有無人都唔buy而家既狼人殺

搞到諗返起考中文小組討論個首輪發言

其實死左係咪要開身份

記得以前玩，一死左就要開身份牌

不過前排同fd玩，就算死左都唔洗開

都唔知邊樣真

你中文閱讀有問題？定你未讀小學？
我咪講咗跟足咪邏輯成立囉

問題就係好難發言無漏洞
因為你做狼人係要lead住去水鳩其他人, 屈好人係壞人
你無啦啦屈鳩人好易俾人特別預言家懷疑
之後自然會check你

如果連隻game 點玩唔知就開始批評真係講嚟嘥氣

亂嚟先好玩
又有得笑
要玩認真game係都唔揀狼人嚟認真啦

有咩game係要 assume玩家唔跟足架？
跟足規矩係基本既ground黎
冇規矩呢個世界冇一隻game係成立

真呀，飛行棋夠要246先起到機啦，佢唔123456都起到？最重要都係有人會一齊玩又玩得開心咪得

個局勢會有轉變
例如狼要有突破口一定要殺/投走真預言家，如果唔係真假預言家同場剩返好少人一定穿崩
如果狼殺咗真預言家/假預言家屈個可以證明身份嘅人做狼，例如女巫同獵人，咁就會有突破口認定咗某幾個人嘅身份，咁就可以從之前嘅發言同陣型推返邊啲邏輯有問題邊啲係狼

其中一個普遍為人接受既rules - 警徽咪有呢個用途，就算預言家死都可以話你知上一晚驗果個係咪好人，有人唔死跟唔緊要，但你唔好做埋d野幫對家贏，然後話自己鐘意點玩就點玩

即係你唔撚投票比泛民唔緊要，但唔好投比民建聯幫佢贏

同埋唔係淨係靠預言家，狼可以講野呃人，但投票冇得呃，下下投走自己友/唔幫隊友辯既話輪次實唔夠贏

你有冇打poker?
高手都唔會鋪鋪都贏
係拉返均黎計
拜仁都會輸波啦
唔通拜仁唔勁？

咁第一round info少既情況下好多情況都係鳩投
但你自己assume左預言家查唔到狼/狼唔做動作帶風向
咁先存在鳩投姐
預言家就唔係鳩投啦, 狼做動作帶風向你又可以揀信定唔信, 唔信你反風帶投隻狼又得
你下下都講開頭就鳩黎, 唔係無可能, 但唔係一定囉
屌你打牌都唔會下下起手三色雪糕要鳩打啦下話?

問題係無乜可能發言無漏洞
一舖game狼人玩到越後期發言自然會越似狼人
因為狼人最終目的係推走好人
成場game都淨係賣對隊友好可能會唔夠輪次
同埋越後期好人資訊就會越多
狼人吹水嘅空間都會縮細

如果有狼人發言真係強到成場一啲漏洞都無
咁抵佢贏啦

預言家驗人講心路歷程，講完起碼人地知道左你驗佢嘅原因先，好過你咩都唔講，咁連埋狀態加發言其實好多野可以睇。同埋多數玩開都係有上警環節，有預言家對跳時概率上黎講係50%50% 亦都係跟format 但你可以睇下佢地發言再去分析，隻game 考嘅就係哩樣。

例如我自己玩過嘅一場係預言家上警，當佢叫A，A係好後先發言。但前面已經有個假預B跳出黎，B派左個警下金水，A派左個前面已經跳左身份嘅人金水。
咁其實你就會諗，假如A 係狼人，會唔會做埋曬d 咁無收益嘅事，派一個已經跳左身份出黎嘅人做金水。再諗下B 佢第一個發言，派一個警下金水，咁如果B 係狼，佢咁做嘅收益就好大，因為警下金水會幫手投佢做警長。
咁哩個時候你就要勇於站邊，同埋警下一定有狼幫手衝票，咁你可以mark 低佢邊個投左邊個。假如站錯邊，你都可以睇返d 線索。

狼人哩隻game 玩嘅就係發言，要勇於發言先好玩。以前果隻全部人係到pass pass pass 咁其實無野好玩。
同埋之所以咁強調係玩邏輯。因為有d 人會玩狀態，一玩好似視帝上身咁好激動，又話求下你信我啦咁，咁就要留意下佢發言係點，有無邏輯。好多人會比佢d狀態衝走，覺得佢咁嬲講嘅野應該係真la? 所以狼人要玩有好多野可以玩，考你Present, 觀察力，急才，首先一定要唔怕柒

你鍾意玩象棋就唔俾人玩鬥獸棋

成個game都係講邏輯講推理
係咪你同人玩輸咗 唔夠人講 上嚟發脾氣啊

玩隻game冇交流咁濟 勁認真又唔好笑
對我黎講真係冇乜樂趣

樓主典型老屎忽 唔肯吸收新知識個啲

青菜蘿蔔各有所好姐 好正常

開牌狼無生存空間
屈鳩個好人係狼，一投走開牌就穿崩，最後肯定變到全部鳩投

你係咪搵交嗌啫？
我幾時有講過有game assume玩家跟唔跟足，啲game成唔成立。
我冇話過隻game有問題戲喎。我只不過道出啲人一直講邏輯係要建基於跟足玩法啫。只要有人玩嘢或者新手唔識玩就會影響邏輯，甚至冇邏輯可言。

如果女巫係識玩同埋係想贏嘅話無可能第一晚唔開藥救人
咁你嘅假設已經唔成立