有無巴絲係黑眼圈/眼袋/淚溝三合一我而家個樣真係喪屍咁
近年真係做左好大量資料收集去對抗呢幾個問題,想各位巴打分享下解決心得,互相幫助(任何美容院打手唔該死返出去)
=======黑眼圈=======
有分血管型/色素型黑眼圈
https://www.youtube.com/watch?v=VP3kJdiUgWI&t=243s
自己淘緊左呢條片所介紹既產品返黎,唔知有無效
我係色素+血管,而且曾經打過幾次激光都無撚用,有無巴絲試過激光有效?
感覺如果去台灣打雷射會比較多選擇,有染料雷射聽講好似有效DD
黑眼圈應該係現今科學未有真正治療方法既問題?
=======眼袋=======
其實算係最易搞,肯決心去做手術就OK,不過香港醫美好落後
始終要搵個100%可信任既醫生有D難
自己曾經見過一個係旺角比較出名同有經驗既醫生(性格幾惡下,同埋間診所好舊,感覺應該真係幾有經驗咁)
佢有傳統內開+重舖脂肪落淚溝既手術
傳統內開風險就細好多,恢復期快,但解決唔到淚溝問題
重舖脂肪就可以改善埋淚溝凹既問題,但有較高眼瞼外翻既機會同恢復期長好多
另外未試過眼袋槍呢D治標不治本既方案,應該都無撚用嫁啦
同埋有隻叫Remescar即效魅亮眼霜既眼霜,聽講主要係急救眼袋用(聲稱兩分鐘去眼袋+維持8-9小時),自己就未試過,試少少買返黎試下
=======淚溝=======
我諗最常見都係靠打針填補去搞,但問題打針都有好多選擇自己唔知選邊隻好
有普通玻尿酸,熊貓針,少女針,童顏針
聽講少女針如果打歪左就無得救,但維持最耐(1-2年)
熊貓針好似穩陣D (有無打熊貓針既醫生介紹??),打衰左都好以溶撚左佢
但打呢D針真係好講醫生手勢,打衰左就變毛毛蟲,我暫時未搵到邊個出名醫生可以信任同手勢好
打針呢家野,始終都係治標不治本
而且聽說通常打第一次會好靚,但之後會愈打愈柒
如果根治都係要靠
1)脂肪重舖手術 (上面講過)
2)抽脂+脂肪注射填充 (香港又係好少醫生做,不過我知中環有個醫生有做臉部填脂,台灣就比較多)
不過聽講填脂都有風險,例如脂肪鈣化變硬塊
但如果脂肪成功存活就可以完美解決個問題
Sorry好長氣,但自己真係好撚憎自己個究極黑眼圈,想大家互助下