難過到想死，貓貓突然過身

佢去咗彩虹橋就會冇咁痛咖啦
我有隻貓貓都14歲
都好驚好快要面對 始終都好老
好後悔十年前冇聽過寵物保險
呢排都好掙扎幫唔幫屋企另外兩隻後生貓貓買保險
好驚佢哋會有大病

同我女朋友隻狗好似，又係偏鼻同老了，但佢仲係幾精靈，有日抖唔到氣入左醫院住左兩日見有啲好轉就番左屋企，但番到屋企完全休息唔到，應該真係抖唔到氣，同果排太熱，最後慢慢起屋企抖唔到氣過左身，本身佢有心臟病，但都覺得太突然

不過我信佢地已經去左開心嘅地方

醫生話d瘡如果唔引到佢發炎就無事
諗返轉頭，可能最大隱疾係心臟⋯

但一直無好明顯既徵兆，就無探究過

咁個醫生都幾鳩喎
有呢啲症都check唔到？

明既
呢個事候盡情傷心
傷心不是罪

樓主唔好自責啦你為貓貓做左好多野架啦，貓貓既一生都有樓主你陪伴同愛，佢係一定感受到架！好多野都無可能話早知係咁就乜乜乜。相信你照顧佢期間比到既關懷係佢最好既禮物！

我都唔知講咩好，你要加油

文盲？

樓主好好保重，我都係過來人。
屋企貓貓上年死於急性心臟病，又係望住佢乜都做唔到，只能摸住佢，話:做咩呀你，點解會咁架。 到之後慢慢叫住佢個名，同佢講: 好快會冇事，而家冇事架啦，好快會唔痛了。

屋企原本有5隻貓，有2隻走果陣都係我親歷其景，好難過，但都興幸有陪到佢最後一段路。

我知道會好傷心好傷心。
但我想樓主你知道一樣野，
你唔好自責，你已經做得好好。
你既貓貓好多謝你，當初冇你接收佢，可能佢好早已經捱唔住，
主人可以揀小動物，但小動物冇得揀主人。
當初有你呢個咁好既主人接收佢，已經好過唔知比咩人接收，有啲人甚至見到係病貓就醫都費是醫。
而你同你既家人都願意帶佢睇醫生同檢查。
已經好好好好。
甚至可能冇人接收佢，好快就捱唔住。

你悉心照顧左佢6年，對貓貓黎講，佢一定好感謝你比呢6年既額外時光佢。
對我地黎講，6年只係一段不長不短既時間。但對貓貓黎講，呢段時間已經係佢既一輩子。佢好多謝你比左咁美好既一生佢。

無論係家人定寵物，生命既終結唔係代表結束，唔係代表一世冇得再見，佢地只係提早去左另一個冇痛苦冇煩惱既地方。我地日後60年後老死果陣都會去到果個地方，之後會見番佢地，所以唔好太傷心，日後一定會重聚番。

我日後都會去到果個地方去同番我所有親人同貓貓團聚番。

樓主唔好自責，你已經做得好好，
你既貓貓而家係果個世界好開心。
而且佢好衷心咁多謝有你呢個咁好既主人比左佢燦爛既一生。

RIP
貓貓依家喺另一個世界生活已經唔再痛，希望佢幸福快樂
巴打唔好咁自責

加油 早幾個月狗仔又係突然咁離開咗
到依家每晚都會記起佢走個一刻
有時會同自己講佢依家過得好好啊 係上面應該玩得好開心
佢走咗到依家四個月 冇一晚可以訓到 差唔多日日都天光先可以訓
又唔知點同朋友講我嘅情緒 因為其實好難令佢哋明白自己嘅感受 所以我都冇乜同朋友講 相信自己
去接受悲傷嘅感覺 想喊就盡情喊啦 一齊加油

💕 (拍拍頭)
樓主 貓貓佢有緣遇上你
可能已經好幸福

你好 我都想講下野 我一路都無同人講過呢啲嘢

我一路好想用文字嚟紀念佢 但我一路都打唔出任何野。今日見到你個po 想安慰下你 想比你知, 有人同你感同身受 有人明白你

我隻貓貓 係我屋企出世 係我屋企走 佢陪咗我10年
佢3月尾確疹腎衰竭 呢個病 無得醫
但係我唔想放棄佢 我想佢可以活下去 我想佢繼續陪住我
我揾咗台灣嘅獸醫 希望靠食中藥可以改善到佢情況
係治療嘅過程 我要親手餵藥，打皮下水

我好多謝佢 佢都無放棄我 同我一齊奮鬥咗3個月
最後係6月尾係我懷抱入面離開

我每一日訓之前都好驚
好驚佢會喺我訓覺嘅時候就走咗 我陪唔到佢最後一程
好驚第日起身佢就已經唔係度

佢走咗之後 我每一日都怪自己
:「我可以再做得好啲架」
:「我應該要再做得好啲 細心啲」
:「咁可能佢就唔會走」

每一日都好掛住佢

不停上網睇好多野 所有可能聽落好荒謬嘅野我都睇 我都信: 包括動物傳心師，甚至通靈嘅例子，我好想知貓貓點諗
：「最後嘅日子，每日都逼佢食藥仲要用針拮佢 佢一定好唔中意我...」

但係唔係架，係每一次佢好辛苦但最後都陪我捱過來嘅時候，佢有返精神嘅時候，佢都仲係嗰隻十年嚟都會主動過嚟揾我陪喺我身邊嘅貓貓。我知佢係中意我，係錫我架。

我好多謝佢所堅持嘅每一秒，我好多謝佢，最後都咁照顧我，比機會我陪佢走完最後一程。

最後我想講一句我係網上見過嘅説話:
「不要用：我應該在他在世時做得更好，這樣他就不會走 / 如果我當時做了這樣的選擇，他就能活得更長時間 的想法來懲罰自己。因為他們的離去別無其他選擇，不會改變 」

我哋對佢嘅愛 佢哋知道 佢哋收到
我哋做得好好

你做得好好 你已經做到最好



.
多謝你比咗個機會我整理自己同打晒出嚟

貓貓係彩虹橋會健康快樂咁生活落去

樓豬唔好咁傷心

屌你老尾搞到我都眼濕濕

感同身受

閣下一定係文盲
又唔睇人講乜，串人仲要打錯字
得罰講句

明白唔想面對 但係有啲事可以一早做 就可能唔會留有咁多遺憾

我就係唔想面對 到要火化嘅時候 我淨係剪低咗一小撮貓毛
所以而家就係得返嗰一小撮
可能我好執著 我好想擁有多啲屬於佢嘅野留喺身邊 所以我而家咁係有啲遺憾嘅

有啲手掌模，毛髮souvenir等等等等 其實我可以一早做 就因為我怕 覺得揾呢啲嘢就好似預判佢嘅離開

但如果有機會 我會希望自己唔好逃避，好好面對
因為到無得逃避嘅時候就會後悔自己逃避咗

朋友 生命是一趟旅程 每個生命都有要學習的課題
當完成了 緣盡了 就離開世界吧
或者咁諗 呢個世界係靈魂的其中一個旅行站
我知道你好難過 就擁抱你的難過吧
肉身的離開 不代表消失 肉身只是靈魂你的顯現 好似你的電腦刪左機唔代表無左
你望下天上的雲 此刻你望見 但不久後雲會化開
雲沒有消失 你係雨水中看見雲 雲在樹木，瓜菜，河流，魚，甚至你的身體內，只是沒有顯現
當你深觀，你會發現貓貓無離開過，佢只係選擇左另一種方式存在
或者我係呢到最唔識講安慰說話的，我只係想俾你知靈魂好大，靈魂不只限於肉身
最後如果你仍然好想同佢重聚，我最後睇左篇文希望可以令你釋懷少少 https://www.instagram.com/p/CCiwYbVDoOb/?igshid=feig55fbel7z

樓主，唔好咁傷心啦。你貓貓最後既日子都無受太多苦，總算有點福份。有啲小動物最後既日子係好難過，好似生cancer，腎病。希望你覺得安慰。

躝啦垃圾文盲

睇到喊
好驚我隻主子會因為我發現唔到佢有病痛而過身
唔敢諗佢過左身既時候點算

RIP

識人又係咁
有人送名種貓跟住六七年就過身
可能香港名種貓啲基因配種已經到咗極限
個gene pool一直都係嗰一兩隻
所以搞到咁 要keep住送走啲病貓
真係人渣嚟