努力左好多年,終於拎搵到十皮野人工。
然後如夢初醒,發覺自己仍然係一個買唔起樓,好多野仲要慳住慳住嘅窮L.
話說在下讀書成績都叫做名列前矛。當年要入medic 易如反掌,但係屋村仔出身,無mentor, 學校啲老師又唔教路,咁就睇唔開入左果陣好紅嘅暴大IE. 畢業果年IT 泡沬爆破,SARS, 金融風暴連環combo. 記得IT 狗人工得5,6千,老闆仲要好似施捨俾你咁。
我把心一橫走左去做big 4. 果陣時人工9800. 我好記得big 4 做十年就升partner, partner 人工十萬咁上下。 自細窮開,大學日日食公仔面嘅我,自此搵十皮野就成為我人生一個目標。
當然我捱唔到去partner, 逼自己OT 可以,逼人地OT 唔俾錢我做唔出。同埋big4 係一個見盡人性醜惡嘅地方。 我覺得做人要有低線要有人格,否則我會睇自己唔起。呢個係我自尊嘅一部份。所以我最後都離開左big4. 見識過人性醜惡,自此對big4 有好大戒心。
anyway 過左廿年,當我以為拎到十皮野人工就足以我開心一下,過番啲好啲嘅生活嘅時候,回想廿年已去。當年的十皮同現在的十皮相去甚遠,扣埋洗廢其實舊錢唔係咁多。而最近睇番big4 嘅人工,雖然gf 起薪已經加左接近,但要升partner 已經唔止要十年,同埋都仲係十皮野人工左右。
人生好多野都估你唔到。
我地出黎做野果陣,啲老屎忽好鍾意講要plan career path, 唔好咁jumpy. 結果我地就接受左好多不公平嘅剝削。 一覺醒來,當日講嘅美好生活並無出現。 依家響呢個聽日唔知變成點嘅香港, 仲講career path 一詞其實係一個笑話。