［短篇有Post2］香港都市傳說二－不能碰上的熟食攤檔 (結局加賽後討論)

心層次 2017-04-26 23:32:39

由於舊Post就爆，而我仲未出結局
所以開定新Post

請大家多多正皮

我會盡快出結局，之後會同大家喺呢個Post傾下計吹下水

香港都市傳說二－不能碰上的熟食攤檔 (Post 1 連結)
http://lihkg.com/thread/189733/page/1

另外，如果覺得故事OK，請大家多多支持，去小弟FB跌個like

http://www.facebook.com/insidemyheart2015

你地每一個正皮同like都支撐住我去創作故事，真心多謝大家追文推Post

好，廢話少講，五分鐘後出結局！
我話嘅！

大笨蛋閒人 2017-04-26 23:33:09

名字不能移 2017-04-26 23:34:48

支持呀…快D出…啦…

飛滋牌白兔蜜 2017-04-26 23:37:07

夠鐘未呀！5分鐘禁耐既！

蘋果新地脆 2017-04-26 23:37:45

塞你食腸粉

名字不能移 2017-04-26 23:39:34

樓主比美玲捉走左呀!!!!

蕉皮跣腳 2017-04-26 23:40:31

文

宇智波帶土124 2017-04-26 23:43:55

樓主我由cdrom開始追四不像個篇到依家有ac突登留言支持你
你可唔可以唔好令細佬每次都係望住部手機嘆氣

宇智波帶土124 2017-04-26 23:45:10

用寫輪眼帶你返現實

心層次 2017-04-26 23:46:41

裘叔確認了美玲的情況，判斷她已無法反抗後，便大喊：
「阿龍，係機會，快啲收拾佢！」

「嚓」的一聲，劍身穿透了身體，鮮血從傷口處噴灑出來！

鮮血？對，沒有錯，是鮮血！

裘叔還沒有理解到底發生了甚麼事，只感到腹部一陣疼痛，不由自住的跪了下來。
他一臉錯愕的看著自己的腹部，然後回到看著龍叔。

只見龍叔也一臉錯愕，仿佛不知道這是他造成的。

「哈哈哈哈！白痴道士！你地真係以為咁樣可以消滅我？白痴！哈哈哈哈！」搖鈴的聲音停止了後，美玲回復了行動力，冷眼的看著二人。

「點解？阿龍你……點解會咁……」裘叔想不通到底發生了甚麼事，而插在他腹部的，根本不是甚麼金錢劍，而是一把鋒利的刀子。

「師伯！我......我都唔知點解會咁......我明明係拎金錢劍……我明明係拮向美玲……」龍叔震驚地說，整個人都變得不知所措。

「當年對付嗰個臭道士已經用過一次，我都估唔到同一招可以繼續有用！所以話呢，男人！哈哈，哈哈哈哈！」美玲發出詭異的笑聲，恥笑著兩人。

裘叔聽到這裏，一臉憤怒的看著美玲，看來是知道原因了。
「師伯……點……點解……」龍叔仍然不明所以，明顯已經方寸大亂。

「估唔到，阿龍你會同我一樣……做出相同嘅錯誤……天意……」裘叔黯然地說。

「哼！天意？唔係，我一早講過天下男人都係一樣！如果唔係，你兩個臭道士點會受我引誘，同我上床！同我上床嘅代價就係受我控制！哈哈，哈哈哈哈！殺死自己師伯嘅感覺係點呀？哈哈哈哈！」美玲高聲恥笑著兩人。

「對唔住呀師伯，我唔知會咁，對唔住呀！」龍叔知道真相後，急得向裘叔跪了下來。

「阿龍……算啦，呢啲都係天意，如果……我地一早……一早幫個女仔，就唔會……就唔會搞到咁……」裘叔說著說著，口中吐出了一口鮮血。

「你......你係幾時知道我......我地想……對付你……」裘叔想求個明白。

「哼，講俾你聽都好，等你死咗條心！我一早知道你地死心不息想對付我，所以我先下手為強，你仲記唔記得你師傅點死架？」美玲看著阿龍，但阿龍卻一臉茫然，不知所措。

「唔通，你......你嗰陣……已經……」裘叔痛苦地說。

「無錯！嗰陣我已經控制咗呢個臭道士，之後嘅嘢，哼！就好似你地諗咁樣啦！本來我都無諗住要殺你地，不過你地係都要搵上門，係你地自己攞嚟！我唔想再同你地玩啦！臭道士，解決佢之後，你就自殺啦！」下了命令後，美玲便慢慢走向小屋，任由兩人留在原地。

就在美玲進到屋內的同時，裘叔已被龍叔殺得死得不能再死了！
而龍叔亦拔出了插在裘叔身上的刀子，向自己的脖子狠狠劃了一下，大量血液噴灑出來後，躺在地上一動不動了。

美玲慢慢走著，她一點也不著急，因她知道，兩個道士死後，Daisy只是囊中之物而已。

但當她聽到一陣陣痛苦的呻吟聲，她突然有一絲的不安感，馬上加快腳步找出Daisy。

當她來到廚房時，她憤怒的大叫了起來：
「你喺度做咩呀？」

原來，她剛踏進廚房時，便看見一個血肉模糊的軀體，正拿著一把刀子，把身上的皮膚一下一下的削了下來。

這個血肉模糊的軀體正是Daisy，她身上九成的皮膚已被她削了下來，並放到廚房裏某個碗裏。
只見皮膚掉到碗裏時，便化作一攤血水，而那些被削下的皮膚所形成的血水，已經滿溢出來並把地板都染紅了。

「呢個方法我只講一次，你做唔做自己決定啦！首先你要記住，因為受到美玲詛咒嘅我地雖然唔會死，但疼痛嘅感覺係不變嘅！呢個方法就係，你要去到廚房，搵出一個印有美玲字樣嘅碗，然後將你嘅皮膚，一塊一塊咁削落去！」Mina在消失前對Daisy說。

「吓？咁做嘅意義係？」Daisy那時並不明白。

「廚房入面有兩個碗，一個有字一個無字，美玲佢會將自己嘅皮膚削落嚟放到有美玲字樣嘅碗入面，而受詛咒嘅我地，被削落嚟嘅皮膚會放喺另一個碗入面！我唔知佢係點樣做到，但只要咁樣做，佢就可以奪走我地嘅皮！所以，只要你做出相反嘅動作，就一定可以破壞佢奪取我地嘅皮膚。」Mina解釋。

「但係......點解你會……」Daisy想不通為甚麼Mina會知道。

「唔係我搵出嚟，喺咁耐以嚟，一直被美玲當做燃料嘅死者得到嘅方法嚟！我地被殺之後唔會咁快灰飛煙滅，而係當做嗰架爛鬼熟食攤檔嘅燃料而生存落去。亦都因為咁，每一個被害者得到嘅訊息傳承落嚟，先有呢個方法！不過，呢個方法應該係比死更難受！你……自己決定做唔做啦！」Mina說完後，便去對付美玲並被消滅了。

「估唔到，成身啲皮無晒都真係唔會死，Mina無呃我！同埋睇你個樣咁緊張，睇嚟呢個方法真係有效！哈哈！哈哈哈哈！今次仲唔係我贏？唔好以為所有嘢都係順你意！」Daisy說完後，便削下自己手上最後的一塊皮膚。

Walkaway 2017-04-26 23:53:03

終於！