自己生日要送萬幾蚊既物禮俾人

前日生日，我老婆約我放工去行名店，話睇啱左對3千幾蚊既Chanel耳環，叫我補送返俾佢做結婚周年禮物，去到點知冇貨，所以去LV買左個$33000既手袋，買完叫我俾返一半錢佢。
當晚行名店行到好夜，買埋外賣返到屋企成己經差唔多10點，行返屋企果陣，挨住肚餓，拎住一袋二袋，跟嚮我老婆同姨仔後面，果一刻我覺得自己好淒涼。食完飯同生日蛋糕，我老婆俾左封1000蚊既利是俾我。其實我只要求我既生日過得好簡單，唔洗禮物，舒舒服服食餐好既就得，我真心覺得，生日自己一個過更加好。
事後我諗返，我唔開心有以下原因：
1. 我搵2萬幾蚊個月，我係唔會買咁貴既奢侈品俾自己。我老婆搵6萬幾，佢買得起冇問題，但點解要我夾？我覺得好肉赤。仲要買完先叫我夾，大佬，你問聲都好丫。年年大時大節都要送，間唔時都過萬，我跟本儲唔到錢。
2. 送還送，點解唔等其他日子先叫我送，我生日冇禮物絕對冇問題，但生日叫我送份大禮俾人而自己冇，我就覺得好好笑。係有封一千既利是，但我真係唔想要，做咩啫而家？
3. 我生日都唔係奢求啲咩，只係想舒舒服服食好啲，因為我好鐘意食野。等你搞掂晒，咁夜我先有得食，將心比將心，你接唔接受到先？

竹門對竹門, 木門對木門, 你當初可能選擇不對。

你唔滿意你同佢講嘅嘛

男人窮過女人係好辛苦
離婚吧

感建離婚

其實我唔係好明點解佢要你夾錢
一係你直接送一個俾佢 如果冇錢嘅直接同佢講話好貴唔買咪算
我唔會想自己個老婆同自已係錢銀方面咁計較

咁你老婆平時生活有冇俾大份啲

好慘
佢又係唔識做嘅

老婆正唔正先

我有呀，我同佢講：咁樣過生日仲慘過自己一個過，一世難忘。
佢話：你生日可以達成咁既成就，你應該覺得光榮。

生活開支就一人一半，供樓就佢6我4。

佢想渣乾你嘅積蓄，等你冇機會走

佢講笑定認真? 當你係兵定2公婆
到底你真定假膠

唔開心係無用

你應該要好撚嬲先係

然後要屌鳩你老婆先係正確做法

不過佢塭到你咁多，唔知你地家庭開銷邊個比得多d

係咪因為咁佢強勢過你咁多

我都覺，但我覺得，就算一蚊都冇，我要走，要重新來過，一樣搵到食。

咁你走啦，有排你受

d拖鞋飯咁好食點解唔食先...
如果係美熟女直頭perFat池

正正常常

係咪又係香土抄文

我唔覺得自己食緊拖鞋飯。生活開支我地一人一半，供樓佢6我4，但層樓係佢名。我冇諗過攞佢著數。

廢柴響度刷安慰

痴9線

唔慘啦樓主，識到個搵咁多又肯要你既人，老婆係你既人工三倍

下次佢生曰，你送份紙比佢簽名做禮物

供4成但無名，正