18歲貓貓走了

第2晚喇
原來無左佢係咁空虛咁悶又訓唔著
呢一年因為佢有長期病 用多左好多時間照顧佢睇佢 原來依加咩都無得做 係咁唔慣
好唔捨得你 但你唔再辛苦喇
很愛得愛你的主人上

一路好走

會唔會再養番隻貓貓？

唔敢要經歷佢病既痛苦同離開真係好傷心

我明嗰種痛苦
佢走咗先發現冇咗佢間屋會咁安靜
起身唔見咗佢 先醒起原來佢已經走咗
執屋先知成間屋有一大半嘢都係買畀佢
我嗰隻走咗兩個月了 有時都係好唔慣 會諗起佢
樓主頂住啊 時間會慢慢沖淡痛苦
有咩都可以上嚟搵我地傾吓

完全訓唔到 一靜落黎 諗起佢已經唔係到就喊 仲成日覺得佢係間屋到想同佢講下野 一合埋眼就諗起佢個得意樣 好痛苦

rip

我隻貓都係甲狀腺 佢仲有心臟病 加油啊樓主 要放鬆啲 你大壓力貓貓會感受到俾啲信心佢 佢會好叻

我果隻4歲走左一年多 仲未想換wallpaper 唔想忘記左佢個樣
無諗過佢4歲就離開

我明啊 但係唔打又唔得花多啲時間陪佢 珍惜每一日 我前排見住貓貓越嚟越瘦 見多一日都覺得好似賺咗咁 同佢影多啲相傾多啲計俾佢食佢中意既野食

因為日日對住見住就好似屋企人一樣 甚至比親人更親

完全明白
往後一段時間都會專心唔到做任何嘢 會無啦啦係咁喊
但過來人覺得喊出嚟真係會有幫助
喊到攰就去休息吓 記得唔好唔食嘢
希望樓主可以盡快收拾好心情 我地會喺到陪你度過呢段時間

個個都話老貓就係咁試下俾啲營養膏俾佢食補充下 為你同你主子打氣 要加油啊

真係好提唔起勁 無時無刻個腦都係諗緊佢約左5號火化 到時真係要送佢走喇 好唔捨得btw thank you

唯有自己慢慢接受佢會離開自己既事實
你主人咩品種阿？

同埋到最後你係幫佢離開定佢自己離開

sorry我㩒錯制 要俾定個心理準備自己係真 美國短毛男仔

佢自己離開佢好辛苦 想帶佢去診所打針 但係最快要夜晚11點幾先有位 但佢已經好辛苦 再打去求診所俾我哋打尖 可以8點幾有位 最後個電話都未收線主子就唔得了 可能佢知道諗起都好崩潰

我隻10歲狗狗走左年幾了，有時會特登拎番d相同片睇，想好好記住佢，抱住佢既感覺，佢既味道，佢既吠聲。見住佢由發病，醫病然後一直變虛弱，最後抱住佢去安樂，成個經歷係好痛苦，心痛同無能為力。樓主振作呀，養寵物最難過就係呢關。

一齊加油 總有一日會再相遇。我唯有諗佢地去到彩虹橋終於唔洗再辛苦同食藥

樓主放心 動物好有靈性 佢哋知道誰人待佢好佢好清楚
佢都唔想/唔捨得主人擔心自己