難過到想死，貓貓突然過身

我真係瞓唔住⋯

講猝死，其實都養左6年，佢本身係異國種，即係扁面個種

係朋友個朋友個d 放佢出黎問有無人要，佢本身睇落就似寵物鋪會賣俾人個d貓，仲要俾完之後就話唔會收返，後尾聽返好似個個人好似係賣貓個d

拎佢返黎之後，甚至唔知貓貓幾歲，兩個醫生分別估算係2歲同4歲，之後檢查話佢本身有貓癬，耳仔有個d咩黑色菌，好似提過下心律不正，同有講過佢個鼻好細，呼吸好差，有提議過要唔要幫佢做手術

個時我地諗隻貓果然係病貓底，諗無啦啦做手術都可能玩死佢，所以除左打針，之後就拎耳水同藥膏走

佢一開始d 毛好似好疏落，咁我地幫佢沖涼同之後全身剪短，過左大半年重新生過晒之後d毛就多返同靚返，癬就無晒，但耳仔好似keep住有個d咩菌，所以keep住抹，另外佢異國本身就淚腺有問題，要經常幫佢抹眼，唔緊要啦，做多d者

後尾我每見佢有時透氣有聲，諗緊可能鼻塞，之後除左抹眼，抹耳，仲會幫佢清鼻，即係試索走佢鼻孔入面個d 鼻水同R走可能鼻屎既野，等佢透氣舒服d

貓貓就咁如是者，渡過呢好幾年，細個個時同佢玩，佢跑一陣就透大氣，唔玩，我地一直慣左佢因為個鼻透唔順氣呢件事都不以為然

去到近呢年，貓貓耳同眼都出左好多黑點，瘡瘡，獸醫話呢d 無得清除，佢年紀愈大只會愈來愈多，唯有勤d 清潔，尤其係耳仔，d 黑瘡瘡會令佢耳道更窄，積耳垢，所以都係勤力d 清

普通d貓耳仔係肉色，但佢係藍黑色咁，勤力抹一排，開始見佢由耳尖之下多返d肉色，所以值得⋯

但近排見佢好似食少左野，瞓極多，幾乎連行黎行去都好似少左，所以又帶佢睇醫生

今次醫生就咁普通check , 我地亦都無做X光，照機個類, 本身今次睇都係預幫佢約下次驗血連洗牙一次過

醫生就咁check 完都無乜野⋯
但佢坐車返去個時就間唔中張開口透氣，返到屋企都係咁，不斷張開口好似透唔到氣咁，最後就突然間去左⋯⋯⋯⋯

我地睇住佢咁過身，真係⋯⋯頂唔住
完全唔知發生咩事

我諗緊係咪唔睇醫生，唔出街就唔會害死佢⋯
佢如果一直留係屋企起碼唔會依家過身

我諗緊係咪我地警覺性太低，因為以前貓貓出親街去睇醫生同沖涼，佢都會好緊張，返黎都要大覺瞓休息下先平伏返，我地都慣左佢出親去都係咁⋯佢一直都係休下就無野

係對上上一次出街沖涼先有d 誇張，佢心跳加速跳左好耐先平伏返，但之後又一切如常⋯直到今次

結果佢今次就透唔到死過左身⋯

我瞓唔住，我一路上網睇發生咩事，之後我睇到個個心肌肥厚症，同睇症狀，發覺好似⋯

佢一直好似有太多傷痛，以為唔長命，但又好似好健康咁，不知不覺又步向中老年，我地知佢一直鼻細，管道窄，以為佢未透順條氣，所以氣喘⋯早就將咩心臟可能有事無放係心度

如果今日睇醫生，即場驗血係咪就可以早d知，早d 醫，但佢連下次真係驗血都捱唔到，就算知係不治之症，都唔係咁，點解佢會咁樣忽然走左⋯

好辛苦⋯點解會咁

咁多年來，每次幫佢睇呢樣，搞個樣，屋企都話呢d 所謂名種貓，都真係近親打種打到出晒事，基因有缺憾，點會咁多附帶病⋯

但我依家真係好難過⋯如果異國養得好可去到十幾歲，貓貓係咪太早過身，我地做得唔夠好

好對唔住⋯我唔識急救，我完全唔知可以做d咩救你

好對唔住

。。。

善心打破零回覆

Rip

RIP

上年最中意果隻走左....I know that feel

見到你 都有少少共鳴 已有狗狗10歲 一直唔想面對

先天性問題,順其自然啦
醫都唔玩得幾耐,你曬錢佢又辛苦

得罰講句, 就係你呢啲買寵物嘅人間接助長咗呢啲仆街為咗謀利生同養啲病貓出嚟

但佢本身真係好地地
我真係無諗過佢去出街之後就搞成咁

如果唔去睇醫生，希望過到今晚⋯⋯

我真係就算最後都預算到可能最終都唔會長命，但係⋯唔係咁樣⋯

我地無買⋯

節哀順變，可能離開對佢黎講最好呢

rip 睇完都好難過

我只可以講，唯有細心d，如果俾得起錢，就可能check 得清楚d

雖然結局可能一樣

我唔知，我睇住佢去，我剩覺得我害死佢

貓

無得結果論
當你無帶佢睇醫生
佢要走既都係會走
你到時又會怪自己點解唔帶佢睇醫生
佢只係換過地方同模式
係你心入面生活姐

繁殖場死全家
呢啲慘野日日都發生緊
樓主唔好太傷心根本唔係你既錯
要怪就怪啲仆街（近親）繁殖啲病貓
領養代替購買

冇啦 日日都執屎執尿 成日去唔切 不過我冇任何怨言

最慘係我下年就岀國 一去去幾年 我陪唔到佢最後

唔好難過自責
最緊要佢同你生活嘅時間係幸福同開心

Rip

屋企都咁講
但真係好難受⋯今朝仲好地地

理智個part 其實明一切無法追悔
但個腦度總係有堆如果

RIP
希望樓主你睇開啲 唔好怪責自己
有時知道佢咩病都未必醫得好
我果隻最後就係因為重病送走咗佢
諗起佢仲係會喊出嚟

呢幾年養佢都諗緊，除左佢本身有病
係咪異國呢種繁殖本身都有問題

根本動物只要係純種呢樣野，點都會出現近種呢個問題

RIP
有時望住隻貓都會諗佢過身我會點
屋企人又覺得貓好長命，唔洗睇醫生又日日餵小食佢食,我都好驚佢攝取得唔好