【證據喺度呀你老味！】乜撚野攬鈔巴？捉完前線鬼，就捉國際線鬼，捉撚完未姐？

我要攬炒 · 2021-01-04T12:16:53+08:00

【證據喺度呀你老味！】乜撚野攬鈔巴？捉完前線鬼，就捉國際線鬼，捉撚完未姐？忍足幾個月，日日夜夜喺度單單打打，含血噴人。屈受襲重傷係假、眾籌幾千萬印印腳、攬鈔鈀乜乜柒柒證據喺度呀你老味！ https://youtu.be/CctcYmGXJ4M (Back-up: https://vimeo.com/496736719 ) 一直無公開，原因一黎血腥，二黎當時身分未曝光，三黎真係估唔到香港人可以癲L到，捉鬼捉到無所不用其極。立場、蘋果、外媒全部都睇過証據，verified先報導！依段片，就係有腎上腺素頂住嗰陣為通知teammates而錄低。有無報警？有。有無入院？有，醫院手帶、入院紙、腦震盪醫生紙都有！點解有暗花都一個人出街？咁係咪要一世留喺屋企？爛命一條，請乜保鏢？仲有，成L日話我籌幾千萬嘆世界。嘆你老味！日日返完工、進修之外，就係放晒時間喺光復香港。仆心仆命，仆到家庭破碎，仆到返唔到香港，仆到全球通緝，仆到一無所有！錢？一個崩都無袋過之餘，啲支出仲係自己倒貼。重光團隊同人食飯會claim 錢，但係我兩袖清風從來無claim任何野，一個崩都無呀！重光團隊自己都承認全面控制1,600萬，佢地要hold錢、要推BNO，攬炒團隊同我10月已經無奈接受，由佢地。無資源就馬死落地行。但點L解唔問真正hold錢嘅重光做緊乜，走去屈鳩我有幾千萬洗？更何況，我地無每個月燒幾十萬落lobbying firms推BNO。螞蟻暫緩一役，我講L咗好多次係中共內鬥造成。攬炒團隊同我係呼籲大家行動，封埋最後一口釘，迫佢直情取消，而唔係暫緩就算。唔L係take credit！家長？無金主？無 Patreon？無 Payme？無乜柒都無，犧牲成個人生幫香港就有！搞全球集會遊行、登報、寫論述、投稿、安排議員訪港，打Twitter，乜柒都做，乜柒都去盡力試，足足堅持咗一年半都無放棄過。結果呢？拉又拉過。傷又傷過。通緝又通緝緊。洗頭艇又隨時坐。同暴動手足一樣犧牲晒所有。結果，就係俾人日日單單打打，捉鬼，得寸進尺。到底前世係咪欠撚咗香港？同你交換人生好唔好？其他流亡手足會唔會墮落我唔知，我就一L定唔會！之前捉前線鬼，而家就捉國際線鬼，捉撚夠未姐？