嬉皮士文化討論

補充：
個人絕對唔支持發武力戰爭，
就算對惡勢力，都盡量唔應該打仗解決

所以我認同執行上係不切實際
以環保為例
呢樣野本身冇錯環保有咩錯姐
個社會好多野已經定哂落黎
人已經習慣咗物質生活
做法上係唔得甚至令人討厭
但思想上係冇錯喎
因為我不嬲講緊係執行唔到
只係想從思想上出發
打破原有嘅規則邊咁易

補充：
個人絕對唔支持發動武力戰爭，
就算對惡勢力，都盡量唔應該打仗解決，應該用其他方法解決（e.g 列根經濟做低蘇聯，Trump經濟制裁)
但人打你盟友，一定要幫拖，而唔係乘機宣揚make love no war呃細路咁仆街

以前有冇試過參加辯論比賽
唔係咩立場就一定岩
第2個立場就冇野講
睇下從咩角度出發嘅姐

跟本就係同一樣嘢

一班俾人利用嘅傻仔

岩 就好似自由人權呢啲係一出世就應該有嘅嘢
人一出生係咪就要返完學跟住返工跟住一世
跟住原有社會定落黎嘅規矩先岩

60年代係new york最腐敗治安最差得班有錢佬玩哂既時候
藝術家只能夠喺城市既夾縫聚居
或者過住游牧民族嘅生活
雖然hippies唔係話真係完全冇攻擊性同威脅性
但make art and love個班真係出產左John Lennon之類影響世界既奇才

係事實嚟 唔睇歷史嘅人會信係陰謀論

你講到我想講既野
追求和平理性 享樂主義
但考慮唔到現實上嘅問題
可能自私係人嘅天性
所以必須要有戰爭政治
還原基本步做呢啲野既意義係邊

最尾個點其實諗真啲係唔係好通

如果”返工”就係跟住原有社會定落來既規矩，咁你想做咩 你講唔講得出？ 我打個比喻


係原始社會，
“返工” = 個個走去打獵釣魚，令個社會run倒落去

有一班人話要思考，俾呢班人諗倒點生火，點種米，點起屋，呢d絕對係有生產力既思考，嚴格來講都係”返工”, 即係你講既”跟住原有社會定落來既規矩”

但有人班人打著要思考既名義，等人打獵 想自己就make love食人地既野，冇生產力。但現實中，邊個養你？
如果你有錢既話絕對冇問題
如果你冇錢，個個都想剩係玩走去所謂思考人生，現實中最快餓死就係你

結論：
冇人話一定要”跟住原有社會定落來既規矩”（你可以諗創新野）
但絕對唔係俾你玩而唔貢獻社會既籍口

Woodstock! Punk rock!

嬉皮士文化本身就有少少似輕量版文革嘅思維，我唔係太討好可能我本身立場偏右派

成日FF烏托邦又走去柬埔寨以為自己追求緊東方哲學
真係修佛修苯嘅僧人唔會沉迷毒品同肉慾
成日以為自己做到丘揚創巴

我都右派
但我覺得思想唔應該因為立場而停止
我明白大部分對呢啲享樂主義覺得不切實際
因為憑咩你可以日日隊草扑野我就要返工
但想探討嘅係人生既意義到底係咩
唔知有冇睇過22世紀殺人網絡
比如事實真係咁
咁人生係咪再冇意義？

樓主, 我明白在你眼中

返工 = online game入面做任務，係為左錢，等自己可以買勁d既裝備，所以你會諗 點解人一定要返工？點解唔可以剩係思考人生？

但現實，留算你唔出街，你知唔知你屋企開水喉d水係要不斷有人返工去維修保養先keep到有水，唔係變出來架。人人返工都係為錢，但如果冇人"跟住原有社會定落來既規矩"返工，你連生存都成問題

人只滿足物質上嘅需要
往往忽略咗內心既需要
問下身邊既人究竟琴日過得快唔快樂
我諗大部份人都有不如意心酸嘅事
你覺得喺已定既規矩下生活就係好咩
想問你琴日過得開唔開心

有少少唔同
我覺得需要返工（錢）去維持生活
但都唔應該忽略心理上既需要
並唔係要一刀切非黑即白

邊個話返工=忽略心理上需要？
唔返工就=滿足心理需要
根本冇關係



再者 如果人人都係返少少工維持生活去思考人生，
非洲d窮國就係咁
邊個話返工就冇心理上既發展？
你覺得Elon Musk日日返工定係非洲d人日日思考人生個心靈滿足d?

根本係你自己assume返工既人就冇滿足內心需求

不如你問下，雙失廢青日日係屋企，心靈係咪好滿足？

我想講既重點係，心靈滿唔滿足根本同返唔返工冇關係，唔好俾籍口自己做廢青啦

可能你接觸嘅人比較少
前排我有個前同事因為工作壓力自殺
雖然唔係咁熟不過都好感慨
往往大家就諗要錢要樓
但係心理既需要就忽略左
同埋我上面咪講左
有人重視家庭有人鍾意旅行有人重工作
可以從中得到快樂 每個人都唔同嘅
一直係度講返工咪有錢囉 有錢先生活到
你明唔明白錢嘅本質係咩啊
錢係幫你衡量一樣嘢價值既野
但有好多嘢係冇辦法衡量

最近有新聞報導一對越南父子響森林隱居多年，個仔從未接觸過外面世界，呢度就可以睇到金錢與既有社會框架，係完全唔適用佢地，但呢種生活反而令佢地得到本領

無法訪問本人，但我推斷對呢兩父子黎講，叢林既自給自足反而畀佢地更容易得到快樂，而報導出現及社會介入，先會係相反，呢個就係Framework定義不到

但返工有滿足既，我會諗起The secret life of Walter Mitty既主角，為一個即將執笠既雜誌，走遍世界拎返個菲林，中途由打份工，再透過各種閱歷而自我昇華，再得到工作被肯定既成就

站響樓主角度，佢呢種從Framework中搵出快樂與成就，係唔係唔好呢？ 就變成哲學一直爭論個人意志、社會、幸福與快樂既關聯，我會認為例子中就係一種滿足感，而唔一定跳脫金錢工作既束縛，先會感受到