但自從疫情，2月起就冇返過工
接近一年零收入，日日冇啖好食，就黎用哂d積蓄 (公屋)
其實失業唔係問題，因為疫情真係摧毀咗好多行業，佢自己都唔想的
我3月果時已經叫過佢試下讀保安課程，轉行做保安，但佢一口就拒絕咗
佢話完全唔熟呢行，同埋做看更呢d低下職位會比人恥笑，有失身份
就連短期外賣仔都唔肯做下，賺下外快幫補家庭都好呀...
我係今年fg，每月先搵得萬零蚊
佢要求我每月俾5000家用，已經儲唔到咩錢
ok fine, 念在佢對我20年嘅養育之恩同埋冇工開，呢個數目其實都合理嘅
不過我發現到佢係用筆家用黎賭錢，馬會戶口仲要月月歸零
佢理由話係冇工開，唯有轉做全職賭徒增加收入，好過坐以待斃
一至日凌晨，佢就開到個入波提示最大聲，搞到我冇覺好瞓(同房)
星期日放假，我想喺屋企休息靜靜，佢就將電視嘅賽馬開到勁大聲
佢家務又唔做丶飯又唔煮丶成日睇藍KOL影片丶鬧年輕人
都唔知對呢頭家丶社會有咩供獻
而家仲差落街數幾十個，要屋企人幫佢還...
覺得佢對家庭嘅發展帶來好大負擔
