儲值卡/上台資訊區(21)

儲值卡係要一個月內做，你係唔多夠時間，不過，因為你4月頭到期，所以你俾咗最後一期月費，就有機會走得唔罰錢。你問清楚依家個台，究竟早走罰則如何，俾咗最後一個月台費仲有無手尾，甚至乎依家走，罰幾多先，你問清楚，就可以考慮早啲做mnp 。最好你離港前搞掂，以免跳唔到有手尾。有啲卡係可以網上做，如clubsim、imc甚至lucky，咁你可以考慮會唔會遙距形式網上處理。至於最平，你係要有咩用途先？純養號只收短訊，clubsim最平，但留意每年延期，因為佢無正式有效期要自己計，唔知唔覺到期即回收號碼就煩，其餘就hello平，但難mnp 每半年要增值，萬能易mnp ，每年增值一次，唔貴hello 太多。總之你做好晒功課先，反正仲有時間，睇埋頭主頭post各卡介紹，先做最後決定。

巴打, 好感謝你詳細回覆, 我會再研究下
其實仲有一點, 我希望可以安全啲, 唔希望無啦啦冇咗咁號碼, 所以仲有諗過KEEP住上台搵下有冇淨通話PLAN算數

一定有，其實各台有留客plan，但價錢唔太公開，亦唔知咩情況之下先攞到，可能要同佢cut先有都唔定，而通常啲人見價唔啱，早已搵定跳台價啦，好少搵到留客plan了！你咪不妨試吓去cut，睇到最後留客組會唔會俾到好啲嘅offer，一般嚟講，最後個月先會有最好嘅。我又用3仔之前送俾我嘅數據卡，依家offer做例，$0任打包飛線無數據，$18包1GB數據好似1000分鐘通話！睇吓你有無本事做到超低價續了。

上台plan應該聯通$11積木plan最平，留意續約通常加返一半行政費，要全免聽講要技巧，如果飛線就要留意佢咩情況下要收費。

上次打去中移動問過，佢哋有個$9留號plan，唔洗簽約，包200mb data，可以飛線


不過應該聯通$11比較多元化，可以揀要分鐘定數據，以備不時之需，上網搞用信用卡自動轉帳免行政。簽一年就$12，包飛線。