0經驗電結他新手求救

想學電結他嚟夾下band
有冇巴絲有好老師介紹
搭單問埋 我自己睇中咗 Squire Mini Strat

因為我手細 同埋便攜
有冇d咩意見或者推介可以share下
感激

幾靚 買囉

觀塘/牛頭角區 有興趣既tg

https://t.me/HkMateusAsato

HkMateusAsato

如果唔係真係揸唔到
買返standard size 會好啲

igsearch 占咪心 play music, 之前跟過學一年 d 基本功係打得好 d 手勢會執得得好d ,開頭最怕係學壞手勢 之後要改就煩，但用邊支都係豐儉由人 開頭新手是但 執支二手又好 平野又好 咪算 到你真係有心想彈落去先諗upgrade啦，結他未必要靚 但音箱最好買好些小 當你預三千買結他 你音箱最好出個五千既，btw 你話你玩玩下既 不如咩都買最平睇下自己係咪真係想玩落去先

一定係standard size 唔好話咩手細 要買mini 版 , 大把女仔/細路 手細都彈到standard size

點解咁抗拒mini? 係驚彈壞手勢?

當你有一日唔彈mini 你未必彈得番正常size

明白唔該曬你

反而我建議係結他買靚小小，amp 就其實冇乜所謂，屋企自己聽cheao cheap 地功能齊全都冇問題，反正你個amp 又帶唔到出去，屋企又開唔到幾大聲，但支結他靚d 自己又有心機彈d, 拎出去玩又型d

個人覺得新手零音樂底零經驗唔洗買好貴 大約2000-3000結他就好 二手定全新就睇你喜歡 當然squire係新手村武器就唔算好貴

Amp嘅話就盡量有幾平買買幾平 平到買細細個入電個啲都仲得 始終新手係要睇你係唔係真係咁鐘意玩電結他

上面都有好多巴打都有講到叫你唔好買mini size 因為mini size其實係比啲十歲以下嘅小朋友嚟用 唔洗覺得手細就要買細啲 萬一你第日想換過另外一支咪完全唔習慣囉
利申：學咗兩年電結他 第一支電結他係通利mega box 特賣場購入 大概$3000

條眉一定好粗

我都手超細, 女仔咁
一樣係standard

但用唔到粗線

我諗好多叫人買貴嘢嘅絲巴，都係因為悔恨當年無一買買支好，或自己嘅level已經對入門產品厭惡哽耳...... 不過學習係一個過程，無得翻轉頭：當年你點肯定自己會玩落去？點知自己可玩到出神入化？邊識保養結他？點識玩tone？而你支雞雞結他就係培育你支撐你：俾你跌，俾你實驗，俾你改哩改路，俾你親身體驗佢有咩缺點，先學習到再買要注意啲乜嘢.... 所以與其聽人講買咩，新手其實隨緣啦，平平哋入門，體驗下結他係咩回事，有心得再買好野唔遲，反正成日有新款出，急咩？

仲有，如果你十歲以上，買standard size啦，太細支彈時好易揩到其他線，仲難學。

因為唔會第一支就諗mini
除非你有多於一支結他

d鬚粗d

其實mini guitar唔係咩問題
不過就可能預左出街彈結他無人會就你畀mini size 你要成日自己帶出街

https://youtu.be/nYlvqVemMBE
11歲可以揸支standard size彈到咁你都得

同埋唔介意嘅話真係可以周圍睇下二手市場 會自己budget入面搵到啲造工好啲高一個grade嘅結他 同埋人地用過set up過都會好彈啲 太cheap嘅話零件安裝做得唔好 pickup唔好聲 本身set得唔靚自己又唔識搞 自己都玩得唔過癮 可以去FB market或者FB二手樂器group睇下

係平價位gear黎講
Amp影響應該會大個結他
買1千結他2千amp個聲多數靚過掉轉
啲聲靚啲應該會有多啲動力掛

初手最緊要揀個樣自己鍾意
拎上手都覺得唔靚點學