儲值卡/上台資訊區(21)

想問下依家啲儲值卡係咪冇esim?

如果由clubsim想轉用粉紅萬係咪去mnp轉完number過3之後響街買張跟sim粉紅萬增值就用得?
要帶D咩去食蕉中心?

帶身分證副本+$$

其實你明唔明自己想要啲乜？雙卡運作定單卡運作？

單卡運作就將你現有clubsim，帶號去食蕉mnp 去萬能白卡，成功後利用增值券或可行增值方式，增至足夠餘額，跟手開合適年plan，基本上有關年plan都可以對應返大部分顏色萬年卡。

雙卡運作，就mnp 去任何儲值卡，包括萬能卡，呢張主號卡將主要通話用途，另買任何年卡做數據卡。例如主號mnp 去萬能白卡做通話，另買粉萬做數據用。咁樣做長遠運作成本最低，彈性最大，不過最好配合雙卡手提電話使用，或者雙機操作都得。其實習慣咗，就算雙機都唔係太麻煩，實際上將唔同apps分開操作，可能某程度上保護私隱添。

從來街買萬年卡只可直接使用，與mnp 一啲關係都無，亦唔可以mnp 入返落去，正常唔需要增值，除非想開多個不同原plan嘅年plan。

Thanks.

我係想單卡運作, 我見粉紅萬定價係$328而街價賣$160-170想知可唔可以唔駛用真金白銀$328就可以入到$328儲值額開個粉紅萬plan咁

唔得
你要單卡只能mnp 3 萬再食正價開data plan

買係買增值券唔係係街就咁買張SIM
clubsim係帶身份證副本

唉咁唔夠抵喎, 我都係用住部iphone x係clubsim先, 等遲啲換機先算

唔該晒

clubSIM有乜plan令到你揀留
淨係聽打電話都要28雞一個月係行家眼中算貴

我用20gb $198增值 90日有效, 用唔晒一直加落去... 貪佢好似係全速...

即刻換機，雙卡運作，賣埋舊機，即刻有新機用，影相又靚啲，何樂而不為？

你部機係雙卡可以Mnp萬能之後剩係開volte通話plan+留言信箱，之後再買另一張上網卡。唔一定要開萬能上網plan

唔使開data都用到volte

想問下 有張4G card 用緊但年尾到期(電話號碼A), 但唔會再用,
咁岩我又完約 我唔唔可以用我電話號碼B帶過去用埋呢一年架?

想請教一下
用緊3台, 只係想KEEP number 同埋係外地收到sms
係咪揀hello / lucky sim最抵用?
另外一樣野係我本身黎緊4月頭先完約, 但我2月尾就會離開香港, 咁係咪做唔到mnp? 因為我記好似要完約前30/28日先搞到.

聽日走去搞先

1月21 合約到期

用雙卡 65蚊一年電話 + 60gb 激卡

當一個月用15gb. 40蚊個月搞掂

儲值卡係要一個月內做，你係唔多夠時間，不過，因為你4月頭到期，所以你俾咗最後一期月費，就有機會走得唔罰錢。你問清楚依家個台，究竟早走罰則如何，俾咗最後一個月台費仲有無手尾，甚至乎依家走，罰幾多先，你問清楚，就可以考慮早啲做mnp 。最好你離港前搞掂，以免跳唔到有手尾。有啲卡係可以網上做，如clubsim、imc甚至lucky，咁你可以考慮會唔會遙距形式網上處理。至於最平，你係要有咩用途先？純養號只收短訊，clubsim最平，但留意每年延期，因為佢無正式有效期要自己計，唔知唔覺到期即回收號碼就煩，其餘就hello平，但難mnp 每半年要增值，萬能易mnp ，每年增值一次，唔貴hello 太多。總之你做好晒功課先，反正仲有時間，睇埋頭主頭post各卡介紹，先做最後決定。

巴打, 好感謝你詳細回覆, 我會再研究下
其實仲有一點, 我希望可以安全啲, 唔希望無啦啦冇咗咁號碼, 所以仲有諗過KEEP住上台搵下有冇淨通話PLAN算數