當年拍微電影第一集,間公司投咗資金入去拍,本身有個少少嘅計劃藍圖,拍第二三集又會點呀咁樣嘅。
不過好可惜,拍完片上載咗,到依家都20萬views,講緊已經放咗4年,但問題係無諗過一個可持續嘅發展模式,所以最後其他集數都胎死腹中。
唔知大家知唔知youtube大概好似係1000views有1蚊美金,所以20萬就係4年有200蚊美金,1500港紙4年,而拍攝嘅資金壓到盡都要3幾萬,係無可能為皮。
所以大家應該明點解youtube咁多清談節目、vlog同輕量嘅片,因為依啲片成本低,有時一個人都做到,但長嘅劇情片成本其實好高。由此要大大力推薦熊仔頭嘅channel啦~佢哋背後都一定好多辛酸。(非打手,真fan屎)
咁當時個youtube channel其實都可以儲人到夠數轉為賣廣告,但對嗰間公司嚟講要投入資金去個無底洞,最後都係不了不了。
當時年先知,無可持續嘅發展模式,作品產生嘅收入不足以撐起衍生作品的話,九成都係胎死腹中或者不了了之。