口味唔啱無得逼所有人都明，雖然香港音樂人不時都表示香港環境唔適合創作，但佢哋從都唔會投訴聽眾。不過你都要明白音樂係文化產業，你講既全部都合理，但本土文化產業純講合理基本上係無得發展。原因係面對發展成熟既外國產品，除咗語言之外，其餘都無競爭力。結果係粵語文化會被淘汰，所以點解香港政府唔會推動本土文化而台灣政府全力推動本土文化，一邊係要中港融合，一邊係力拒中台融合。
以近期為例，5月30號香港有個Tone online music festival 幫本地音樂工作者，自由定價，即係唔使錢都可以聽，由一班香港獨立歌手演出，有唔同類型，仲有近排最hit既細so做主持
，我係公司同幾個平時會去聽演唱會既同事講，佢哋回應係 - 我唔聽呢啲喎，唔識喎，星期六約左人喎，而之後嗰日5月31日有五月天線上演唱會就成班扯哂旗。五月天我都有聽，無可否認佢哋演出係有渲染力，但就音樂上講我又唔認為香港音樂比唔上佢哋。你話聽完唔啱聽係無辦法，但好多係連試都唔試就香港歌手？不了。