萌貓家臣
2021-02-17 17:40:35
拜火教唔係善神惡神之爭咩?唔算一神論掛?
猶太教反而係埃及吸收咗唔少埃及宗教嘅元素。三民書局套《以色列史》話早期猶太教有神牛崇拜之爭。摩西一派打壓咗神牛,為後來發展定型。
至於基督教,似乎受羅馬時代多神信仰同辯論術影響多啲。特別係神格問題,完全係一班信開異教嘅人先會諗邊個大d、係人定神呢種問題。
有巴打講夏朝。夏、商、周由考古學去睇,係一個文化圈多過一個集權嘅朝代統治。佢哋好可能係並存,但興盛時間唔同。即係夏嘅文化圈夠強,大過商周以及其他人,做共主先。然後衰落,就換商做共主。考古研究又好似無咩提到同西邊文化嘅傳續,好似陶器器形、紋飾咁。智人西行究竟係點樣嘅路線同情況,需要更多材料去補充。
壓歲錢呢樣野,內容農場吹到漢代厭勝錢。但厭勝係咒術嘢,平安符唔算得錢掛?有另一個內容農場話係宋神宗後普及民間。似乎可信性高一啲,畢竟宋代民間經濟好,派錢都輕鬆啲。手頭無咩史料可徵,有請高手指教。