金鎗六十下一步應該點做?

唔好跑女皇杯喇
添滿意都要落力黎贏

睇番香港杯已經唔多對手，添滿意都輸咁遠，証明金鎗2000世界一線尾馬

跑冠軍一哩同安田算

唔跑安田咪抖暑囉；美麗傳承大勇都係做地頭蟲，金鎗唔需要強迫出征

三冠之路：
應該送去從化玩鈄路同keep住慢功夫，落番黎淨係攞女皇盃熱身。

無視疫情淨玩1600-2000既話:
冠軍一哩，安田，覺士盾/天皇賞（秋），香港盃，董事盃，金盃，杜拜草地大賽，女皇盃，安田，退役。

https://flameracing.net/2021/02/24/night-news-20210224/

創世駒夠卡士未

不過準馬王冇計啦，香港屈w 既美麗傳承都係叫馬王，係矜貴d

問題而家唔係打機 就咁1600跳上2400真係唔易 佢明顯係想挑戰三冠 1400-1600繼續跑只會一直贏落去 1400易食過金盃好多都要上2000

同世界頂級馬跑下，睇下自己有幾多料

疫情OK 遠征日本，愛爾蘭，英，法，美

留係彈丸之地圍內打飛機冇鳩用，冇志氣

一定要去日本跑安田
雖然今年未必得

呢個就唔知了
不過今年女皇盃同冠軍一哩日本應該都會派返幾隻馬參賽
唔會好似上年咁冷清
我覺得日本至少都會派謀勇兼備來跑女皇盃
冠軍一哩就可能派頌讚火星同放聲歡呼

頌讚火星屌緊馬女

日本鍾意黎香港攞盃挑戰，香港都應該攞呢隻野出去玩下啦，如果許可

假設一定要一哩/女皇二選一然後三冠嘅話，馬王級嘅馬要面對呢D抉擇真係無可避免，當年雄心威龍插多場杜拜係中間添，仲要發完燒返黎抖一個月冠軍一哩再戰軍事攻略，精彩日子，隔3個星期再戰遮打盃惜功敗垂成。遠小小奔騰1200力拼靚蝦王僅敗，一個禮拜後2400贏原居民。所以要做馬王之王條路就難免會崎嶇啲，但比較起兩隻前馬王嘅賽程頻密程度，金鎗六十算係好得閒，以隻馬近兩場跑來都好似搏到盡盡地，計埋對手女皇盃贏面似乎會較一哩細，應屆打吡冠軍都好大機會列陣。

站係馬迷/觀眾角度其實我都想佢跑女皇再三冠，能力唔懷疑，係擔心有幾成狀態。

我夠想睇啦 但上次金盃係僅勝添滿 佢香港盃對住日本馬已經係任人魚肉 女皇盃我當佢贏都一定要付出好大代價 四星期根本回唔切 到時夾硬跑 跑到內傷仲仆街 根據上年經驗 練馬師都識見好收 佢地應該會放棄一場
比我揀我會衝2400 用皇太后熱身 女皇盃我當日本派大海之女級數黎 都應該掃得哂班香港馬 衰d講句 我係驚出醜 香港馬王連人地二線都跑唔贏 倒不如靠而家 衝三冠 衝到既 渣住兩個三冠 十幾連勝 已經夠爭馬王之王寶座

場場都蠃你點可以話佢冇

今年馬王點都係金槍架喇
就算真係有馬可以打吡女皇盃直落掃哂都唔夠金槍爭

今年打吡馬D質素好過上年好多
添滿意、時時精綵呢啲應該都會跑
何況日本隨時派勝出光采、鐵鳥翱天、謀勇兼備呢啲勁馬來挑戰
金鎗嘅勝算其實真係唔高
所以真係寧願佢跑冠軍一哩回氣
再跑遮打
女皇盃下年再挑戰都冇問題

其實隻馬跑1600-1800最好，2千長得制

咁點解用皇太后盃熱身 唔係用女皇盃熱身?

淨係香港一哩錦標個含金量已經高到仆街
加埋三冠頭兩關
佢做馬王應該唔會有任何懸念

所以搏冠軍一哩都係一個唔錯選擇，分分鐘半力輕勝。

同意，其一女皇盃日本對手應該強，其二金槍首本路程我覺得係1600m

上年威哥講左 跑完2000當季係唔縮番落去 冠軍一哩options可以收埋

隻馬本身質素高同有鬥心 擺陳家熙就可能輸既
佢個贏馬方程式就係三四疊轉彎攞空位拉直比油
都無諗過點去偷位
金槍都話 其他馬佢都咁樣跑真係血都嘔埋出黎

皇太后跑2400 同埋係G3 可以當試馬同壓力冇咁大 可以準確判斷跑唔跑到遮打 當然如果試完唔得 係變相棄哂兩場