咪再天真做加盟！

入超市買仲平

幾多錢

當你好彩揀啱地點開，有錢賺，但係每個月成本高（之前講過珍珠奶茶舖本身嘅每月專利費、同招盟拎貨嘅食材成本比一般加盟店高，再加上人工、租金等）、你利潤自然少。所以加盟店開業成本高（加盟費、裝修等）、每月固定成本都高，實際回本期係好長！就算你大部分月份都有利潤，唔等於已經回本。有可能去到租約完個下加盟只係打個和

你做得好係幫人省靚招牌，幫人打工
但同時要承受做老闆的風險

呢間就想佢開多 d 次次都要特登搭車去或者行好遠

蘋果話開頭淨係收6萬

之前想做間熱狗鋪
後尾計過d開業成本同每個月d成本
發覺d水位佢都食哂
最後都決定唔做 太搵笨

大概俾60萬加盟費有6部機，通常都係３部乾洗機、３部洗衣機，你要留意Ｄ機係幾多磅WＯＲ， 磅數愈高，就洗到愈多衫。

之後招盟就會話宜家做優惠，俾少少優惠你，可能減低D個加盟費，咁你咪會覺得你著數左，其實招盟一早抬高左個價！同埋講D咩名額有限啊，先到先得， 滿左你就加盟唔到啦，宜家有好多人有興趣啊個D廢話，催你俾錢

等你落踏之後，招盟一定會話3組機唔夠架，你要再加多D機，之後部部機都賺你幾萬！

連登仔吹奏嘅齊柏林熱狗店已經係

gym room代表就24/7 fitness
所以唔同分店質素咪咁參差

之前有報導話齊X林自稱自己加盟費係１０萬，如果你真係想加盟佢，咁。。。最後忠告就係唔好搵中介，直接搵佢加盟，咁你可以慳番筆中介費，你可以上網check到佢係某中介網放$188,000，其中$88,000就係落中介袋! 加盟者仲要比中介服務費，加埋十幾萬!

樓主好有心 推

bulldog hotdog好食d

不過少分店

但嚟緊都多咗

高質post
有心做，抄人好過加盟比人呃

結論：
香港所有合作（公仔機，礦機等），加盟，專利，Co working，種金，都係大伏

變種傳銷

香港茶湯會全部都係同一間公司開

你想招盟：

如果你係小店老闆，想發展加盟，就真係要計畫好先搞！首先你要set up好成個完善系統！唔好貪心，唔好咁易比中介水1年開10幾20間。

係你搞招盟前，你要自己有條專搞招盟嘅team，分哂工、有默契、知成個過程點run，咁之後再招盟！條team負責幫加盟搵舖、裝修出牌開舖、宣傳、佢開左之後幫佢解決問題⋯你無返幾個人團隊專負責招盟，係搞唔掂！就算你初心係好，真心想做好，但你都未準備好就急速發展，好易冧檔架！

之前有個補習社老闆明明開一間做得好地地，2年後同區開多間都有錢賺。無啦啦比中介水去搞加盟，教佢吹水講大話，成功一年開8間，但係自己一個人搞唔掂咁多嘢，最後搞到個品牌名都做衰埋。依家得返自己間總店，仲要改名黎過。但係人呢試過招盟賺一時三刻嘅快錢後，佢只會越嚟越貪，返唔到轉頭，宜家改過個名又搵中介搞加盟！

你想加盟：

個人認為最好唔好加盟，自己真係要了解下行業，唔好靠晒人，有心理準備要落手落腳做，開頭一定係困身同辛苦。

10分滿分，你行業知識可能係0分，所以想加盟有人旁住你做，但係香港好多招盟老闆行業知識都係得2分，而呢2分資訊差唔值幾十萬喎！你覺得值唔值？

如果個招盟或者中介sell你’自動經營’，咁你就好走喇，求其話自己突然醒起有嘢做，因為世上根本冇啲咁嘅嘢！開左唔過3年都搞招盟嘅，你都話冇興趣唔洗啦，因為佢自己都未做穩，或者未回本。而對你冇要求既招盟商，係咪都比你加盟既，你都好走喇，真係做得好嘅brand都驚加盟搞臭佢個朵，要過五關斬六將先拎到個特許經營權架。

如果你真係好想好想好想加盟，咁你直接同招盟商傾，唔好比錢中介賺。避左中介，你開業成本就慳好多架啦！佢哋抬高個加盟費，同招盟拆，再食你一筆佣金！

無 西女人同事係度無得影