不容垃圾香港人踐踏
－－－－－－－－－
TLDR; 閪客唔著鞋周圍走踩上 TATAMI，無視員工勸喻事後發爛渣搞 9 員工
【原文連結：https://www.instagram.com/p/CM2UaJDg3pd/?utm_source=ig_web_copy_link】
各位中大人好，我是Paper & Coffee （龐can）的腦細v。
今日發生左一件事令同事們都好唔開心
或者，其實係有少少灰心。
我以為Paper & Coffee 團隊在中大工作了三年
多多少少，我地都算係中大人的一份子
我地以為中大有人文精神
但原來，對同學黎講，店員就係小二，店員就係可以俾你無視既阿姐
關係不是平等的。
今晚在PNC的ig 有人開始針對我們店長留言攻擊
cap圖如下，經同事確認不是當時人，是今日主角的朋友
惡意攻擊我地唔怕你，小學雞野你做黎都無用
事發係甘：
今日有位有趣的客人，應該是同學坐左係TATAMI位
發生了件好小既事
就係佢為左拎野食，唔著鞋甘去拎，行完一圈直接上番去
同事見狀，你無理由用隻污糟腳踩上一個大家要除鞋坐既地方掛
好簡單的常識
於是叫住佢，佢扮聽唔到
okay.
於是同事去敲左兩下佢張檯，以跪姿同佢講嘢，請佢轉去坐要著鞋既其它位，俾我地抹番個tatami啦
佢又扮聽唔到
終於，觸動到呢位客人的神經，佢話佢唔著鞋只是因為佢好趕
甘你整污糟左個地方，咪坐去第二度囉，都安排埋俾你。
然後個客人就對住佢朋友開始用粗口問候同事
另，佢地帶外來飲品一路飲，我地都講過好多次，呢間can係唔可以帶野飲
都有同事去同佢地講，佢地照飲
最後同事問佢，不如退錢俾你唔做你生意，咪唔好食囉，竟然你甘不爽。
佢又唔肯。
事後，同事收工前就收到前後幾個該名同學既家長打黎既電話。
擾攘一輪係咁質問同事講出佢個女講粗口既原句
點解你唔問個女
再打去俾北角店的經理投訴
話我地呢位店員一定係精神有問題，特別睇唔順眼佢個女（邊忽）
係都要話佢，敲佢張檯
令到佢個女講左句粗口罵人
一定係你唔岩
同事問，甘你搞事，人地同你講你聽唔到，果黎敲下張檯睇下你係咪真係聽唔到定有心唔應人，都正常。
甘點解你個女可以用粗口辱罵我地同事？
然後家長仲同經理講，其實我個女都好似只係講左Fxxx姐，又唔係Fxxx you , 又唔係Fxxx your Asxxole
都唔算罵人姐
總之佢話，我地唔道歉唔剩，佢就要報警，「搞大佢」
特此公告這位客人及其家長：
1）
唔好意思，我間鋪唔係你屋企
我個TATAMI唔係你宿舍
你入得黎我間鋪，你就要俾錢，同時遵守我訂既規矩
同時，
係我間鋪，有個TATAMI,我俾你坐唔等於你可以唔著鞋周圍行再踩上去整污糟
再以為同事一定要幫你抹番成個TATAMI
中大Paper做個甘既空間，係想客人有個乾淨舒服既空間坐得自在
單單乾淨呢個字，是每日用勞力心力去維持的。
2）
無家教唔緊要，受了委屈，家長打去食店審問同事
你以為你係邊個，你以為我地係邊個。
我地唔會幫你教女
但好認真同家長你講聲
你口口聲聲恐嚇我地保護同事
話要報警（唔知點受理）
話我地會有後果（算唔算恐嚇）
我教番你，唔識教，可以唔好生。
而你個女無資格用粗口鬧我同事，你都無理據可以打黎威脅我同事
而且，你威脅唔到。
3）
都入大學了，有什麼閒氣，找家長解決，好醜怪的。
4）
pnc可能價錢在中大算貴，但唔等於我地同事係你屋企既工人
你整污糟左我既地方，我老奉要叫同事幫你抹
你要人服待，可以番屋企，大學的餐廳收得你錢
都係公眾地方，唔係用嚟服侍你個女
5）
你可以話我唔識做生意，
呢d麻煩客事件叫同事忍左去就算。
但我班同事都等於我屋企人
我出糧俾佢地，唔等於佢地的職責係聽粗口和受氣，被辱罵。
同時，阿家長：
如果你有能力去寫封 complaint letter 俾學校，go ahead
腦細話你知，我無擔心過
如果你覺得可以周圍唱衰paper ,我地都唔擔心
一間店唔多你呢種客人，不用擔心我地會執。
同事，我攬硬，呢單野，我一定唔會跪。
你以為打去間間餐廳，個老細會因為你幾句炒左個同事
跪係度say sorry ？就因為怕你搞大佢，怕你報警？
對不起，呢招對我唔work
你夠膽，send個email黎，阿家長你要幫個女出頭，
當面見次面，我一次會鬧到你飛起
順便，退番果幾十蚊俾你，呢幾十蚊令同事受氣，我賺左都唔安樂
同事前後幾次話退錢俾你請你個女離開，佢又唔願又要坐喺度食又飲埋外來嘢
報警留番俾你，搞大佢等我地代勞。
希望我地講左呢件事出黎之後
同學但願你覺得自己做得無錯，就有種聽日周圍話俾人聽你就係當事人
就係呢間死咖啡店惡死唔識做生意
And , you're blacklisted .
我只係想同事番工，番得有尊嚴d
唔知係唔係甘難
這次非常長，謝謝大家收看
