儲值卡/上台資訊區(21)

唔使去，沙田最最最耍人，就算熱線大法都無成功報告！上水都係打熱線套套口風啦，不過又真係近排有成功walk in報告，可能睇人，你最好落旺角，機會高啲。轉hello必須有決心同懂門路，去沙田係死路一條，去上水倒不如專攻旺角，如果你之前攻晒落旺角，可能成功轉咗喇。其餘就係打熱線，用技巧套返邊間或心儀嗰間有貨，例如話去幾次都話無，點先至有，可否睇吓嗰間有無，或有貨通知你等等，運用你三寸不爛之舌，祝你好運。

Hello 之外就係萬能，好多人即場市區轉唔到，咪過附近直銷搞掂佢！至於邊張卡最啱自己，你睇頭post研一研，睇吓邊張最切合自己需要啦。

我見全功能 120gb 4.5G
差少少錢 係咪好過萬能卡？

https://web.three.com.hk/prepaid/allinone/index.html

你要求3日，佢話得，咁就3日，再視乎份表剔咗上晝定下晝，跳台中有機會同時有訊號，正式完成晒程序，舊卡就會停，印象中3仔可以當日用得耐啲，可打出不能打入。

係，係預最遲下午，通常儲值卡最遲做，早做咗咪bonus囉，唔得嘅，你都仲有時間補救。上台卡其實填表加你身份證副本，簽埋名就應該唔會有咩大問題嘅。其實入咗機，應該仲可以打熱線問返轉台日同時間嘅。

睇頭post爬吓文啦，再因應自身而決定，唔好浪費樓主一番心血。另外年尾啲年卡都不斷更新，減價有，數據加嘅亦有，最決定嘅因素，其實係出入地點各台接收情況，唔知邊張啱咪買齊去試囉，推介俾你，原來啲位你收唔到，幾抵買都無用啦。

個職員應該即場入咗機，過兩日你都轉緊台啦。其實你簽名時，職員應該同你對號碼，對轉台日子，你睇清楚先至簽名㗎嘛！