召喚歌唱求學巴絲及你問我答(六)

邊有d5

https://youtu.be/Ss0kFNUP4P4


3：56
仲要係唱mental scream

你喜啦
佢啲demonstration片唔仔細無問題，
係啲從零開始學嘅人唔知頭唔知路渣，你不妨建議ken咁勁直接出幾條唱歌片再叫人直接俾錢學算鳩數

高喉頭唔係問題啊，長期高喉頭先係問題。流行曲仲要好多時都會用到高喉頭，但學你話齋點樣保養把聲，或者點樣用到更多嘅音色去唱，咁就要訓練啲經常用高喉頭嘅人落返低。

你有無比錢跟佢學先
我相信你如果比錢佢
你連c4都唱唔到，我唔信你要逼你直接上c5lor
原來唱歌太勁都係罪

你check吓你打啲野，我睇唔明你想表達啲咩
不過我想講嘅係，既然你自己上面話都覺得唔啱新手，咁樓主推薦新手睇佢啲片然後我話伏有咩問題

如果唱得勁=教得好，咁pedagogy都沒存在嘅意義

宜家係好比求其一個國際級nba fina運動員教你點打籃球，教你點踢波
教求其一個普通人都綽綽有餘喇係咪呀大佬

你就講佢未必識教，理得佢踢波技術打波技術如何

你覺得會唔會好諷刺

咪同你講我話新手睇佢片唔建議囉，你咁忟塞做乜鳩

我沒叫人唔好俾錢上堂，我見樓主推薦一張白紙參考佢啲片我係話唔撚建議，你咁都唔明

咁我都同你講係睇片嗰個人問題
而唔係佢問題

佢出教學片唔仔細咪佢問題囉cls

有無唸過佢無唸住教新手？
呢個係佢問題？
人地中意點教，同服務對象又要同你講？

Nba球星出灌籃教學，淨係dem助跑->上籃 就做到㗎啦。
咁新手睇完都係灌唔到籃我唔可以話佢條片伏學唔到野cls
最重要係咩？我係覆緊樓主推薦新手睇佢啲片而回應話唔建議
我理撚得佢啲片target audience係乜水

其實ken嘅教學我覺得係無問題的
因為如果你睇翻去嘅片，其實佢都有強調要放鬆
https://youtu.be/II2b3gs31SU
呢個就係其中一個例子

只係個問題係在於個學生佢自己練習方面，係唔係真係係做啱嘢嘅前提下去練習ken系統嘅嘢

當然，你話歌學生練得好唔好，同ken有無關係呢？
我覺得多少都有小小，但不但止係ken，幾乎每一個係網上拍片嘅老師多少都有小小責任。
因為佢哋拍片去教，必然無辦法顧及每一個自學嘅學生需要處理嘅位。
而要去整一個任何學生都可以自學學好嘅系統更是不可能，所以雖說做老師嘅有責任，但係其實都唔可以責怪。

正如我自己一樣，每個嚟搵我指點嘅巴絲，我最盡都係指出佢哋嘅問題，同埋大致要往邊個方向去研究如何解決問題。
因為我無可能透過文字or錄音去教唱歌

師傅領進門，修行依然在個人……

講真，考試呢尐其實基本上拍子啱，音準啱其實就好容易pass

當然你aim高分嘅，咁當然好多嘢要盡善其美
我自己嘅睇法，係可能rockschool係比較偏向搖滾去選曲，而一般搖滾係歌唱機能嘅要求上都會比流行曲嚟得要高，所以就會容易有種rockschool難小小嘅感覺

不過你話實際上會唔會真係存在某個考試比另一個難嘅情況出現呢？我就覺得唔可以排除呢個可能嘅
舉個例子，係古典音樂上，聖三一嘅考試一般都比人話比ABRSM簡單

所以可能rockschool真係比較難小小
不過雖則話難度比較高，但其實唱流行曲嘅話個難處就係細節嘅表達處理啦，所以其實都有一定難度係度

氣息基礎一：無所不能還是一無是處的呼吸？

係歌唱上，對於呼吸一直以嚟都有兩種好極端嘅講法：
1.歌唱上一定要做好腹式呼吸，做唔到腹式呼吸嘅話就唱唔到歌，腹式呼吸非常重要。
2.唱歌唔需要去理呼吸，只要做好聲帶閉合就乜都可以唔洗理，人會自動咁換氣，所以腹式呼吸乜乜乜之類就可以唔洗理。

呢兩種講法一直都陷於公說公有理，婆說婆有理嘅泥沼入面。你話呢兩者有無道理，又好似有尐道理；但如果話無乜道理，似乎都幾合理……

至於話點解無道理，其實好簡單諗下就明白：
1.要論做腹式呼吸嘅高手，一定係修練瑜伽嘅朋友，或者係恆常做運動嘅朋友。咁點解即使識做腹式呼吸，都唱唔好歌呢？

2.如果凈係處理好聲帶閉合就可以唔需要理會呼吸嘅話，咁點解我哋周不時都會聽到唔少一般嘅聽眾提及好多歌手連呼吸都唔識，下下都一堆呼吸聲呢？
唔係話聲帶閉合ok嘅話，就唔洗理呼吸咩？

大家睇到呢度，都會有一個疑問：
大佬，咁到底邊個先係啱吖……？

我會話：兩者都錯
係發聲嘅基本上，只理會呢兩樣嘢係唔夠嘅
甚至，連兩種理論入面都無提及係發聲入面最重要嘅元素……

到底，呼吸呢樣嘢係歌唱上，係必須，定係不需呢？

至於呢樣嘢係咩，我係前面嘅花生提過，但大家都可以思考下
答案，係下一篇花生入面開估

氣息基礎二：運氣

係上一次嘅文章中提及過無論係集中去處理腹式呼吸，定亦或集中訓練好聲帶其實都唔係最正確嘅事。咁到底乜嘢先係真正重要呢？

其實，真正嘅答案往往就係最容易被忽略，亦係看似最唔重要嘅嘢：運氣

呢度嘅運氣，並唔係lucky果個運氣
而係控制空氣嘅進入同輸出！

如果對歌唱有瞭解或者對我講嘢有記憶嘅巴絲，相信會記得人係點樣發聲：靠空氣輸經有一定閉合程度嘅聲帶，從而令聲帶震動。

所以，如果無好好控制空氣嘅輸出的話，又何來無問題嘅聲音？
聲帶肌肉固然有訓練嘅需要，但比起氣息訓練嚟講，真正必須嘅梗係後者！

講到呢度，可能好多人會思考一件事：腹式呼吸本身就可以係運氣啦？
咁你就大錯特錯啦！

腹式呼吸，充其量係呼吸
胸式呼吸，充其量都係呼吸
但兩者，並不包含控制吸入幾多空氣，輸出幾多空氣，用幾強嘅氣壓輸出空氣
真正嘅運氣，係要控制埋輸出幾多空氣，同埋用幾多氣壓輸出空氣！

講咗咁多理論，咁到底點樣去調整輸出空氣嘅氣壓呢？

下次得閒再share

氣息基礎三：氣的控制

廢話少講，直入正題。
無論閣下用胸式呼吸，腹式呼吸，定亦或係胸腹混合式呼吸亦好，要自行控制氣流嘅進與出，真正嘅關鍵，在於橫膈膜嘅控制，姐係橫膈膜要識得用力排出空氣

（小小冷知識：成語病入膏肓嘅膏肓二字，其實就係橫膈膜可想而知橫膈膜出事嘅話真係唔係小事嚟）

至於點樣做，其實好簡單：
開懷大笑

每個人係開懷大笑嘅時候，腹部必然會收縮及用力，而呢種收縮就係排放空氣嘅動作！

所以點解當人大笑嘅時候一般都會特別高音同大聲，原因就係啟動咗空氣輸出嘅強大氣壓

所以各位香港人，係時候一邊開懷大笑一邊去練習運氣了！

笑多啲，練習多啲，當習慣咗用力嘅感覺之後再將呢種力量放入歌唱上，用住力唱，就ok了

其實，所謂發聲力量嘅支點，何謂用氣用力等等講法嘅訣竅，我已經係度公開咗，其實就係簡單到無得再簡單嘅嘢。希望各位睇完之後可以有所脾益及得著

處理完用氣之後，下一步就係啟動聲帶閉合鳥
呢個容後再談











係我個人嘅歌唱系統下，有一種直接並合運氣及聲帶閉合嘅發聲方法，名為被動發聲。如果大家用盡任何方法都無辦法處理自己歌唱上嘅問題的話，不妨試下搵我。

我未必成為你哋嘅第一個老師，但我希望我可以做到各位嘅最後一位老師

輕輕一推，推過萬重浪

新人想拜師Ching 係咪轉左tg