呢一個故事係比較輕鬆少少, 所以大家可以放心睇
順便一提, 呢個Post 200正皮加更, 舊post 450正皮加更
大家加油
《我專門幫人擺分手和頭酒》（為什麼分手呢？）[2]
黑犬風易
986 回覆
366 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
出左夜更先, 夜多少少出埋加更
呢一個故事係比較輕鬆少少, 所以大家可以放心睇
順便一提, 呢個Post 200正皮加更, 舊post 450正皮加更
大家加油
呢一個故事係比較輕鬆少少, 所以大家可以放心睇
順便一提, 呢個Post 200正皮加更, 舊post 450正皮加更
大家加油
（二十七）憨人的愛情故事 (上) 150正皮加更
子成自稱係一個四肢發達，頭腦簡單嘅人，由細到大都係付出勞力但係毫無腦力嘅角色。
好細個開始佢已經知自己讀書唔叻，不過佢嗰個做地盤嘅老豆教佢：「唔撚驚，唔識學到識！」
所以對子成嚟講，蠢從來都唔係問題，因為學學下就會精。
當然，對子成嚟講，有兩嘢佢係學極都唔識嘅。
第一係讀書，除咗體育叫做好少少之外，其他科根本上係一敗塗地。
所以到咗中三，佢已經決定放棄讀書，專心跟老豆學做地盤。
對於佢嚟講，地盤先係真正可以「唔識學到識」嘅地方。
而第二樣佢學極都唔識嘅嘢，係明白女人心。
佢性格直腸直肚，好聽啲叫做坦白爽快，難聽啲就係粗心大意。
所以每次佢遇到自己有興趣嘅女仔，佢都淨係識得一招，就係「一嘢轟落去」。
「我好鍾意你啊，你可唔可以做我女朋友。」
呢一招正常係唔得嘅，不過都有一兩次俾佢得咗。
得，係因為對方覺得佢有嗰句講嗰句夠坦白，加上外型又幾fit，所以俾佢過到關。
但係拍落拖對方就會發現，子成雖然好，但份人真係又悶又無心思，所以通常好快就會因為呢啲原因而分手。
所以對於子成嚟講，要明白女人需要啲咩，似乎係永遠都學唔識嘅嘢。
直到佢遇到美珍。
佢同美珍嘅相遇，可以話係一個奇跡。
因為喺呢一次相遇入面，子成難得地展示到自己最勁嘅優點，而唔係不擅辭令嘅笨拙。
而子成嘅優點，就係體力。
話說嗰次子成同班地盤朋友放飯行經女人街，突然聽到前面有人尖叫一聲：「搶嘢啊！」
當子成班朋友仲望緊發生咩事嘅時候，子成諗都唔諗就已經衝咗去前面。
當佢跑到去一個女人街嘅攤檔位，見到有個女人個樣好驚咁講：「有個阿叔搶走咗我哋幾個袋啊，美珍去咗追佢！」然後向前方一指。
子成跟住手指一望，果然見到前面有兩個跑緊嘅人影。
子成即刻快馬加鞭，喺女人街嘅人群之中穿插，希望追到上去。
呢場驚天地泣鬼神嘅追逐由女人街開始，一直追到去太子金都門口。
最後個偷嘢嘅阿叔跑到中暑，唔洗子成出手已經訓低咗，反而要子成幫佢叫白車。
就喺子成攞到呢個阿叔偷走嘅三個手袋嘅時候，有另一個女仔滿頭大汗咁跑到嚟。
呢個女仔當時著住一件寫住「Addidos」嘅翻版tee，條腰仲帶住收錢專用嘅腰包，塊面跑到紅扑扑。 子成覺得呢個女仔幾可愛又幾特別，因為佢估唔到有女仔可以跟佢由女人街跑到嚟金都。
「你係美珍？」子成將手上嘅三個袋交呢個女仔。
「你點知嘅？不過，唔該哂你。」美珍面紅紅咁接翻個袋，向子成笑一笑。
子成同美珍交接個袋嘅一刻，雙方嘅手指接觸咗一下。
兩個人對望，再低頭一笑。
直到目前為止，一切，美妙得好似電影入面嘅愛情故事一樣。
但呢個故事嘅浪漫只係維持咗一秒。
下一秒，當美珍笑住咁攞咗個袋之後，行咗埋去嗰個中暑喺側邊抖緊嘅阿叔度。
「仆你個街，男人老狗偷袋！好偷唔偷，偷最平嗰三個都仲要跑咁撚遠......」美珍指住個阿叔係咁鬧，簡直係驚天動地。
而子成默默喺側邊度望住美珍，內心覺得，呢個女仔真係好特別。
正所謂情人眼裡出西施，連美珍當街鬧人都覺得好特別，證明子成已經心動。
後來美珍話要多謝子成幫佢捉賊，請咗佢食一餐飯。
子成喺嗰餐飯入面再次用翻佢嘅拿手好戲， 「一嘢轟落去」。
意想不到嘅係，美珍一口就應承咗。
由嗰日開始，子成同美珍就一齊咗。
美珍原來係喺女人街賣老翻手袋嘅人，專門sell下遊客或者師奶。
子成形容美珍係一個好識照顧人嘅人，亦係有史以來最接受到自己嘅人。
因為美珍嘅性格係有嗰句講嗰句，唔啱就鬧，鬧完就教。
咁啱子成就係一個頭腦簡單嘅人，做錯就學，學完就改。
子成自稱係一個四肢發達，頭腦簡單嘅人，由細到大都係付出勞力但係毫無腦力嘅角色。
好細個開始佢已經知自己讀書唔叻，不過佢嗰個做地盤嘅老豆教佢：「唔撚驚，唔識學到識！」
所以對子成嚟講，蠢從來都唔係問題，因為學學下就會精。
當然，對子成嚟講，有兩嘢佢係學極都唔識嘅。
第一係讀書，除咗體育叫做好少少之外，其他科根本上係一敗塗地。
所以到咗中三，佢已經決定放棄讀書，專心跟老豆學做地盤。
對於佢嚟講，地盤先係真正可以「唔識學到識」嘅地方。
而第二樣佢學極都唔識嘅嘢，係明白女人心。
佢性格直腸直肚，好聽啲叫做坦白爽快，難聽啲就係粗心大意。
所以每次佢遇到自己有興趣嘅女仔，佢都淨係識得一招，就係「一嘢轟落去」。
「我好鍾意你啊，你可唔可以做我女朋友。」
呢一招正常係唔得嘅，不過都有一兩次俾佢得咗。
得，係因為對方覺得佢有嗰句講嗰句夠坦白，加上外型又幾fit，所以俾佢過到關。
但係拍落拖對方就會發現，子成雖然好，但份人真係又悶又無心思，所以通常好快就會因為呢啲原因而分手。
所以對於子成嚟講，要明白女人需要啲咩，似乎係永遠都學唔識嘅嘢。
直到佢遇到美珍。
佢同美珍嘅相遇，可以話係一個奇跡。
因為喺呢一次相遇入面，子成難得地展示到自己最勁嘅優點，而唔係不擅辭令嘅笨拙。
而子成嘅優點，就係體力。
話說嗰次子成同班地盤朋友放飯行經女人街，突然聽到前面有人尖叫一聲：「搶嘢啊！」
當子成班朋友仲望緊發生咩事嘅時候，子成諗都唔諗就已經衝咗去前面。
當佢跑到去一個女人街嘅攤檔位，見到有個女人個樣好驚咁講：「有個阿叔搶走咗我哋幾個袋啊，美珍去咗追佢！」然後向前方一指。
子成跟住手指一望，果然見到前面有兩個跑緊嘅人影。
子成即刻快馬加鞭，喺女人街嘅人群之中穿插，希望追到上去。
呢場驚天地泣鬼神嘅追逐由女人街開始，一直追到去太子金都門口。
最後個偷嘢嘅阿叔跑到中暑，唔洗子成出手已經訓低咗，反而要子成幫佢叫白車。
就喺子成攞到呢個阿叔偷走嘅三個手袋嘅時候，有另一個女仔滿頭大汗咁跑到嚟。
呢個女仔當時著住一件寫住「Addidos」嘅翻版tee，條腰仲帶住收錢專用嘅腰包，塊面跑到紅扑扑。 子成覺得呢個女仔幾可愛又幾特別，因為佢估唔到有女仔可以跟佢由女人街跑到嚟金都。
「你係美珍？」子成將手上嘅三個袋交呢個女仔。
「你點知嘅？不過，唔該哂你。」美珍面紅紅咁接翻個袋，向子成笑一笑。
子成同美珍交接個袋嘅一刻，雙方嘅手指接觸咗一下。
兩個人對望，再低頭一笑。
直到目前為止，一切，美妙得好似電影入面嘅愛情故事一樣。
但呢個故事嘅浪漫只係維持咗一秒。
下一秒，當美珍笑住咁攞咗個袋之後，行咗埋去嗰個中暑喺側邊抖緊嘅阿叔度。
「仆你個街，男人老狗偷袋！好偷唔偷，偷最平嗰三個都仲要跑咁撚遠......」美珍指住個阿叔係咁鬧，簡直係驚天動地。
而子成默默喺側邊度望住美珍，內心覺得，呢個女仔真係好特別。
正所謂情人眼裡出西施，連美珍當街鬧人都覺得好特別，證明子成已經心動。
後來美珍話要多謝子成幫佢捉賊，請咗佢食一餐飯。
子成喺嗰餐飯入面再次用翻佢嘅拿手好戲， 「一嘢轟落去」。
意想不到嘅係，美珍一口就應承咗。
由嗰日開始，子成同美珍就一齊咗。
美珍原來係喺女人街賣老翻手袋嘅人，專門sell下遊客或者師奶。
子成形容美珍係一個好識照顧人嘅人，亦係有史以來最接受到自己嘅人。
因為美珍嘅性格係有嗰句講嗰句，唔啱就鬧，鬧完就教。
咁啱子成就係一個頭腦簡單嘅人，做錯就學，學完就改。
例如，當佢哋第一次慶祝情人節，美珍難得撒嬌話想鋸扒，當時子成一口應承；
點知當美珍搵咗全屋唯一一條裙出街嘅時候，子成竟然帶咗佢去茶記食雜扒飯，仲話「一個價錢三塊扒，幾撚抵」。
結果，嗰日佢俾美珍由茶記門口鬧到去Outback，從此之後，子成學識咗，當女朋友對飲食有要求嘅時候，最好早一日預備下。
又例如，當佢哋就快到拍拖半週年嘅時候，美珍暗示咗大家要交換禮物。
去到半週年嘅時候，美珍送咗一對子成夢寐以求嘅Timberland俾佢；
而子成，竟然送咗一套德國刀具俾美珍。
據佢自己解釋，原因係呢套刀具真心好用，而且有特價。
結果，美珍嗰日嬲到一刀插咗喺食飯枱到，嚇到經過嘅侍應咩都唔敢講。
從此之後，子成學識咗，要準備禮物，就要平日多啲觀察留意女朋友。
一個願教，一個願學。
美珍同子成嘅愛情故事就係咁樣寫咗就快六年。
對子成嚟講，「唔撚驚，唔識學到識」呢句說話就係佢同美珍嘅相處之道。
雖然佢蠢，不解風情，但佢同時唔俾自己同一件事錯兩次。
所以六年以來，雖然兩個人仍然會鬧交，但次數愈來愈少。
唔係子成愈來愈識拍拖，只係佢愈來愈認識美珍。
而佢願意學嘅其中一個原因，係因為佢知美珍唔係為咗要佢滿足自己而逼佢改變，而係當美珍留意到自己有不足嘅時候，願意有耐性去教自己。
愛情從來都係兩個人嘅事，因為兩個人都唔同，所以大家都有需要去學習配合對方，適應對方嘅節奏。
美珍唔係一個鍾意要男仔估估下嘅女仔，佢會好直接將自己嘅需要講出嚟，令子成識得配合。
子成感覺到，美珍唔係要將佢改造到成為一個「滿足自己」嘅男朋友，而係只係想佢有進步，例如係識得點樣去留意人，識得點樣去關心人。
因為講到底，拍拖，就係一門互相關心，互相了解嘅學問。
所以美珍用最直接嘅方法俾子成了解自己，而子成亦用最簡單嘅方法去關心美珍。
而今次佢嚟到威哥呢度嘅原因，係因為佢同美珍即將步入五週年，而呢啲大時大節需要一份禮物。
「要準備禮物就要平日多啲觀察留意女朋友」，所以子成一早已經準備好今次嘅禮物，一個真嘅LV袋。
因為佢已經聽過賣翻版嘅美珍自言自語講咗好多次，人生入面好想擁有一個真LV袋，所以今次佢決定用呢個袋作為六週年禮物。
而子成喺朋友搭路之下，搵到一個比門市貨平一千蚊嘅選擇。
但佢為免自己買錯假貨，所以決定上嚟搵朋友威哥教路。
威哥本身就係製作LV假貨嘅專家，當然對點樣分真假相當有心得。
所以子成今日嚟到呢度，正正就係嚟上堂嘅。
聽住子成同美珍嘅愛情經歷，我將本身心入面對佢嘅疑懷一掃而空。
因為，我相信一個願意為愛情努力改變嘅人，一定係一個善良嘅人。
而子成同美珍嘅故事聽落好笨拙，但我更加鍾意入面嘅嗰一份坦白同直來直往。
一方有需要，就講出嚟；
一方唔明白，就提醒佢，
一方未做好，就等佢進步。
世界上所有情侶由相識嘅一刻開始，即使如膠似漆，但始終都係兩個人。
既然係唔同嘅個體，就自然有唔同嘅心思意念。
好多時，女人因為面子，想男人自動自覺咁明白佢。
但其實女人無諗過，要估中自己嘅心思，仲難過估公字。
同樣地，男人因為面子，對女人嘅提醒視若無睹，活出本我。
但男人無諗過，其實女人講嘅嘢有時唔係要求、唔係命令，而係佢哋衷心對另一半嘅期望，或者係佢哋對愛情嘅希冀。
好多人因為保住面子，而失去咗關係；
但係子成同美珍就係咩都唔諗咁直來直往，反而令到關係走得長久。
如果每段關係都可以擁有咁坦白嘅交流，可能我一早已經失業。
而且，可能我都唔需要擁有一個守住五年幾都未有答案嘅秘密。
_________________________________________________
今日難得150正皮加更 所以出長少少
希望快啲到200正皮再可以加更啦
點知當美珍搵咗全屋唯一一條裙出街嘅時候，子成竟然帶咗佢去茶記食雜扒飯，仲話「一個價錢三塊扒，幾撚抵」。
結果，嗰日佢俾美珍由茶記門口鬧到去Outback，從此之後，子成學識咗，當女朋友對飲食有要求嘅時候，最好早一日預備下。
又例如，當佢哋就快到拍拖半週年嘅時候，美珍暗示咗大家要交換禮物。
去到半週年嘅時候，美珍送咗一對子成夢寐以求嘅Timberland俾佢；
而子成，竟然送咗一套德國刀具俾美珍。
據佢自己解釋，原因係呢套刀具真心好用，而且有特價。
結果，美珍嗰日嬲到一刀插咗喺食飯枱到，嚇到經過嘅侍應咩都唔敢講。
從此之後，子成學識咗，要準備禮物，就要平日多啲觀察留意女朋友。
一個願教，一個願學。
美珍同子成嘅愛情故事就係咁樣寫咗就快六年。
對子成嚟講，「唔撚驚，唔識學到識」呢句說話就係佢同美珍嘅相處之道。
雖然佢蠢，不解風情，但佢同時唔俾自己同一件事錯兩次。
所以六年以來，雖然兩個人仍然會鬧交，但次數愈來愈少。
唔係子成愈來愈識拍拖，只係佢愈來愈認識美珍。
而佢願意學嘅其中一個原因，係因為佢知美珍唔係為咗要佢滿足自己而逼佢改變，而係當美珍留意到自己有不足嘅時候，願意有耐性去教自己。
愛情從來都係兩個人嘅事，因為兩個人都唔同，所以大家都有需要去學習配合對方，適應對方嘅節奏。
美珍唔係一個鍾意要男仔估估下嘅女仔，佢會好直接將自己嘅需要講出嚟，令子成識得配合。
子成感覺到，美珍唔係要將佢改造到成為一個「滿足自己」嘅男朋友，而係只係想佢有進步，例如係識得點樣去留意人，識得點樣去關心人。
因為講到底，拍拖，就係一門互相關心，互相了解嘅學問。
所以美珍用最直接嘅方法俾子成了解自己，而子成亦用最簡單嘅方法去關心美珍。
而今次佢嚟到威哥呢度嘅原因，係因為佢同美珍即將步入五週年，而呢啲大時大節需要一份禮物。
「要準備禮物就要平日多啲觀察留意女朋友」，所以子成一早已經準備好今次嘅禮物，一個真嘅LV袋。
因為佢已經聽過賣翻版嘅美珍自言自語講咗好多次，人生入面好想擁有一個真LV袋，所以今次佢決定用呢個袋作為六週年禮物。
而子成喺朋友搭路之下，搵到一個比門市貨平一千蚊嘅選擇。
但佢為免自己買錯假貨，所以決定上嚟搵朋友威哥教路。
威哥本身就係製作LV假貨嘅專家，當然對點樣分真假相當有心得。
所以子成今日嚟到呢度，正正就係嚟上堂嘅。
聽住子成同美珍嘅愛情經歷，我將本身心入面對佢嘅疑懷一掃而空。
因為，我相信一個願意為愛情努力改變嘅人，一定係一個善良嘅人。
而子成同美珍嘅故事聽落好笨拙，但我更加鍾意入面嘅嗰一份坦白同直來直往。
一方有需要，就講出嚟；
一方唔明白，就提醒佢，
一方未做好，就等佢進步。
世界上所有情侶由相識嘅一刻開始，即使如膠似漆，但始終都係兩個人。
既然係唔同嘅個體，就自然有唔同嘅心思意念。
好多時，女人因為面子，想男人自動自覺咁明白佢。
但其實女人無諗過，要估中自己嘅心思，仲難過估公字。
同樣地，男人因為面子，對女人嘅提醒視若無睹，活出本我。
但男人無諗過，其實女人講嘅嘢有時唔係要求、唔係命令，而係佢哋衷心對另一半嘅期望，或者係佢哋對愛情嘅希冀。
好多人因為保住面子，而失去咗關係；
但係子成同美珍就係咩都唔諗咁直來直往，反而令到關係走得長久。
如果每段關係都可以擁有咁坦白嘅交流，可能我一早已經失業。
而且，可能我都唔需要擁有一個守住五年幾都未有答案嘅秘密。
_________________________________________________
今日難得150正皮加更 所以出長少少
希望快啲到200正皮再可以加更啦
子成同美珍真係好夾呀
一定要幸福
樓豬唔會下一篇黎個大反轉掛...
一定要幸福
樓豬唔會下一篇黎個大反轉掛...
好sweet啊
坦白同溝通係一段關係入面真係好重要
兩個人始終係兩個人，唔係對方肚入面條蟲，靠估只會越估越錯，越錯越多，然後就返唔到轉頭
兩個人始終係兩個人，唔係對方肚入面條蟲，靠估只會越估越錯，越錯越多，然後就返唔到轉頭
睇落去就知
Sweet下都好
上一篇太多內心戲
上一篇太多內心戲
完全同意 可惜好多人做唔到
我一路都以為同ex一齊到咁耐係因為夠坦白，但係唔知幾時開始佢唔開心都唔出聲，然後就冇然後
子成同美珍甜到漏呀！！！
但宜家仲有幾多人係好似子成愛得咁純咁一條心呀
但宜家仲有幾多人係好似子成愛得咁純咁一條心呀
真係 我見佢唔出聲又以為冇問題 問佢又話冇事啊冇野 咁咪繼續囉 然後就沒有然後了
呢個chapter 心酸
呢個chapter 心酸
坦白其實好難
真係要做到所有嘢都傾心吐意仲難
真係要做到所有嘢都傾心吐意仲難
真係無乜 肯聽女朋友講嘅男人
真係好男人
真係好男人
我仲以為會係一個sweet chapter
竟然勾起你傷心事
竟然勾起你傷心事
我唔明嘅係點解要死忍
一早講，都仲有解決嘅機會
忍到自己心淡先講，然後我一路都成個傻仔咁以為仲好sweet，原來唔知幾時開始已經係扮開心
點解要咁?
一早講，都仲有解決嘅機會
忍到自己心淡先講，然後我一路都成個傻仔咁以為仲好sweet，原來唔知幾時開始已經係扮開心
點解要咁?
仆街，威哥係邊個
前一兩個 case，Rebecca 個男朋友跟開嘅大佬
追晒 快啲再出
Same here
可能以為相處耐咗咁都可以唔知佢諗咩，所以先心淡，有時下下開到聲先識做就好無癮，會覺得好似拍咗拖咁耐都唔夾或者無默契 呢啲心魔一出現就會不斷揾到唔愛嘅理由之後就拜拜
但拍拖本身就係因為兩個人有唔同或者相似嘅地方所以先吸引。但激情退卻之後只係因為習慣同之前嘅投入而繼續一齊又何唔係悲哀呢......所以「只有聽過合久的分了，未聽過分久了的合」
但人一世，物一世 試過唔work長痛不如短痛la 「人若變記憶便迷人」不如就接受過去......我聽過人講，其實愛一個人係永恆嘅，因為大家相愛嗰一刻唔會有任何嘢改變到，係一個既定事實，但人心會變，所以惟有將佢封存又或者停留係記憶......
雖然我都只係得把口
我信佢一定對你有感情嘅，唔係又何必扮呢。更何況女仔更加敏感，怕自己心軟加會唔忍心hurt到你所以先唔講，我之前甚至到依家都有恨ex，但又覺得ex係俾我捆綁係原地......所以同ex講我會祝福佢，但請之後老死互不往來...... 當然講就凶狠
可能以為相處耐咗咁都可以唔知佢諗咩，所以先心淡，有時下下開到聲先識做就好無癮，會覺得好似拍咗拖咁耐都唔夾或者無默契 呢啲心魔一出現就會不斷揾到唔愛嘅理由之後就拜拜但拍拖本身就係因為兩個人有唔同或者相似嘅地方所以先吸引。但激情退卻之後只係因為習慣同之前嘅投入而繼續一齊又何唔係悲哀呢......所以「只有聽過合久的分了，未聽過分久了的合」
但人一世，物一世 試過唔work長痛不如短痛la 「人若變記憶便迷人」不如就接受過去......我聽過人講，其實愛一個人係永恆嘅，因為大家相愛嗰一刻唔會有任何嘢改變到，係一個既定事實，但人心會變，所以惟有將佢封存又或者停留係記憶......
雖然我都只係得把口
我信佢一定對你有感情嘅，唔係又何必扮呢。更何況女仔更加敏感，怕自己心軟加會唔忍心hurt到你所以先唔講，我之前甚至到依家都有恨ex，但又覺得ex係俾我捆綁係原地......所以同ex講我會祝福佢，但請之後老死互不往來...... 當然講就凶狠
佢都係話怕我唔開心所以唔敢講，但係分手唔係先最唔開心咩?
問題唔講出黎，點知解決唔到呢? 點解要認定要我改變，我就會唔開心呢? 都未試過
我都好嬲佢，但係實際上又嬲唔落，因為佢都應該爭扎左好耐，只係覺得好心痛，原來自己令到佢咁唔開心
問題唔講出黎，點知解決唔到呢? 點解要認定要我改變，我就會唔開心呢? 都未試過
我都好嬲佢，但係實際上又嬲唔落，因為佢都應該爭扎左好耐，只係覺得好心痛，原來自己令到佢咁唔開心
好撚sweet
樓主咪撚下集黎個大反轉 唔係我寄刀片
樓主咪撚下集黎個大反轉 唔係我寄刀片
嗰時好似叫阿威定威仔