整水喉谷磅一問

近排屋企大裝修，師傅整好水喉做咗谷磅，影咗相比我，數字係咁：

原本水壓：24 PSI
加大80%水壓後：40PSI

佢整嗰陣大約係晏晝1點幾。

我第二朝7點幾（即係大約18個鐘後）去睇一睇，見到個數跌咗，去到大約36PSI。

請問咁樣跌磅有無問題？問咗師傅，佢話跌少少係正常，因為水管入邊有氣泡...爬文又有人話跌10%以內可以接受，又啲又話唔應該跌...好亂

想請教吓各位師兄，究竟咁樣跌磅可唔可以接受

唔知你橦樓新定舊啦

出面做新樓谷磅係谷150psi 谷12個鐘，5%內係可接受範圍，同埋一定放晒氣先開始谷起個磅。

不過如果本身駁住水龍頭就唔好谷咁高磅

舊樓，over 30年。谷150psi 會唔會有問題我裝修全屋爆晒，應該無水龍頭問題...

咁佢谷到得40psi係咪太少hea我？ 之前都有係咁易睇過啲人講，根據唔記得咗咩指引，谷磅做到原水壓嘅1.5倍就ok㗎喎，唔係嘅咩？

利申：乜Q都唔識

水務工程
水喉全爆重整（or 新整水喉）
谷150磅（姐係10Bar)
係基本收貨要求

唔好意思，我唔係好識，150磅/ 10bar 即係幾多個psi?

150 psi 或 水壓x1.5倍

收貨標準
兩小時不跌壓
六小時跌5%

咁我個case算係meet到「水壓x1.5倍」？
爬文見有啲人話谷得太高磅數會傷喉🤔

傷喉=條友駁喉亂咁黎
冇用錫銲死條喉 鳩駁or 鳩用銅杬

結果一谷就現形

150 psi (psi = 磅）

唔會傷咩喉的，150磅銅喉係基本野，漏水多數係配件位，而配件位漏水多數係安裝得唔好，如果你擔心，可以叫佢谷返150磅比你，其次現在你個到就24磅姐，你裝修完都有排住，如果有日你大樓做大維修換喉，又或者換下 泵，隨時水壓會升返上去

擔心㗎，水搞衰咗真係好煩
如果佢答我，根據指引，一般係做水壓x1.5倍，咁我應該點駁佢好？
同埋依家佢連批蕩都做埋，係咪已經太遲？

條例既野，我唔太熟了，我都係落手做，如果有錯，可以指出：1.5倍水壓既條件應該係最高靜止水壓既1.5倍，即係所謂最大壓，係凌晨最少人用水個陣，每一戶用水都會將水壓下降，所以如果講條例，你直接問返佢個24磅水壓係幾時拎？？十之89就係開工個陣，姐係日朝有人用水，你再問佢：1.5係講緊靜止水壓，一係你就凌晨係到我同你試個靜止水壓幾多，一係你就谷返150磅，大家好收貨
其次批蕩做好，但有漏水都要做返的，無人叫佢批好曬先比你收，佢有信心可以，但漏水就同你起返做過
最後收貨標準上邊有人講左
ps:水例真係唔太熟，我都唔確保係定真係咁

如果佢做得好，1.5倍水壓或者150磅又有咩分別？？我做過到一開水成180磅都係無問題

40磅不如唔好谷

40磅笑能死
求其用手指㩒住都唔跌啦

唔該晒師兄
乜Q都唔識裝修真係好麻煩

希望個師傅肯加磅比我試多次啦

新造銅喉谷磅最少150psi或者系統設計水壓既1.5倍
你呢個case當150psi好d，因為你唔知設計水壓係幾多
谷磅起碼6-8小時，跌小過5%都叫做合格
我自己習慣谷24小時，同埋會每個接駁位睇睇有冇滲漏水

我知錯喇

已經批埋蕩，接駁口應該無辦法睇到？

同埋記得叫師傅谷完磅放氣比你睇
有d造假會放完氣個磅錶唔識跌磅

咁你幾大劑，40磅谷幾個鐘都跌10%
漏水都幾勁

意思係晌個磅錶做手腳？