精工討論區（12）

咁平

係

抵玩

不過如果隻143如果可以有doom crystal 會仲正
唔知有無得換

143 係 strap monster ，配好多帶都靚

唔好攪，一陣入水入塵就唔好

spb143 咪single dome

新手想入坑第一隻機械錶 平時戴開apple watch
所以唔識野

本來想買longines hydroconquest
但試戴完覺得麻麻地
跟住愈睇愈貴 睇到omega seamaster
但唔捨得 諗住退一步買tudor bb58
不過又好似兩頭唔到岸咁

跟住睇睇下見到seiko 大細mm好似都幾吸引
想問下大細mm除左一個200m 一個300m之外
仲有咩明顯分別 因為見個價好似都差幾多
同埋如果想買 最抵係咪都係去華生睇

BB58同細MM價位都起碼差四五倍
尺寸、上手感覺同品牌做工定位都差好遠
諗清楚自己想要乜嘢未？

細MM入坑係唔錯 係大隻咗啲同埋個扣一般
不過你講到買BB58已經喺退一步我諗你日後會嫌棄
如果買咗又心思思倒不如直上Tudor好過
反正機械錶有定期保養可以用一世

大MM對比細MM個機芯靚啲同埋做工會好好多
不過如果你唔係特別鍾情精工潛水錶 唔建議你買
呢個價位有好多其他瑞士牌子選擇

大mm準備出新一代

多謝巴打 好詳細
咁想問下入坑 仲有咩牌子會比較好
有睇過sinn 104
overall黎講ok 但我都係想要潛水款

你一時又話BB58一時又話細MM一時又話Sinn幾好
我就建議你諗清楚自己想買隻乜價位既錶先
有人第一隻揀幾百蚊Casio有人直上Rolex
唔急用咪做多啲功課先決定

真係唔肯定或者純粹心思思想試下戴機械錶
咪平平哋買隻細MM或者SPB143玩住先
反正呢啲熱門潛水款二手放出去都相對容易
第日了解多咗先再換錶都唔遲

除咗精工
你都可以睇吓Hamilton, Mido, Tissot, Certina呢啲入門瑞士牌子
幾千蚊既錶個款自己鍾意就得
唔洗太在意機芯靚唔靚

多謝意見
唔好意思因為我真係新手 所以先係咁心大心細
不過聽完你咁講 同埋頭先睇過下資料 我諗平平地買隻細mm玩下先 第日玩到咁上下先再慢慢升上去

買最貴嗰隻算啦

唔好嘥錢

認真問 唔好見怪
如果大mm同bb58 我見價位上好似差唔多
造工 配戴等等 overall邊隻會好d?

大mm 折完應該 16000，bb58 carousell 都要 26000，差好遠喎

下 原來折咁多我見官網定價差4 5k到

有冇ching留意呢3隻save the oceans
個dial應該係冰山紋做主題

點都一定係BB58
大MM又大又厚唔係個個鍾意/戴得好睇
就算細MM都係好大隻
同埋兩隻機芯級數做工嗰啲根本冇得比

明白 咁我應該決定買bb58
雖然離題 但都想問下有冇邊間鋪買tudor 信得過又平d
想做分期

新手建議去周XX嗰啲AD問下先啦
有啲熱門款應該要排隊唔係你行入去就隨便買到

分期唔好買啦

自己戴上手望下先啦

個個隻手都唔同

點答你戴完係點

造工呢樣又係唔需要考慮

唔好見啲人話邊隻靚就買邊隻

錶係戴喺手俾自己睇

如果自己分唔到佢手工好定唔好

咁咪揀平嗰隻囉

去睇咗實物再決定都未遲
上網睇100個review都唔及拎隻錶上手一次