［綠置居2019］真係完全唔明點解會揀青富苑而非蝶翠苑

其實我真係完全唔明點解啲人係只淨番低290尺以下單位既情況下，會寧願揀青衣仲多過柴灣

青衣，283尺，個位同貨櫃碼頭勁近，噪音大，空氣差，又有光污染，本身塊地早十幾年就寫明不宜人類居住，應該用作緩衝帶去減低碼頭對鄰近地方既影響。係呢幾年政府要跑數先夾硬改土地用途起住宅，你揀個到同做美景花園既人肉擋箭牌有咩分別又有間酒店係隔離，日日有班大劣人問候你交通又閪，下下都轉車番屋企

相反之下，柴灣係市區樓，289尺，個位置一落街好多巴士站同食肆係正樓下，行十分鐘到地鐵站，隔離就有街市游泳池圖書館等配套，勁方便
唯一差既就係望到墳場，但其實只要你揀好樓層高度，根本唔會望正

係青衣個單位仲要細過柴灣既情況下，我真係諗極都唔明點解柴灣1-2人單位去貨仲慢過青衣

住開新界既窮人只會㨂返新界樓
「港島樓？咁遠」
班窮人返工過海既機會都冇

識揀一定揀柴灣，做港島人

覺得你既睇法太主觀, 2邊自己都住過一段時間, 同意柴灣係佔優但當中生活上既差距無你講得咁嚴重, 基本上提出過既優劣都似乎只係基於你既定立場去, 只可以講自己認為2者都係屬於有位要妥協既地方. 而相信最直接影響用家選擇係屋企人/工作地點近邊一邊而係唔係你講D野.

每個人都有自己既揀樓理由既，可能近返工近屋企人

1. 綠置居既客源係咩人多，正常都揀返近屋企/圈子既地方
2. 新界人唔熟柴灣，上得多房屋台都知依到啲人普遍都係用地鐵有幾多站去判斷一個地方好定壞，咩8P 788 780快到火箭佢地唔會了解

雖然話柴灣係市區，但若以中環為目的地的話，青富苑可能快過佢到

你估巴士咁易過海？
你話地鐵咪得囉！？
但地鐵駁腳間小巴架架爆滿喎清
時間點會夠柴灣快呀

但青衣個位起完分分鐘到時要硬食各種污染，無論對自住定投資都有一定風險。而且如果本身自己冇車，平時搭小巴/巴士落番市區買野都起碼要預番10-15分鐘。而柴灣交通上其實好多巴士都直通各地，即有唔少特快車，出旺角都係半個鐘既事，所以我會覺得如果平時番工位置係九龍港島既人無理由會揀青衣先過柴灣。

我認同生活圈係新界既人揀番青衣係合理，只係我估唔到柴灣銷情會慘淡成咁

認同啊，青衣一定要靠啲小巴巴士先落番山轉車，朝早番工都幾係野

青富苑你都講得出係係美景前面又點會要落山, 住果個位基本上都會靠43C同42A巴士出美孚至旺角一帶或者靠美景花園部葵芳既小巴出入, 而2部巴士路線近乎一樣放工時間係3~4分鐘己經會見到是旦一班相當可靠, 基本上由美孚站對出上車大概8分鐘己經可以到. 講到尾, 唔係幫青衣個位護航, 但住過就明無想像中差. 硬要假設全部人番中環咁梗係柴灣快. 青衣架948去到尾站上唔到車都係事實.

Btw我有段時間係要成日往來青衣同中環，只能講放工時間想係中環去青富苑個位都幾麻煩。巴士地鐵勁多人，地鐵要轉兩班車，等架轉乘小巴又等得耐，上到去青富苑個位都搞左成差唔多成個鐘。

咁聽交通係比想像中方便

十幾年前冇野做時要返i大的話等喜歡出中央圖書館打躉到五點幾就係圖書館站搭948去i大，嗰時嘅感覺係等得比較耐但車程好快，二十多分鐘就到（圖書館計），所以中環的話我有信心佢快過蝶翠苑搭780

蝶翠苑最快係撘788/789，780係最慢

同埋日頭淨係中央圖書館去皇后街都唔至20分鐘點樣2x分鐘到青衣

948 個到上車 應該到中環十五至二十分鐘

其實我好有興趣知青富係唔係真係慢過蝶翠到中環，聽日我得閒，不如拍條片等大家比較下，不過中環個終點係邊好影響個結果，大家有咩建議？

郵政總局？

948 788 780都有郵政總局呢個站
但其實我仲想知到底青衣夜晚噪音個情況如何

789 788心諗

柴灣個位算好

蝶翠苑樓下有巴士站，8p 118p 789 任揀
隔離有泳池，對面有郵局，
行過少少樂軒臺早午晚宵夜都有得食，
漁灣村又有野食
有漁灣街市，柴灣街市，宏德居街市
行過永利又有戲院，雖然係黃百鳴
公園又有一大個柴灣公園，足球場籃球場大量
行到最遠既地鐵站都係15分鐘左右，唔想行坐小巴亦得