其實愈多學識既人，係會愈唔開心

又夾硬套用古人（辛棄疾）語，明明就係講緊讀得越多越辛苦，你又話人為左寫野無病呻吟
你要用辛棄疾嘅話嘅話不如quote「眾裡尋他千百度，驀然回首，那人卻在，燈火闌珊處。」啦，王國維話呢個就係讀書嘅最高境界

睇到想喊

唔敢講自己講既野係岩 或者係全面

其中一樣我知道既係：
人類太過娛樂主導 但無可避免 娛樂係最直接簡單去獲取開心既方法 導致局限左精神上既進步

我理解左依個concept之後 其實知道單憑一己之力 都做唔到啲咩 先會有無力感

同時另外都知道世上有好多學問係我以一生既時間都學唔完 無力感就更重

我覺得虛無主義係一個過程
有啲似所謂嘅破而後立
你要認清世界嘅意義 先可以創造自己嘅意義

首先你睇到嘅相同人哋睇嘅相唔同
唔同相唔代表你睇嘅嘢比人大/多
亦同時顯得出你識人少/冇同人deep talk

人生識字憂患始，姓名粗記可以休

但見識多 先有選擇的自由

啱但搞清楚
唔好掉返轉自己唔開心就覺得自己好有學識就得
拿冇話任何人
講清楚啫

有冇recommend嘅影片，書之類

same here

唔洗咁灰喎，本來係呢個宇宙，已知嘅已知極少，已知嘅未知好多，未知嘅未知就更加多。再講，你又唔係有啲咩大能，點解要認為自己有責任去帶領全世界嘅人係精神同學問上進步科學家、學者窮盡一生，R唔知幾多億funding都會最後得個橘，但當你有熱誠你就會樂在其中

與其話放棄，我會話係人類文明(社會)個步伐做唔到同科技資訊並駕齊驅姐
包括樓主同埋你，個負面情緒來源係個無力感，呢個無力感係源於得到知識之後反而交代俾你更清晰個畫面：就係我地大體根本仲停留響媚俗而不崇優既狀態
了解左呢個狀態之後又應該點去更變? 無權力無影響力的話根本係無從入手
甚至考慮埋呢期開始嶄露頭角既社交資訊控制，更令人覺得未來只會繼續向呢個方向行

不過我相信物極必反，凡事太過極端的話，大自然會開始逼班友開始去修正，無論個代價係幾大

異鄉人

Hanging out in strip clubs 已經夠晒開心啦

bashar grp咪有大把同類
你唔好覺得自己好孤單先啦
其實好多人有去研究

咁都叫中二病

呢個世界本質上就係無人明對方，只係不停地喺自己大腦到演繹同填補資訊嘅缺漏。真正能夠演繹得出類似結果嘅人可以好少。一句說話背後嘅情感係建基於一個context, 個背景係包含咗條友嘅價值觀，經歷同思考方式。語言嘅表達亦可以有限制。當每個人嘅語言能力同背景都唔同嘅時候，講嘅嘢已經隔幾層，再加埋一班直接廢事理解，再所有表面類似嘅嘢一齊分類叫咩中二病，毒撚乜柒柒柒嘅時候，無人明係general truth.

由無知對認知係一回事，由認知到接受又係另一回事。接受到咪快樂，接受唔到咪痛苦。

推介大家睇思方導航——批判思考渡輪

Btw 我好驚思方俠、定義俠同謬誤俠

想做阿Q?

植物信息學
係指植物之間用chemical 溝通，內在記憶，同埋點樣感知外界刺激？

批判思考導論*

唔夠click bait

第一次聽呢三個Terms，唔知咩意思