是咁的，有個傻仔搞咗個漫畫連載

我反映下

300正皮突破，係社工阿文

點解個個都有崩壞表情

留名

睇原著就知

感謝

不過支持你

多謝！

推

推

推

支持本土

多謝！

btw嚟緊11月7日九灣有個原創展覽

展覽廳3-A2會有免費書籤派～只要有penana app同ac就有得拎，行過可以去攞

小弟12點會坐陣，今年無咗書展，有讀者想簽書都可以嚟搵我

推

唔理點都好，平台轉咗就係轉咗，無得返轉頭。唯一可以做嘅就係睇吓自己仲有咩牌可以出。

好早我就同costo講，我會喺連登做一次宣傳，但要先累積返一啲集數先。

我唔可以一頭熱血咁真係得一集就放上嚟，其實好似依家得六集我都未係咁有信心，但基於資金不足、專訪推出、原創展覽三個因素焗我要宣傳，所以死就死啦。

大嘅宣傳效果只係得一次機會。

人就係咁，永遠只會重視第一次同最後一次。

於是宣傳前夕，我係又驚又大壓力。

你過獎喇！

本身都唔係咁驚，但p仔講咗句：「你喺連登宣傳要小心啲。」然後我又睇過好多帶商業性質嘅宣傳都會被人屌到反艇，所以本來想出post嗰日就推遲咗⋯⋯

然後costo問我，你幾時大宣傳呀～

我答，10月底啦～

我心入面有講過：「屌，早知唔講會大宣傳，依家騎虎難下喇！」

我完全唔知自己要點樣同人介紹依個漫畫計劃，加上向來覺得自我介紹同自我宣傳好鬼尷尬又奇奇怪怪，所以開post前都好頭痛吓。

去到最後一個星期，10月都就完，我亦知道真係拖無可拖，點都要死掂佢。

嗰陣我就諗其實自己驚咩？

驚開完post無人理。

驚街外人知我係搲訂閱即刻負皮爆橙。

驚無原無故嘅惡意。

驚繼續被人笑傻仔。

驚被人話低質。

結果解決方法，係我唔撚再諗，po咗先算。

巴打真人好似好長氣咁
但我都睇晒你心路歷程
加油

係，我教親寫作班都超時

變咗心事PO

拖到三日前，我先鼓起勇氣開post。

一嚟就放第一話先啦～之後先講我要講嘅嘢。發現自己成個計劃一丁友搞咗咁耐，好想同人講吓心路歷程，就寫到依家。

同故仔比當然無咁好睇啦，無衝突吖嘛，我同costo呀p仔呀都相敬如賓，完全唔係日日嘈交嗰種合作關係。

唔開心嘅事基本上無乜，主要係我自己一個因為訂閱未夠數sadsad地，同埋未宣傳前係默默咁做，默默儲集數。

開親ig post都無乜人理我fb個接觸率又低到得幾個like仲要係p仔分身嚟，好幾個月嘅日子都係一得閒就反問自己，為乜呢？

係囉，為乜呢？

好彩嘅係依種心情已經唔係第一次應付。

寫每個故嘅時候，無論多人睇少人睇，都會問過自己為乜。因為本身啲時間可以瞓多啲，又唔使諗嘢，唔使被人加速射輕鬆好多。

當然，少人睇會問得多啲。

咁實在係為乜呢？咪為寫故。

有故事想講，有訊息想更多人知，所以寫。寫咗就有責任完成，至少我要做到底。

現實本來就係即使做鍾意嘅嘢都會有痛苦，但都要堅持，唔係就對唔住「鍾意」兩隻字。