召喚歌唱求學巴絲及你問我答(六)

apologize的確真係好簡單
living升key個位其實佢係add咗小小scream落去，唔係滾喉音嚟

btw Pretender正嘢，我細細個就聽過呢個名啦！

其實calvin係我自己嘅角度睇落去，係覺得佢都係用緊主流果套方式教唱歌

而又因為我一向都係對主流嘅教學方式有一定嘅保留，所以其實我對佢嘅意見都會稍微類似我對一般主流教學嘅諗法，所以重複嘢唔多講啦

至於佢嘅唱功，我會認為佢距離完整嘅歌唱專業上依然係有一定嘅距離。
好可能因為佢自己都意識到呢一點，所以即使係街知巷聞嘅當下，佢依然仲跟緊老師繼續學唱歌

我覺得，一個願意上進嘅心，比起你本身嘅能力如何更加重要

你把聲唔好聽係因為你發聲技術未夠火候，同你講野把聲係咪gay冇乜關係。
你掌握唔到唱流行曲最重要既喉下關閉技術，點樣教人唱歌？
就算比你教，教出黎既學生都會學左你高位置，缺少胸聲、真聲質感既唱法。

同埋其實樓主你都覺得自己把聲gay，
點解又唔努力改善自己既發聲習慣呢？

講得出喉下關閉呢個名詞，巴打肯定係歌唱上落過苦功！
不過係你嘅意見上面，我就有小小嘢要補充：

首先，關閉技術不但係唱流行曲所需要嘅嘢，佢亦係任何嘅歌唱風格所必須具備嘅基本元素。換句話講，關閉呢回事係歌唱上嘅基本功，不但係流行曲，聲樂，搖滾，民族唱法，甚至係爵士等都係必備嘅基本。
再準確尐，佢根本唔係一個技術，而係發聲嘅基本功

其次，位置高低呢樣嘢同聲音靠近乜嘢共鳴嘅質感係並無關係。
甚至我可以話用高位置唱出嚟嘅胸聲，先係一個完整釋放嘅胸聲。
好多人其實誤會咗，以為發聲位置同共鳴位置係一回事，甚至誤解高位置就係唔用真聲同胸聲嘅發聲模式，但其實真相並唔係咁嘅一回事。

不過既然難得有巴打去提及到呢樣嘢，我都唔介意分享下個關鍵秘密位：
發聲位置嘅高低直接影響你發聲嘅健康，聲帶嘅壽命，以及歌唱嘅續航力；而共鳴位置嘅選擇，基本上只會影響到音色嘅呈現
肯道破呢樣嘢嘅人，我相信唔多。

如果上面嘅嘢巴打您唔明，或者唔認同嘅話，都唔緊要嘅
我相信巴打你係歌唱上鑽研咁耐，要接受一樣新嘅嘢唔係咁容易
不過如果你真係想瞭解多尐嘅，我好樂意接受面對面嘅交流，畢竟文字一來無溫度，二來文字無辦法做到示範

你願意去理解嘅話，我相信以我嘅能力：
如果係苦苦研究嘅你，我有信心可以幫你避開所有嘅彎路，直達歌唱嘅肝心；
如果係以歌唱謀生嘅你，我有信心幫助你挖掘聲音無限嘅可能性；
如果你已經係為人師表，化育芸芸眾生嘅話，我相信我可以幫助你攀上更高更遠嘅山峰

最後，其實一把聲好唔好聽係取決於個人嘅喜好
同時，我一向以我自己嘅聲音為榮，我從不覺得我把聲係GAY的
不過大家嘅意見，我絕對尊重

關閉冇錯係發聲基本功
但係關閉既位置絕對係技術既表現
唔同genre對關閉既位置同要求都唔同
關閉既位置會直接影響你既音色、質感同厚度
你既喉上關閉係聲樂上係冇問題
但係流行曲黎講不合適
你所謂既胸聲其實只係你打開胸腔既結果
並唔係你最適合流行唱法既胸聲
因為你既支點根本就唔係喉下
所以你既音色會偏柔弱、冇聲芯、缺乏集中度同穿透力 只有廣度 沒有深度
所以你要明白咁多巴打唔鍾意你既歌唱係有原因

如果你教聲樂 咁我冇乜意見
但唱流行曲絕對係音色既藝術
而唔同關閉位置所協調既咬字、打開腔體、呼吸既動作控制都相應唔同 所以懂得喉上關閉唔代表你可以教喉下關閉既唱法

學音樂既人一輩子都係增進緊基本功
基本功就係功架 就係技術
所以唔好認為你已經完成基本功既修煉

其實呢……好多歌手都係用喉上關閉嚟唱流行曲
林俊傑就係其中一個
你要咬定我唔識喉下關閉，我唔介意
因為你本身對我嘅認識就唔夠全面，可能有所偏差都唔一定

但係你話喉上關閉係流行曲唔適用我就真係有所保留啦
而且係聲樂上，佢本身就好注重喉下嘅關閉，並唔係你所講咁凈係喉上嘅關閉

同埋試問，音色嘅藝術又點會凈係唱流行曲先係啊……

不過咁，既然巴打咁有自信去評論，我都會虛心受教嘅
尤其係你認為我無資格教，我一定銘記在心

最後，我亦期盼有朝一日你可以光明正大咁企出嚟，為糾正呢個教學圈嘅劣師，以及拯救被矇騙嘅可憐學生出一份力，加油！

天生識唱歌係咪姐係天生就識用腹部力量

無人天生就識唱歌
即便係天才，所代表嘅都只係模仿能力比其他人優秀而已

但人從哇哇落地哭喊嘅一刻開始，其實就已經識用架啦

不過識用係一回事，係後天嘅生活中被遺忘就係另一回事啦

我想問你哋喉上喉下係咪講緊high larynx low larynx??

你講既例子林俊傑正正係掌握喉下關閉先開始紅。
相信你都知佢由學不會（其實由第六隻碟）開始已經明顯更著重喉下關閉。
你有冇諗過點解佢作為一個歌手要冒咁大險轉換唱法？
佢以前喉上關閉未紅既時候都已經有一定fan base，點解佢要毅然去拎自己既career黎take risk?
正正就係因為喉下關閉先係流行唱法既核心。
如果你解答到呢啲問題，自然會明白點解喉下關閉比提供既力量、厚度、穿透力能更直擊人心；你亦會明白點解林俊傑近年紅左咁多。

至於點解我認為你唔識，因為你post既歌我聽唔到有喉下關閉既痕跡。用返你個例子林俊傑，早期佢係唔識就唔識，後期識就一定會拎出黎用，因為事實上就係比較好聽，尤其係抒情歌應用上。而你post既某啲歌，好明顯喉上唱法音色係同首歌完全唔夾，如果你自己聽唔出就係審美有問題喇。

留言都係實話實說，冇針對成分。你大可無視我指出你音色上既問題，當我鳩up

既然你對林俊傑都有一定嘅認識，咁我就唔明點解你會話佢冒咁大嘅風險去轉換唱法

佢係專輯''100天''之前就因為過勞+胃食道逆逆流而導致聲帶受損同失聲
係之後佢開始靜養同埋搵seth riggs訓練先慢慢見到個效果
當然無可否認佢喉下關閉嘅技術係佢聲音恢復後就有好大嘅進步，但係單純因為做到喉下關閉就忽略佢係喉上關閉嘅熟練，咁樣明顯就係以偏概全

另一方面，你認為我post嘅歌無用過喉下關閉，咁你可以仔細咁聽翻我post果三首：皮囊，也許明天，同埋至少還有你
你真係聽唔出嘅，咁我都無辦法

再者，你話我用嘅音色完全唔啱or唔適合
咁呢度我反而想問：邊個規定唱咩歌一定要用咩音色風格去唱呢？
喜好本身人人都唔同

我隨便舉幾個同一首歌但係風格唔同嘅例子：
1.A-lin，林俊傑比賽翻唱嘅''愛''，同原唱都係三個唔同嘅音色風格嚟
2.Jessie J同原唱嘅''My heart will go on''，係音色演繹上都有分別
3.張信哲同蘇打綠嘅''我好想你''都唔一樣
4.原唱華晨宇同張信哲演繹''微光''都好唔一樣

唔同每個都有規定正確嘅唱法係度？

其實，如果你真係覺得我唱嘅歌係唔適合嘅
咁不如巴打你試下用你認為正確嘅方法cover翻呢尐歌，跟住post出嚟比我學習下吖
即使唔係比我學習，都可以比下呢度嘅巴絲觀摩一下何謂正確嘛～

最後，我想講嘅係我從不覺得你係9up
由我咁長篇大論咁覆你，就已經代表咗我對你嘅尊重
同埋你真係9up又點會咁用心良苦咁同我交流

存在未必就係合理，但事出必然有其因
所以你嘅意見我一定會仔細咁思考同分析

類近，但唔單純係喉位嘅高低
佢牽涉埋閉合呢樣嘢，但係呢個閉合不但係聲帶嘅閉合，同時包括埋發聲通道嘅關閉





其實我本身都唔用喉上下關閉講唱歌。不過既然有人講，我又識，咁就講下

Err..即係有muscle可以閉合你個喉上/喉下發聲通道？

同埋kentamplin伏嚟唔建議參考

簡單可以咁講，不過複雜起嚟真係都幾長篇大論下

介唔介意分享下點解覺得ken係伏？
因為其實我自己係覺得佢嘅嘢無乜問題
不過我都想聽下你嘅睇法

btw前幾年關於佢嘅負面八卦都非常多
尤其當年有一個外國讀音樂學院嘅人係好集中咁追擊佢

我淨係睇過佢個mix voice片咋。咁你教vocal都知唔同vowel/consonant有唔同作用，佢由頭laaa到尾都已經奇怪，dem得又唔夠仔細。

佢其實本身就反對SLS嘅教學模式
佢去用la呢個練習係講緊只要呢個做得好，其它嘅vowel/consonant就會好容易做得到，所以佢單純將重點擺係個la上面

不過的確，要以仔細嚟講佢係歌唱上嘅分析的話，比佢仔細嘅真係多好多，不過睇佢本身唱歌，同埋學生嘅演繹，我係覺得無咩問題

我自己係教學方面都係以儘可能精簡為主
因為我自己嘅經驗話比我知，其實好多嘢都可以唔洗咁複雜

但係太簡單or太玄虛嘅就真係唔得掂啦

係之前有frd睇ken tamplin片練，搞到喉頭一直都吊住練練唔好。

同埋學真係唔駛知太複雜，唱歌咁多野要顧知少一樣都好。

另外聽咗巴打唱歌，個人應為技巧無乜問題，係4首都有啲演繹得太太太淨誇。artistic choice 嘅問題，咁呢啲就見仁見智。

原來係咁
其實自學無老師係隔離嘅話，基本上學乜老師都會出事

因為最重要嘅嘢睇片無得學，就係學習如何自行判斷對錯
（講真呢一點唔好講自學，大把老師都無同唔識教）

不過我呢度都想講下點解跟ken練係容易出問題，為咗方便大家明白我儘量用人睇得明嘅字眼：

因為ken嘅訓練係集中係強化真聲，以及將真聲係高音嘅極限去拓展。而佢本人亦都多次強調真聲係發聲嘅根基，後續幾乎所有嘅音色同技巧都要基於強大嘅真聲機能去做。（真聲呢個term係為方便大家理解我所處理嘅翻譯）

當然其實係拓展真聲機能同音域嘅時候，身體佢會自動做埋其他嘢，但呢個太深入所以我就唔詳細講
簡單講就係真聲嘅機能一直強化落去嘅時候，即使進入假音嘅音域，依然可以可以用真聲嘅模式發出如真聲一樣嘅質感
（其實身體已經自動轉成假音嘅發聲模式，但認為主動啟動真聲嘅動作唔會消除，因此可以獲得如真聲嘅效果）

呢個係以前我哋行家嘅口中，就係所謂''土法煉鋼''嘅存在，知道呢個詞語嘅人真係係暴露年齡系列嚟

既然知道發生咩事，咁自然就知道容易導致問題個位係邊度：
一般男仔嘅發聲問題主要就係太執著真聲，以及欠缺合理驅動真聲嘅模式，所以導致好容易錯誤地用扯喉嚨嘅方法驅動真聲，所以就好容易練壞
（我經驗入面，呢個方法比較適合女性初學者去訓練，男性初學嘅話比較應該注重放下對真聲嘅執著先係常規方法）

不過呢度我都想表達下，其實高喉位唔係發聲問題，而係發聲中可以調整嘅現象嚟
呢個一直以嚟都有唔少先賢誤解咗

btw多謝巴打認真聽我唱歌
浮誇嘅位我會再琢磨下
多謝指點

無睇呢個post一排咁大討論


其實歌手紅唔紅同唱功同唱法無必然關係
呢位師兄你好似搞錯左d野
https://youtu.be/eoiWhRo3A7w

請問片中此人，佢聲門閉合程度如何，佢出名程度又如何

癡撚線，kentamplin好撚顛窩，佢咁都叫伏？


原來係睇片嗰個人嘅問題
而唔係ken既問題

因為ken嘅訓練係集中係強化真聲，以及將真聲係高音嘅極限去拓展。


呢個真呀，同埋佢唱嗰啲歌好似全部都好撚高音，真係未必適合初新者，你叫新手唱個c4都可能未必唱到


新手可能見佢係咁叫又撕裂就跟住唱，點知聲帶就出曬事

跟佢唱最有可能就係練到扯頸（但新手佢地唔會知呢個叫扯頸）

但我覺得呢個都唔係最嚴重問題，其實如果唱到啱音都無咩問題，呢個問題最多係續行力問題，唱唔到幾首就要休息

最大問題係新手唔識用氣，又無佢咁既力度支撐，又學佢咁撕裂，又唔識點撕裂

呢下咁夾硬上去，聲帶就即刻掛柴了

btw 咁啱發現咗啲嘢
點解同樣係男vocal8級
點解好似Trinity 簡單過 rockschool咁既
係咪我錯覺呢




同樣係performance
點解佢可以唱少一首（4首）


而且我睇佢歌單

聽左下點解感覺上好似簡單過rockschool
仲要係八首入邊揀四首黎唱
rockschool無得比你揀



另外仲有d好神奇既位



呢個係grade 6
佢歌單入面有首i dont want a miss a thing

今日先唱完呢首，我得閒又去聽翻原唱，聽下原唱點唱同個音有幾高

發覺最高音個位去到
coz Even i dream of you
佢個音係d5，不但只仲要係metal screaming唱法黎


咁都只係grade6？
其實.....係咪我錯覺呢
定其實佢另外個伴奏係降左key

點解會咁，你知唔知
求教