是咁的，有個傻仔搞咗個漫畫連載

多謝！你過獎喇

halo

好慶幸自己係寫故，所以好多時忙到仆晒街都仲嗶到時間出嚟保持更新。

成日被人笑我傻仔，晒咁多時間寫嘢，不如瞓下覺好過囉。

係架，寫得嘢嘅，都係傻仔架啦。

但鍾意吖嘛，無計架。

不過咁，我鍾意無錢食正皮係我嘅事，我唔能夠要求另一個創作人捨命陪君子架嘛。我連叫朋友幫我send個email都會唔好意思，依啲舉手之勞都咁，何況係叫人幫我改編？

costo為我喺忙碌嘅工作中空出時間嚟改編再畫畫，我覺得對一個專業人士嘅尊重，除咗有禮貌依啲基本野，仲有就係要給予對應嘅人工。

所以就算係挖穿自己荷包都要每個月準時畀錢畫師。

唔知有幾多人有咁嘅經歷，因為正常返工係無乜依種情況嘅，但你有份專業要接job返嚟做嗰啲，九成九都遇過有人嚟搲免費服務。

唔理你係攝影師畫家作家編劇剪接師老師導演乜都好，永遠有人同你講：「依個job我地手頭好緊呀，你可以免費幫我地做，當係你自己宣傳下你嘅Profolio囉。」

可能我做編劇啦，每部電影電視劇無劇本就無得開工，但又唔知點解編劇地位咁低架喎。已經唔係一次兩次三次有人嚟搲免費劇本。

最離譜係某次一位有頭有面嘅人物叫我幫手寫劇本，約埋出去食飯，說咗我一大輪，再話無錢，同埋要求好高，唔知點解就係搵唔到人肯推動件事。

即係咁，對我自己嘅作品，就算無收錢我都會對自己有好高要求。但你要我為你做野，建立你嘅作品，花一大堆時間心機倒貼幫你，請問你係咪忽撚大咗個腦？

我唔希望同我合作嘅人，表面有禮貌咁應對，但個心入面無限媽叉我。所以我討厭啲乜，既然我知，咁到自己做嘅時候當然要避免。

當時我開始上網搵漫畫家，睇吓邊個有連載經驗而畫風又啱我口味，結果就搵咗兩位，其中之一就係costo。

咁最開始大家都要試下水溫先嘅，就由簡單嘅人物設計圖開始入手，我亦表明成個project我都一定會準時畀錢佢，當然唔係夠佢全職畫畫嘅人工，但我暫時只能夠畀到咁多。

簡單講，就係我每個月本身可以儲起嘅錢都轉移咗去畫師度咁上下啦。

就係咁，我就開始等costo畫好人設send畀我，好興奮！

你冷靜啲

推

每月98…
更！快更！

支持金仔
每隔一後段時間就會拎返本書出黎重睇

多謝支持

每隔一段自膠

搞到我又想課

依家除咗書多樣野睇

所以要多多支持

課啦，最低48

感動仔

你仲要課98多謝你！距離收支平衡又近一步！

畀我一兩個月時間我推到300書簽，試吓睇多集免費版先

呢度仲有6個正評就有新圖睇

令我驚喜嘅係，costo做嘅準備比想像中多。佢竟然睇晒我個故先，再開始畫人設圖。

大大話話都成十二三萬字，而為咗一個相對簡單好多嘅人物設計圖，佢都會睇晒原著去捕捉角色嘅神韻。

敬業嘅態度同啱我胃口嘅人設圖，無嘢好講啦，扑錘！畀錢！

我本來接觸咗兩位漫畫家傾依個改編計劃，另一位話個故事風格唔係好啱佢而拒絕咗我。

於是之後等costo回覆嗰陣我勁擔心，因為如果佢都無性趣做，我就暫時未物色到新嘅候補人選，可能成個計劃就會胎死腹中。

好彩佢話睇晒個故之後都好鍾意，好樂意參與今次嘅改編計劃，於是我就同佢約一日見面。

嗰日喺荃灣南豐紗廠搵咗間cafe坐低，我就將成個計劃嘅來由同未來目的講咗一次佢聽。

變咗ｈｅｈｅ故

好gay

正皮200！miki人設圖～