明明一出道評價都無咁差，個樣又幾呃得下人，點解幾年就可以衰落成咁？
好多人一開始嘅評價仲差過你（例如FYY一開始都比人話粗口港姐架）但佢地依家已經一早爬得高過你，你估人地冇唔開心過？
江嘉敏最大嘅問題係在於從來唔覺得自己有問題。次次有咩事都剩係識不斷為自己辯駁，將責任推向人地度，有無限嘅藉口不斷死雞撐飯蓋。EQ又低又串串貢又貪心，態度差過好多輩份比佢高嘅偽人，公司又點會想捧依啲帶來咁多麻煩嘅人。
但我都好多謝佢，喺我人生最抑鬱果時同我講加油。本身我都覺得自己可以一直喺你身邊守候，無論其他人點講都會一直支持你。但你變得太快，或者應該話，本性都原形畢露。而我都沒法接受自己點解要咁多年先可以睇清楚你。
我寧願你一直呃我，做足門面功夫，唔好比我發現原來你係D咁嘅人。你係出面點R SPONSOR我唔在意，但唔好比我知你真係無論去到邊都想攞人著數好冇；叫人幫你買野又唔識還翻錢比人。雖然冇損失好多錢，但依啲係基本禮貌同尊重。
