲有好多朋友未同佢地道別 我仲有女朋友會掛住我 佢好傷心唔想就咁走 我仲有好多幫過我嘅人好想去多謝佢 我仲有d工作必須要完成埋佢

等多一陣 一道金光晌頭頂打落黎 然後我俾道金光吸走咗 然後我就突然晌肉身了 我開眼一醒 我已經晌醫院

俾啲連登仔見到你咁打 真係叫你去講故台 希望你打嘅嘢唔係FF 係真嘅我都想攞嚟做ref.

係真 只係簡化版 我幾年前晌連登打過出黎 係詳細版 唔再打咁多 打字攰

即係你有意識？ 可以諗到嘢？我意思係發夢好多時我哋係冇意識控制唔到...裏面嘅所有經歷都冇任何嘅思考....

諗倒嘢的 而且仲比在生時諗倒更多嘢 睇倒聽倒更多嘢 睇倒聽倒嘅嘢係晌自己內在就已經即時有畫面有聲音咁 會從空間中知曉好多其他靈魂嘅經驗 同佢心裡嘅諗法 我唔需要望住佢都知佢講乜 我唔需要望後面都知後面有人講緊我 冇咗時間觀念 冇咗方向性 我講返個長篇故事果陣要組織前後先寫得返出黎俾人睇

你發生呢件事係幾時

2001倒 唔太記得

試過休克跌低撞跌曬d野
唔知算不算接近
聽到外界聲，但失去視覺同活動能力
無溫度 無驚慌 無痛覺
慢慢shut down
一個人被困嘅感覺

hi

hi

個腦個d位有無好攰好麻痺咁?

本身有無信教?

無
乜都無
一切皆空
醒番就另一回事

冇信教

頂 我嗰陣以為係自己發夢

我天生心律不正 細個成日都會暈低
十歲左右有一次去旅行 過關期間病發
曚糊間我見到自己去到一個全白色嘅通道
我漫無目的咁向前行 忽然有個男人聲係咁同我講
「妳唔應該喺呢度 快啲返去」
下個畫面已經係聽到屋企人圍住我係咁喊
同埋知道有好多唔識嘅人幫我急救緊
我覺得好攰 成個人完全郁唔到
但慢慢就可以擘大眼 慢慢輕微郁到
之後就比人送咗去當地醫院了

聽返屋企人講 我心臟有停過
昏迷咗差唔多十分鐘 仲失埋禁
佢地原本以為我捱唔到過去

嗰陣事後我一直以為自己發夢
都太細個無同人講返或者研究呢方面嘅嘢
直到今日見到巴打個reply先知可能唔係夢

唔會見到任何野就黑左 醒返之前光到個人好辛苦 跟就打返開眼係ICU
簡單啲講姐係死左都唔會知咩事

好似訓教? 光可能對眼未適應姐想知既係接近死既時候會見咩...有唔少訪問都係話會知道自己個靈魂飛出, 見到自己(但點解知先? 姐係有意識?) 之後好多都講到光呢樣野...如果好多人不謀而合...應該係有d野既 好似你咁講..死左知同唔知都可能得你個靈魂知或者好似霍金咁講(SHUT DOWN)....既然係咁...就反而想問有無人會有係肚入要既記憶...

有無信教呀CHING

光到好辛苦個到都持續左好耐
不過有樣野好神奇
就係我好返之後 成日半醒既狀態會有好多唔係我既畫面 完全未見過既野黎 不斷彈出黎 停唔到 直到個人勁唔舒服好熱就會醒 跟住超級口乾 要即刻飲水

外國有研究講話, 見到光呢樣有機會係因為腦神經過份active(要叫醒你)所產生既現象, 會唔會你到今時今日會有咩唔同左?